India

വയനാട്ടിലെ സ്ഥാനാര്‍ഥികള്‍ക്ക് മാവോയിസ്റ്റ് ഭീഷണിയെന്ന് ഇന്റലിജന്‍സ് റിപ്പോര്‍ട്ട്. വനാതിര്‍ത്തികളില്‍ പ്രചരണം നടത്തുമ്പോള്‍ പ്രത്യേക സുരക്ഷ ഒരുക്കണം. സ്ഥാനാര്‍ഥികള്‍ക്ക് നേരെ ആക്രമണത്തിന് സാധ്യതയുണ്ടെന്നും റിപ്പോര്‍ട്ടില്‍ പറയുന്നു. റിപ്പോര്‍ട്ടിന്റെ അടിസ്ഥാനത്തില്‍ സ്ഥാനാര്‍ഥികള്‍ക്ക് സുരക്ഷ ഒരുക്കാന്‍ പൊലീസിന് നിര്‍ദേശം നല്‍കിയിട്ടുണ്ട്.

കൊല്ലം എല്‍.ഡി.എഫ് സ്ഥാനാര്‍ഥി കെ.എന്‍ ബാലഗോപാലിനെതിരെ യു.ഡി.എഫിന്റെ പരാതി. ബാലഗോപാലിന്‍റെ ചിത്രം ധരിച്ചവർ വോട്ടർമാർക്ക് പാരിതോഷികം വിതരണം ചെയ്തെന്നാണ് ആരോപണം. പാരിതോഷികം സമ്മാനിക്കുന്നതിന്‍റെ വീഡിയോ സഹിതമാണ് യു.ഡി.എഫ് പരാതി അയച്ചത്. പരാതി സംസ്ഥാന തെരഞ്ഞെടുപ്പ് കമ്മീഷണർക്കും, ജില്ലാ തെരഞ്ഞെടുപ്പ് ഓഫീസര്‍ക്കും കൈമാറി.

ആലത്തൂരിലെ യു.ഡി.എഫ് സ്ഥാനാര്‍ഥി രമ്യാ ഹരിദാസിനെതിരായ എല്‍.ഡി.എഫ് കണ്‍വീനര്‍ എ.വിജയരാഘവന്റെ മോശം പരാമര്‍ശത്തിനെതിരെ കോടതിയെ സമീപിക്കാനൊരുങ്ങി യു.ഡി.എഫ്. സ്ത്രീവിരുദ്ധ പരാമര്‍ശത്തിനെതിരെ പൊലീസ് കേസെടുക്കാത്തത് മുഖ്യമന്ത്രിയുടെ നിര്‍ദേശമുള്ളതിനാലാണെന്നാണ് യു.ഡി.എഫ് ആരോപണം. പൊന്നാനിയിലും കോഴിക്കോടും നടത്തിയ പ്രസംഗത്തിനിടെയാണ് എല്‍.ഡി.എഫ് കണ്‍വീനര്‍ എ.വിജയരാഘവന്‍ രമ്യാ ഹരിദാസിനെതിരെ അശ്ലീലകരമായ പരാമര്‍ശം നടത്തിയത്. സ്ത്രീത്വത്തെ അപമാനിക്കുന്ന പരാമര്‍ശത്തിനെതിരെ രമ്യ ആലത്തൂര്‍ ഡി.വൈ.എസ്.പിക്ക് പരാതി നല്‍കുകയും പൊന്നാനി ഡി.വൈ.എസ്.പിയുടെ നേതൃത്വത്തില്‍ പരാതിക്കാരിയുടെ മൊഴി രേഖപ്പെടുത്തുകയും ചെയ്തിരുന്നു. എന്നാല്‍ പരാതി നല്‍കി പത്ത് ദിവസം കഴിഞ്ഞിട്ടും വിജയരാഘവനെതിരെ […]

മോദി അധികാരത്തിൽ വന്നശേഷം കൂടുതൽ സൈനികർ മരിച്ചെന്നും പ്രതിരോധ മേഖലയിൽ ഉൾപ്പെടെ വൻ അഴിമതി നടന്നുവെന്നും വി.എസ് അച്യുതാനന്ദൻ. കോണ്‍ഗ്രസിനെയും രൂക്ഷമായ ഭാഷയിലാണ് വി.എസ് വിമര്‍ശിച്ചത്. മലപ്പുറത്തെ എൽ.ഡി.എഫ് കൺവെൻഷനിൽ സംസാരിക്കുകയായിരുന്നു വി.എസ് . മലപ്പുറത്തെ പാർട്ടി പ്രവർത്തകർക്ക് ആവേശമായാണ് വി.എസ് വി.പി സാനുവിന്റെ തെരഞ്ഞെടുപ്പ് കൺവെൻഷനിലെത്തിയത്. വി.എസ് എത്തിയതോടെ പ്രവർത്തകരുടെ ആവേശം ഇരട്ടിയായി.കൺവെൻഷൻ ഉദ്ഘാടനം ചെയ്ത് സംസാരിച്ച വി.എസ്, നരേന്ദ്രമോദി സർക്കാറിനെയും കോൺഗ്രസിനെയും വിമർശിച്ചു.എൽ.ഡി.എഫ് സ്ഥാനാർത്ഥി വി.പി സാനുവിനെ പ്രകീർത്തിച്ച വി.എസ്, മലപ്പുറത്തെ യു.ഡി.എഫ് സ്ഥാനാർഥി […]

രാഹുല്‍ ഗാന്ധിയുടെ തെരഞ്ഞടുപ്പ് പ്രചരണത്തിന്‍റെ ഭാഗമായി ആദിവാസി കോളനികളില്‍ യു.ഡി.എഫിന്‍റെ ഊരുസമ്പര്‍ക്ക യാത്ര. യു.ഡി.എഫിന്‍റെ സംയുക്ത തൊഴിലാളി യൂണിയനുകളുടെ നേതൃത്വത്തില്‍ നടന്ന സംഗമം കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍ ഉദ്ഘാടനം ചെയ്തു. രാഹുൽ ജയിക്കണം ഊരുകൾ വളരണം എന്ന മുദ്രാവാക്യവുമായാണ് ഊരുസമ്പര്‍ക്ക യാത്ര നടത്തുന്നത്. വയനാട് ലോക്സഭാമണ്ഡലത്തില്‍ വിവിധ ആദിവാസി ഊരുകളിലായാണ് യാത്ര നടത്തുന്നത്. ആദ്യ പരിപാടി കോടഞ്ചേരി വട്ടച്ചിറയില്‍ മുല്ലപ്പള്ളി രാമചന്ദ്രന്‍ ഉദ്ഘാടനം ചെയ്തു. ആദിവാസികളോടോപ്പം എക്കാലവും നിലയുറപ്പിച്ചതാണ് കോണ്‍ഗ്രസിന്‍റ ചരിത്രമെന്ന് മുല്ലപ്പള്ളി രാമചന്ദ്രന്‍ പറഞ്ഞു. […]

ബാബു പോള്‍ വിട വാങ്ങുമ്പോള്‍ കേരളത്തിന് നഷ്ടമാകുന്നത് പ്രായോഗിക ബുദ്ധിയുള്ള ഭരണാധികാരിയെ മാത്രമല്ല. മികച്ച എഴുത്തുകാരനെയും പ്രഭാഷകനെയും കൂടിയാണ്. സാഹിത്യ രംഗത്തെ മികവിന് കേരള സാഹിത്യ അക്കാദമി പുരസ്കാരത്തിനും അദ്ദേഹം അര്‍ഹനായിട്ടുണ്ട്. സിവില്‍ സര്‍വീസ് ഉദ്യോഗസ്ഥരുടെ യാന്ത്രിക ജീവിതത്തിനപ്പുറം വൈജ്ഞാനിക സാഹിത്യത്തിന്റെയും ആത്മീയ പര്യവേഷണങ്ങളുടേയും ഒരു സമാന്തരം എന്നും സൂക്ഷിച്ച വ്യക്തി. ദീര്‍ഘവീക്ഷണവും പ്രായോഗിക ബുദ്ധിയുമുള്ള ഭരണാധികാരിയാണ് ഡോ. ഡി.ബാബുപോള്‍. ഇടുക്കി ജില്ലയെ ആസൂത്രണം ചെയ്ത് കെട്ടിപ്പടുക്കുന്നതില്‍ നിര്‍ണായക പങ്ക് വഹിച്ചയാള്‍, ഇടുക്കിയിലെ ആദ്യ കലക്ടര്‍, കൃത്യമായ […]