ആറന്മുളയില്‍ കടുത്ത പോരാട്ടമെന്ന വിലയിരുത്തലില്‍ പ്രചാരണം ശക്തമാക്കി മുന്നണികള്‍. ദേശീയ നേതാക്കളെ കളത്തിലിറക്കിയുള്ള പ്രചാരണം ഗുണം ചെയ്യുമെന്നാണ് യുഡിഎഫിന്റെയും എന്‍ഡിഎയുടെയും കണക്കുകൂട്ടല്‍. വീണാ ജോര്‍ജിന് മണ്ഡലത്തില്‍ കഴിഞ്ഞ തവണത്തേക്കാള്‍ ഭൂരിപക്ഷം ലഭിക്കുമെന്നാണ് എല്‍ഡിഎഫിന്റെ ആത്മവിശ്വാസം. കഴിഞ്ഞ തവണ കൈവിട്ട ആറന്മുള ഇത്തവണ നേടാമെന്ന പ്രതീക്ഷയിലാണ് യുഡിഎഫ് സ്ഥാനാര്‍ത്ഥി കെ.ശിവദാസന്‍ നായര്‍. ശബരിമലയാണ് പ്രധാന പ്രചാരണ വിഷയം. എന്‍എസ്എസ് ഇടതുമുന്നണിയോട് ഇടഞ്ഞ് നില്‍ക്കുന്നത് ഗുണം ചെയ്യുമെന്ന് വിലയിരുത്തല്‍. രാഹുല്‍ ഗാന്ധി റോഡ് ഷോ ആത്മവിശ്വാസം കൂട്ടിയെന്നും സ്ഥാനാര്‍ത്ഥി പറയുന്നു. […]
