India

മഹാരാഷ്ട്ര കോണ്‍ഗ്രസിന് തിരിച്ചടി നല്‍കി ബോളിവുഡ് താരം ഊർമിള ഊര്‍മിള മാതോംഡ്കര്‍ കോൺഗ്രസ് വിട്ടു. ലോക്സഭ തെരഞ്ഞെടുപ്പിന് മൂന്ന് മാസം മുമ്പ് പാര്‍ട്ടിയില്‍ ചേര്‍ന്ന ഊര്‍മിള മുംബൈ നോര്‍ത്തില്‍ നിന്നുള്ള കോണ്‍ഗ്രസ് സ്ഥാനാര്‍ഥിയായിരുന്നു. തെരഞ്ഞെടുപ്പില്‍ വിജയിക്കാനും ഊര്‍മിളക്കായില്ല. പാര്‍ട്ടിയില്‍ ചേര്‍ന്ന് അഞ്ച് മാസങ്ങള്‍ക്ക് ശേഷമാണ് ഊര്‍മിള പാര്‍ട്ടി വിടുന്നത്. പാര്‍ട്ടിക്കകത്തെ ചെറുതും പ്രാധാന്യമര്‍ഹിക്കാത്തതുമായ വഴക്കുകളെ ഒത്തുതീര്‍പ്പാക്കാന്‍ എന്നെ ഉപയോഗിക്കുന്നതല്ലാതെ മഹാരാഷ്ട്ര കോണ്‍ഗ്രസിന്‍റെ കാതലായ പ്രശ്നങ്ങളെ അഭിമുഖീകരിക്കാന്‍ സാധിക്കാത്തതിനാലാണ് പാര്‍ട്ടി വിടുന്നതെന്ന് ഊര്‍മിള വാര്‍ത്ത ഏജന്‍സിയായ എ.എന്‍.ഐയോട് പറഞ്ഞു. […]

പാര്‍ലമെന്ററി സമിതികളുടെ നേതൃസ്ഥാനം കേന്ദ്രസര്‍ക്കാര്‍ കോണ്‍ഗ്രസിന് നിഷേധിച്ചേക്കും. ലോക്സഭയിലെ കോണ്‍ഗ്രസ് അംഗബലം 52ലേക്ക് ചുരുങ്ങിയതിനാല്‍ ഉയര്‍ന്ന പദവികള്‍ നല്‍കാനാകില്ലെന്നാണ് കേന്ദ്ര സര്‍ക്കാര്‍ നിലപാട്. കോണ്‍ഗ്രസിന് ചെറിയ സമിതികളുടെ ചെയര്‍മാന്‍ സ്ഥാനം മാത്രം നല്‍കാനാണ് കേന്ദ്രസര്‍ക്കാരിന്‍റെ ആലോചന. എന്നാല്‍ രാജ്യസഭയുമായി ബന്ധപ്പെട്ട ആഭ്യന്തര കാര്യ സമിതി അധ്യക്ഷ സ്ഥാനം കോണ്‍ഗ്രസിന് നിലനിര്‍ത്താനാകും. സമിതി ചെയര്‍മാനായിരുന്ന പി ചിദംബരം ജുഡീഷ്യല്‍ കസ്റ്റഡിയിലായതിനാല്‍ ആനന്ദ് ശര്‍മ്മയെ നിയമിച്ചേക്കും. വീരപ്പ മൊയ്‍ലി ചെയര്‍മാനായ ധനകാര്യ സമിതിയും ശശി തരൂര്‍ ചെയര്‍മാനായ വിദേശകാര്യ സമിതിയുമാണ് […]

സിവില്‍ സര്‍വീസില്‍ നിന്നും രാജിവെച്ച ഐ.എ.എസ് ഓഫീസര്‍ എസ് ശശികാന്ത് സെന്തിലിനെതിരെ മുന്‍ കേന്ദ്രമന്ത്രിയും ഉത്തര കന്നഡയിലെ ബി.ജെ.പി എം.പിയുമായ അനന്ത് കുമാര്‍ ഹെഗ്ഡെ. ശശികാന്ത് സെന്തില്‍ രാജ്യദ്രോഹിയാണ്. കര്‍ണാടക സര്‍ക്കാരിനോട് അദ്ദേഹത്തെ പുറത്താക്കണമെന്ന് ആവശ്യപ്പെട്ടിട്ടുണ്ട്. ഇവിടെ നിന്ന് രാജ്യത്തെ തകര്‍ക്കുന്നതിനേക്കാള്‍ നല്ലത് സെന്തില്‍ പാകിസ്താനില്‍ പോയി ഇന്ത്യക്കെതിരെ പോരാടുന്നതാണെന്നും ഹെഗ്ഡെ പറഞ്ഞു. ‘കേന്ദ്ര സര്‍ക്കാരിനെതിരായ അദ്ദേഹത്തിന്റെ ദുഷിച്ച മനോഭാവം പുറത്തുവന്ന സ്ഥിതിക്ക് അദ്ദേഹത്തെ പുറത്താക്കാനുള്ള നടപടികള്‍ കര്‍ണാടക സര്‍ക്കാര്‍ സ്വീകരിക്കേണ്ടതാണ്. പിന്നില്‍ നിന്ന് കുത്തുന്നവനെ തിരിച്ചുകൊണ്ടുവരുന്നത് […]

ബാബരി മസ്ജിദ് തകര്‍ത്ത കേസില്‍ ഉത്തര്‍പ്രദേശ് മുന്‍ മുഖ്യമന്ത്രി കല്യാണ്‍ സിങിനെ ചോദ്യം ചെയ്യാന്‍ സി.ബി.ഐ അനുമതി തേടി. ലക്നൌ പ്രത്യേക കോടതിയിലാണ് സി.ബി.ഐ ഇതിനായി അപേക്ഷ നല്‍കിയത്. കഴിഞ്ഞ ദിവസം കല്യാണ്‍ സിങ് രാജസ്ഥാന്‍ ഗവര്‍ണര്‍ സ്ഥാനമൊഴിഞ്ഞതിന് തൊട്ടുപിന്നാലെയാണ് സി.ബി.ഐയുടെ നീക്കം. കല്യാണ്‍ സിങ് യുപി മുഖ്യമന്ത്രിയായിരിക്കെയാണ് ബാബരി മസ്ജിദ് തകര്‍ക്കപ്പെട്ടത്. ഇതില്‍ കല്യാണ്‍ സിങിന് പങ്കുണ്ടെന്നായിരുന്നു കുറ്റപത്രത്തിലെ കണ്ടെത്തല്‍. എന്നാല്‍ ഭരണഘടനാ പദവിയിലായിരുന്നതിനാല്‍ ഇതുവരെ കല്യാണ്‍ സിങിന് ചോദ്യം ചെയ്യലില്‍ നിന്ന് സുപ്രീംകോടതിയുടെ സുരക്ഷയുണ്ടായിരുന്നു. […]

ആര്‍.എസ്.എസ് മാതൃകയില്‍ കോണ്‍ഗ്രസ് സംഘടനാ സംവിധാനം ഉടച്ചു വാര്‍ക്കാനൊരുങ്ങുന്നു. പ്രേരക്മാരെ നിയമിച്ച് പാർട്ടി പ്രവർത്തനം താഴെത്തട്ടിൽ എത്തിക്കും. സെപ്തംബർ അവസാനത്തിനുള്ളിൽ പ്രേരക്മാരെ നിർദേശിക്കാൻ പി.സി.സികൾക്ക് നിർദേശം നല്‍കി. അസമില്‍ നിന്നുള്ള നേതാവ് തരുണ്‍ ഗോഗോയി ആണ് നിര്‍ദേശം മുന്നോട്ടു വെച്ചത്. ലോക്സഭാ തെരഞ്ഞെടുപ്പിലെ തിരിച്ചടിക്ക് പിന്നാലെയാണ് തീരുമാനം. പാര്‍ട്ടിയുടെ ആശയങ്ങളും ചരിത്രവും ജനങ്ങളില്‍ എത്തിക്കാനാണ് പ്രേരക്മാരെ നിയമിക്കുന്നത്. പാര്‍ട്ടിയോട് കൂറും പ്രവര്‍ത്തന പരിചയവും ഉള്ളവരെയാണ് പ്രേരക്മാരായി നിയോഗിക്കുക. ഇവര്‍ക്ക് ആവശ്യമായ ട്രെയിനിങും നല്‍കും. സംഘപരിവാര്‍ പ്രത്യയശാസ്ത്രം ജനങ്ങളിലേക്ക് […]

ജമ്മു കശ്മീര്‍ പീപ്പിള്‍സ് മൂവ്മെന്‍റ് നേതാവ് ഷെഹ്‍ല റാഷിദിനെ അറസ്റ്റ് ചെയ്യുന്നത് കോടതി തടഞ്ഞു. ഡല്‍ഹി പാട്യാല ഹൌസ് കോടതിയാണ് അറസ്റ്റ് തടഞ്ഞത്. രാജ്യദ്രോഹ കുറ്റം ചുമത്തി ഡല്‍ഹി പൊലീസാണ് ഷെഹ്‍ല റാഷിദിനെതിരെ കേസെടുത്തത്. കേസില്‍ വിശദമായ അന്വേഷണം വേണമെന്ന് നിരീക്ഷിച്ചാണ് അഡിഷണല്‍ സെഷന്‍സ് ജഡ്ജ് പവന്‍ കുമാര്‍ ജെയിന്‍ ഷെഹ്‍ലയുടെ അറസ്റ്റ് തടഞ്ഞ് ഇടക്കാല ഉത്തരവ് ഇറക്കിയത്. അന്വേഷണവുമായി സഹകരിക്കണമെന്ന് ഷെഹ്‍ലയോട് കോടതി ആവശ്യപ്പെട്ടു. ഷെഹ്‍ല റാഷിദിനെതിരെ രാജ്യദ്രോഹകുറ്റമാണ് പൊലീസ് ചുമത്തിയത്. ആര്‍ട്ടിക്കിള്‍ 370 റദ്ദാക്കിയതിന് […]