അര്ജന്റീനയോടും ബ്രസീലിനോടും ലോകകപ്പ് യോഗ്യതാ മത്സരം വീണ്ടും കളിക്കാന് നിര്ദേശിച്ച് ഫിഫ. കഴിഞ്ഞ വര്ഷം സെപ്റ്റംബര് 21ന് ബ്രസീലില് നടന്ന അര്ജന്റീന-ബ്രസീല് യോഗ്യതാ മത്സരം അര്ജന്റീന താരങ്ങള് കൊവിഡ് നിയന്ത്രണങ്ങളുടെ ഭാഗമായ ക്വാറന്റീന് നിബന്ധനകള് ലംഘിച്ചുവെന്ന് ചൂണ്ടിക്കാട്ടി ആരോഗ്യപ്രവര്ത്തകര് ഇടപെട്ട് നിര്ത്തിവെച്ചിരുന്നു. കിക്കോഫ് കഴിഞ്ഞ് മിനിറ്റുകള്ക്കകമായിരുന്നു ആരോഗ്യപ്രവര്ത്തകരുടെ നാടകീയ ഇടപെടലുണ്ടായത്. പിന്നീട് ഈ മത്സരം നടത്തിയില്ല. ഫിഫ നിര്ദേശപ്രകാരം വീണ്ടും മത്സരിക്കാന് സന്തോഷമേയുളളൂവെന്ന് അര്ജന്റീനയുടെയും ബ്രസീലിന്റെയും ഫുട്ബോള് അസോസിയേഷനുകള് വ്യക്തമാക്കിയിട്ടുണ്ട്. ഇരുടീമുകളും ഈ വര്ഷം ഖത്തറില് നടക്കുന്ന […]
