India

മസാലബോണ്ട് വിവാദത്തില്‍ സി.പി.എം ജനറല്‍ സെക്രട്ടറി സീതാറാം യെച്ചൂരിക്ക് പ്രതിപക്ഷ നേതാവ് രമേശ് ചെന്നിത്തലയുടെ കത്ത്. മസാലബോണ്ടില്‍ സി.പി.എം കേന്ദ്ര കമ്മിറ്റിയുടെ നിലപാട് എന്താണെന്നും, മാസലബോണ്ട് ഇറക്കുന്നതിന് മുമ്പ് പാര്‍ട്ടി കേന്ദ്ര നേതൃത്വത്തിന്‍റെ അനുമതി തേടിയിരുന്നോയെന്നും ചെന്നിത്തല കത്തില്‍ ചോദിച്ചു.

കല്ലട ആക്രമണത്തിൽ ബസിന്റെ പെർമിറ്റും ഡ്രൈവർമാരുടെ ലൈസൻസും റദ്ദാക്കുന്നതിനുള്ള നടപടികളിലേക്ക് മോട്ടോർ വാഹന വകുപ്പ്. പെർമിറ്റ് റദ്ദാക്കാതിരിക്കാൻ കാരണം ബോധിപ്പിക്കാൻ ഉടമ സുരേഷിന് എറണാകുളം ആർ.ടി.ഒ നോട്ടീസ് അയച്ചു. ഡ്രൈവർമാർക്കും വിശദീകരണം ആവശ്യപ്പെട്ടു നോട്ടീസ് അയച്ചിട്ടുണ്ട്. 5 ദിവസത്തിനകം വിശദീകരണം നൽകണമെന്നാണ് നിർദേശം. അതേസമയം ആക്രമണത്തിൽ അറസ്റ്റിലായ 7 പേരുടെ കസ്റ്റഡി അപേക്ഷ ഇന്ന് കോടതി പരിഗണിക്കും. 5 ദിവസത്തേക്ക് പ്രതികളെ കസ്റ്റഡിയിൽ വേണമെന്നാണ് പൊലീസ് ആവശ്യപ്പെട്ടിരിക്കുന്നത് .

കേരളം ഉള്‍പ്പെടെയുള്ള എട്ട് സംസ്ഥാനങ്ങളിലെ ഭീകരാക്രമണ ഭീഷണി വ്യാജമെന്ന് പൊലീസ്. ഭീഷണി മുഴക്കിയ ആളെ കര്‍ണാടക പൊലീസ് കസ്റ്റഡിയിലെടുത്തു. കര്‍ണാടക ആവലഹളി സ്വദേശി സ്വാമി സുന്ദര മൂര്‍ത്തി എന്നയാളാണ് കസ്റ്റഡിയിലുള്ളത്. കേരളം ഉള്‍പ്പെടെയുള്ള എട്ടിടങ്ങളില്‍ ഭീകരാക്രമണ ഭീഷണിയുണ്ടാകുമെന്ന് കര്‍ണാടക പൊലീസിനാണ് ടെലഫോണ്‍ സന്ദേശം ലഭിച്ചത്. കേരളത്തിന് പുറമേ തമിഴ്‌നാട്, കര്‍ണാടക, ആന്ധ്രാപ്രദേശ്, ഗോവ, പുതുച്ചേരി, മഹാരാഷ്ട്ര, തെലങ്കാന എന്നിവിടങ്ങളില്‍ ഭീകരാക്രമണം നടത്തുമെന്നായിരുന്നു ഭീഷണി.ഭീകരാക്രമണ ഭീഷണിയുടെ പശ്ചാത്തലത്തില്‍ ഡി.ജി.പി ജില്ലാ പൊലീസ് മേധാവികള്‍ക്ക് ജാഗ്രതാ നിര്‍ദേശം നല്‍കിയിരുന്നു. ഇന്നലെ […]

കല്ലട ബസ് ജീവനക്കാർ ഭീഷണിപ്പെടുത്തിയ യാത്രക്കാരൻ നൽകിയ പരാതിയിൽ ഗതാഗതമന്ത്രിയും ഡി.ജി.പിയും അടക്കമുള്ളവർ നടപടിയെടുത്തില്ലെന്ന് ആരോപണം. കാഞ്ഞിരപ്പള്ളി സ്വദേശി ജയ്മോനും കുടുംബത്തിനുമാണ് കഴിഞ്ഞ ജനുവരിയിൽ കല്ല ബസ് ജീവനക്കാരില്‍ നിന്നും മോശമനുഭവം ഉണ്ടായത്. ലഗേജിന് പ്രത്യേകം പണം നല്‍കാത്തതിനാലായിരുന്നു ബസ് ജീവനക്കാര്‍ ഭീഷണി മുഴക്കിയത്.

കോഴിക്കോട് കുന്ദമംഗലം ബ്ലോക്ക് പഞ്ചായത്ത് പ്രസിഡന്റ് സ്ഥാനം രമ്യാ ഹരിദാസ് രാജി വയ്ക്കും. രാജിവെക്കാന്‍ അനുവദിക്കണമെന്ന രമ്യയുടെ ആവശ്യം കോണ്‍ഗ്രസ് നേതൃത്വം അംഗീകരിച്ചു. ആലത്തൂരില്‍ വിജയിച്ചതിന് ശേഷം രാജി വച്ചാല്‍ കുന്ദമംഗലം ബ്ലോക്കില്‍ യു.ഡി.എഫിന്റെ ഭൂരിപക്ഷം നഷ്ടപ്പെടുന്നത് ഒഴിവാക്കാനാണ് തീരുമാനമെന്ന് രമ്യാ ഹരിദാസ് മീഡിയാവണിനോട് പറഞ്ഞു 19 അംഗങ്ങളുള്ള കുന്ദമംഗലം ബ്ലോക്ക് പഞ്ചായത്തില്‍ 10 പേരുടെ പിന്തുണയോടെയാണ് രമ്യാ ഹരിദാസ് പ്രസിഡന്റായിരിക്കുന്നത്. ആലത്തൂരില്‍ വിജയിക്കുകയാണങ്കില്‍ ബ്ലോക്ക് പഞ്ചായത്തംഗമെന്ന പദവിയില്‍ നിന്ന് രാജി വയ്ക്കേണ്ടി വരും. അതോടെ യു.ഡി.എഫിന് […]

ബി.കോം മൂന്നാം സെമസ്റ്ററിലെ പരീക്ഷ വീണ്ടും നടത്താനുള്ള കാലിക്കറ്റ് സര്‍വകലാശാല തീരുമാനത്തിനെതിരെ വിദ്യാർത്ഥി സംഘടനകൾ. സിലബസിന് പുറത്തുനിന്നുള്ള ചോദ്യങ്ങൾ ഉള്‍പ്പെട്ടത് കാരണമാണ് കോർപ്പറേറ്റ് അക്കൗണ്ടിംഗ് പരീക്ഷ വീണ്ടും നടത്താൻ തീരുമാനിച്ചത്. പുന:പരീക്ഷ നടത്തരുതെന്ന് ആവശ്യപ്പെട്ട് വിവിധ വിദ്യാർഥി സംഘടനകൾ യൂണിവേഴ്സിറ്റിയിലേക്ക് മാർച്ച് നടത്തി. നേരത്തെ പല തവണ മാറ്റിവെച്ച ശേഷമാണ് കഴിഞ്ഞ ഡിസംബറിൽ ബികോം കോർപറേറ്റ് അക്കൗണ്ടിംഗ് പരീക്ഷ നടന്നത്. എന്നാൽ എന്നാൽ 80 മാർക്ക് ചോദ്യപേപ്പറിൽ 50 ശതമാനത്തിലേറെ ചോദ്യങ്ങൾ സിലബസിന് പുറത്തു നിന്നായിരുന്നു. ചോദ്യപേപ്പർ […]