Author: Tomy Thondamkuzhy

പ്രതിപക്ഷ നേതാവ് രമേശ് ചെന്നിത്തലക്ക് മറുപടിയുമായി കോടിയേരി ബാലകൃഷ്ണന്‍. യു.ഡി.എഫ് പാലായില്‍ പരാജയം സമ്മതിച്ചു. അതുകൊണ്ടാണ് മന്ത്രിമാര്‍ പ്രചാരണത്തിന് വരുന്നത് ചട്ടലംഘനമാണെന്ന് പ്രതിപക്ഷ നേതാവ് ആരോപിക്കുന്നത്. പാലായില്‍ ഒന്നിച്ച് രാഷ്ട്രീയ നിലപാട് സ്വീകരിക്കാന്‍ പോലും യു.ഡി.എഫിന് ഇതുവരെയും കഴിഞ്ഞിട്ടില്ലെന്നും അദ്ദേഹം കുറ്റപ്പെടുത്തി. പാലാരിവട്ടം പാലം പൊളിക്കാനുള്ള തീരുമാനത്തെയും കോടിയേരി ബാലകൃഷ്ണന്‍ സ്വാഗതം ചെയ്തു. യു.ഡി.എഫിന്റെ കാലത്തുണ്ടായ അഴിമതിയുടെ തെളിവാണിത്. ഉദ്യോഗസ്ഥര്‍ക്ക് മാത്രമല്ല, രാഷ്ട്രീയക്കാര്‍ക്കും അഴിമതിയില്‍ പങ്കുണ്ട്. ഇതും വിജിലന്‍സ് അന്വേഷിക്കേണ്ടതാണെന്ന് കോടിയേരി ബാലകൃഷ്ണന്‍ പാലായില്‍ പറഞ്ഞു.

വടക്കാഞ്ചേരി കൌണ്‍സിലര്‍ ജയന്തനെതിരായ പീഡനക്കേസ് അന്വേഷണം അവസാനിപ്പിച്ചതായി ആഭ്യന്തര വകുപ്പ്. യുവതിയുടെ പരാതി വ്യാജമെന്ന കണ്ടെത്തലിന്റെ അടിസ്ഥാനത്തിലാണ് അന്വേഷണം അവസാനിപ്പിച്ചത്. സി.പി.എം നേതാവും വടക്കാഞ്ചേരി നഗരസഭാ കൗൺസിലറുമായ ജയന്തനെതിരെ ആയിരുന്നു ആരോപണം. 2016 ആഗസ്തിലാണ് ജയന്തന്‍ ഉള്‍പ്പെടെ നാല് പേര്‍ക്കെതിരെ വടക്കാഞ്ചേരി സ്വദേശിനിയായ യുവതി പരാതി നല്‍കിയത്. എന്നാല്‍ പൊലീസ് കേസെടുക്കാന്‍ തയ്യാറായില്ലെന്ന് ആരോപിച്ച് യുവതി ഡബ്ബിങ് ആര്‍ട്ടിസ്റ്റ് ഭാഗ്യലക്ഷ്മിക്കൊപ്പമെത്തി വാര്‍ത്താസമ്മേളനം നടത്തി. അന്വേഷണത്തിന്‍റെ ഭാഗമായി നുണപരിശോധന ഉള്‍പ്പെടെയുള്ളവ നടത്തി. പിന്നീട് പരാതിക്കാരി അന്വേഷണവുമായി സഹകരിക്കുന്നില്ലെന്ന് അന്വേഷണ […]