എന്നാല് വംശീയ അധിക്ഷേപങ്ങള് ആഭ്യന്തര ക്രിക്കറ്റില് സാധാരണമാണെന്നുകൂടി ഇര്ഫാന് പത്താന് വെളിപ്പെടുത്തി. കഴിഞ്ഞ ദിവസമാണ് ഐ.പി.എല്ലില് കളിച്ചിരുന്ന സമയത്ത് വംശീയാധിക്ഷേപം നേരിടേണ്ടി വന്നിരുന്നുവെന്ന് ഡാരന് സമ്മി വെളിപ്പെടുത്തിയത്. ആരാധകരുടെ സ്നേഹത്തോടെയുള്ള വിളിയെന്ന് കരുതിയിരുന്ന വാക്ക് അധിക്ഷേപമാണെന്ന് തിരിച്ചറിഞ്ഞപ്പോള് ദേഷ്യം അടക്കാനാവുന്നില്ലെന്നാണ് സമ്മി പറഞ്ഞത്. എന്നാല്, സമ്മിയുടെ സണ്റൈസേഴ്സ് ഹൈദരബാദിലെ സഹതാരങ്ങള് ഈ ആരോപണം നിഷേധിച്ച് രംഗത്തെത്തി. ഐ.പി.എല്ലില് കളിച്ചിരുന്ന കാലത്ത് ‘കാലു’ എന്നാണ് ആരാധകരില് പലരും തന്നെ ലങ്കന് താരം തിസര പെരേരയും വിളിച്ചിരുന്നതെന്നാണ് സമ്മി പറഞ്ഞത്. […]
