വൈവിധ്യമാര്ന്ന കഥാപാത്രങ്ങള് അവതരിപ്പിക്കുന്നതില് യുവനടന്മാരില് മുന്പന്തിയിലാണ് ടൊവിനോ തോമസ്. എടക്കാട് ബറ്റാലയിനിലെ പട്ടാളക്കാരന് ശേഷം ഫോറന്സിക് ഉദ്യോഗസ്ഥന്റെ വേഷത്തില് ടൊവിനോ പ്രേക്ഷകര്ക്ക് മുന്നിലെത്തുകയാണ്. ഫോറന്സിക് എന്നാണ് ചിത്രത്തിന്റെ പേര്. അഖില് പോള്, അനസ് ഖാന് എന്നിവര് ചേര്ന്നാണ് ചിത്രത്തിന് തിരക്കഥ ഒരുക്കിയിരിക്കുന്നതും ചിത്രത്തിന്റെ സംവിധാനം നിര്വ്വഹിക്കുന്നതും. മംമ്ത മോഹന്ദാസാണ് ചിത്രത്തിലെ നായിക. ഇതാദ്യമായിട്ടാണ് ടൊവിനൊയും മംമ്തയും ഒന്നിക്കുന്നത്. ചിത്രത്തിൽ ടൊവിനോയ്ക്കൊപ്പം നിരവധി കുട്ടികളും അഭിനയിക്കുന്നുണ്ട്. സിനിമയുടെ ഒഫീഷ്യൽ ഫേസ്ബുക്ക് പേജിലൂടെ മുൻപ് ടൊവീനോയോടൊപ്പം അഭിനയിക്കുന്ന കുട്ടികളെ പരിചയപ്പെടുത്തിയിരുന്നു. […]
