അഴുക്കുചാലുകള് വൃത്തിയാക്കുന്നതിനിടെ കഴിഞ്ഞ അഞ്ച് വര്ഷത്തിനിടെ ഗുജറാത്തില് ജീവന് നഷ്ടമായത് 86 ശുചീകരണ തൊഴിലാളികള്ക്ക്. ഗുജറാത്ത് നിയമസഭയില് വെച്ച രേഖയിലാണ് ശുചീകരണ തൊഴിലാളികളുടെ ചാവുനിലമായി ഗുജറാത്ത് മാറുന്നുവെന്ന വിവരമുള്ളത്. മരിച്ച 49 പേരുടെ കുടുംബത്തിനും ഇതുവരെയും നഷ്ടപരിഹാരമായി ഒരു രൂപ പൊലും ലഭിച്ചിട്ടില്ലെന്നും ഗുജറാത്ത് നിയമസഭയില് വെച്ച രേഖയില് പറയുന്നു. വെള്ളിയാഴ്ച്ച ഗുജറാത്ത് നിയമസഭയില് വെച്ച നക്ഷത്രചിഹ്നമിടാത്ത ചോദ്യത്തിനുള്ള മറുപടിയിലാണ് ഈ വിവരങ്ങളുള്ളത്. നഗരവികസനത്തിന്റെ ചുമതലയുള്ള മുഖ്യമന്ത്രി വിജയ് റുപാനിയാണ് മുന് കോണ്ഗ്രസ് എം.എല്.എ ഡോ. ആശ […]
