India

സുപ്രിം കോടതി പൊളിച്ച് കളയാന്‍ ഉത്തരവിട്ട മരടിലെ അനധികൃത ഫ്ലാറ്റുകളിലെ താമസക്കാരില്‍ ഇടക്കാല നഷ്ടപരിഹാരമായ 25 ലക്ഷം രൂപ പത്ത് ശതമാനം താമസക്കാര്‍ക്ക് പോലും ലഭിച്ചേക്കില്ല. സമിതി ഇതുവരെ നഷ്ടപരിഹാരം കണക്കാക്കിയ 107 പേരില്‍ 14 ഫ്ലാറ്റുടമകള്‍ക്ക് മാത്രമാണ് 25 ലക്ഷം രൂപ ശിപാര്‍ശ ചെയ്തിരിക്കുന്നത്. രജിസ്ട്രേഷന്‍ രേഖകളില്‍ തുക കുറച്ച് കാണിച്ചതാണ് പല ഫ്ലാറ്റുടമകള്‍ക്കും തിരിച്ചടിയായത്. വാങ്ങിയ സമയത്ത് രജിസ്ട്രേഷന്‍ രേഖകളില്‍ കാണിച്ച തുകയും അതിന് ഉണ്ടാകാന്‍ സാധ്യതയുള്ള മൂല്യവര്‍ധനവും കണക്കാക്കിയാണ് നഷ്ടപരിഹാര സമിതി തുക […]

പൊന്നാമറ്റം റോയ് കൊലക്കേസിൽ ഭാര്യ ജോളിയടക്കമുള്ള പ്രതികളുടെ റിമാന്‍ഡ് കാലാവധി ഇന്ന് അവസാനിക്കും. മൂന്ന് പ്രതികളെയും ഇന്ന് താമരശ്ശേരി കോടതിയിൽ ഹാജരാക്കുന്നുണ്ട്. ജാമ്യപേക്ഷയും കോടതി ഇന്ന് പരിഗണിക്കും. മണിക്കൂറോളം ചോദ്യം ചെയ്തതിന് ശേഷം ജോളിയുടെ സുഹൃത്ത് റാണിയെ അന്വേഷണ സംഘം ഇന്നലെ രാത്രി വിട്ടയിച്ചിരുന്നു. ഇന്നലെയാണ് ജോളിയുടെ കൂട്ടുകാരി റാണിയുടെ മൊഴിയെടുത്തത്. ജോളിയുടേയും റോയ് തോമസിന്റെയും മൂത്ത മകൻ റോമോയാണ് റാണിയിലേക്കുള്ള വഴി തുറന്നത്. അമ്മയുടെ ഫോണിലെ ഗ്യാലറിയിൽ റാണിയുമൊത്തുള്ള നിരവധി ഫോട്ടോകൾ കണ്ടെന്ന വിവരം റോമോ […]

സംസ്ഥാനത്ത് വരുംദിവസങ്ങളില്‍ തുലാവര്‍ഷം കനക്കും. 14 ജില്ലകളിലും ഇന്ന് യെല്ലോ അലര്‍ട്ട് പ്രഖ്യാപിച്ചിട്ടുണ്ട്. ഇടിമിന്നല്‍ മുന്നറിയിപ്പും നല്‍കിയിട്ടുണ്ട്. സംസ്ഥാനത്തുടനീളം ശക്തമായ തുലാമഴ ലഭിക്കുമെന്നാണ് കാലാവസ്ഥ വകുപ്പിന്റെ പ്രവചനം. ഉച്ച തിരിഞ്ഞ് കനത്ത മഴക്ക് സാധ്യതയുള്ളതിനാല്‍ പൊതുജനങ്ങള്‍ ജാഗ്രത പാലിക്കണമെന്ന് ദുരന്തനിവാരണ അതോറിറ്റി അറിയിച്ചു. മലയോര മേഖലകളില്‍ ഉരുള്‍പൊട്ടല്‍ ഭീഷണിയുള്ളതിനാല്‍ രാത്രിയാത്രകള്‍ ഒഴിവാക്കണം. ഇന്ന് എല്ലാ ജില്ലകളിലും ഞായറാഴ്ച കാസര്‍കോഡ് ഒഴികെ ജില്ലകളിലുമാണ് യെല്ലോ അലര്‍ട്ട്. മഴ 22 വരെ തുടരും. മഴക്കൊപ്പമുള്ള ഇടിമിന്നല്‍ അപകടകാരിയാണ്. ഉച്ചക്ക് രണ്ട് […]

സംസ്ഥാനത്ത് കനത്ത മഴയ്ക്കും ശക്തമായ ഇടിമിന്നലിനും സാധ്യതയെന്ന് മുന്നറിയിപ്പ്. പൊതുജനങ്ങൾ ജാഗ്രത പാലിക്കണം. ഇടിമിന്നൽ – ജാഗ്രത നിർദേശങ്ങൾ കേരളത്തിൽ ഇപ്പോൾ ലഭിക്കുന്ന മഴയോടനുബന്ധിച്ച് ഉച്ചക്ക് 2 മണി മുതൽ വൈകിട്ട് 10 മണിവരെയുള്ള സമയത്ത് ശക്തമായ ഇടിമിന്നലിനുള്ള സാധ്യത ഉണ്ട്. ഇത്തരം ഇടിമിന്നൽ അപകടകാരികൾ ആണ്. അവ മനുഷ്യ ജീവനും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. സംസ്ഥാന ദുരന്ത നിവാരണ അതോറിറ്റി ഇടിമിന്നലിനെ ഒരു സംസ്ഥാന സവിശേഷ ദുരന്തമായി പ്രഖ്യാപിച്ചിട്ടുണ്ട്. പൊതുജനങ്ങൾ […]

കോന്നി, വട്ടിയൂർക്കാവ് മണ്ഡലങ്ങളിലെ വോട്ടർ പട്ടികയിൽ ഇരട്ടവോട്ടുണ്ടെന്ന യു.ഡി.എഫ് ആരോപണം സ്ഥിരീകരിച്ച് മുഖ്യതെരഞ്ഞെടുപ്പ് ഓഫീസർ. വട്ടിയൂർക്കാവിൽ 257 ഇരട്ട വോട്ടുകളുണ്ട്. ഇരട്ടവോട്ടുളളവർക്കെതിരെ നടപടിയെടുക്കുമെന്നും മുഖ്യ തെരഞ്ഞെടുപ്പ് ഓഫീസർ അറിയിച്ചു. കോന്നിയിൽ 10000ത്തോളവും വട്ടിയൂർക്കാവിൽ 15000ത്തോളവും ഇരട്ടവോട്ടുകൾ ഉണ്ടെന്നായിരുന്നു യു.ഡി.എഫ് നേതൃത്വത്തിന്റെ ആരോപണം. ഇരട്ടവോട്ടുകൾ കണ്ടെത്തിയെന്ന് സ്ഥിരീകരിച്ച മുഖ്യ തെരഞ്ഞെടുപ്പ് ഓഫീസർ ടീക്കാറാം മീണ പക്ഷേ ഇരട്ട വോട്ടുകളുടെ എണ്ണം വളരെ കുറവാണെന്നും വ്യക്തമാക്കി. വോട്ടർ പട്ടികയിൽ പരാതി ഉന്നയിക്കുന്നത് തെരഞ്ഞെടുപ്പ് സമയത്താകരുതെന്നും ടീക്കാറാം മീണ പറഞ്ഞു. ഇരട്ടവോട്ടുളളവർക്കെതിരെ […]

ഉപതെരഞ്ഞെടുപ്പിലെ പരസ്യപ്രചാരണം നാളെ അവസാനിക്കും. പ്രചാരണത്തിന്‍റെ അവസാന മണിക്കൂറുകളില്‍ എല്ലായിടത്തും ഓടിയെത്താനുള്ള തിരക്കിലാണ് സ്ഥാനാര്‍ത്ഥികള്‍. മുഖ്യമന്ത്രി പിണറായി വിജയന്‍, എ.കെ ആന്‍ണി, ഉമ്മന്‍ചാണ്ടി, കോടിയേരി ബാലകൃഷ്ണന്‍ തുടങ്ങിയ നേതാക്കളെല്ലാം പ്രചാരണ രംഗത്ത് ഇന്നും സജീവമാണ്. തിങ്കളാഴ്ചയാണ് വോട്ടെടുപ്പ്. അരൂരിലെ എല്‍.ഡി.എഫ് വേദികളില്‍ മുഖ്യമന്ത്രി പിണറായി വിജയനാണ് ഇന്നത്തെ ശ്രദ്ധാകേന്ദ്രം. എ.ഐ.സി.സി ജനറല്‍ സെക്രട്ടറി കെ.സി വേണുഗോപാലും ബി.ജെ.പി നേതാക്കളും അരൂരില്‍ പ്രചാരണ രംഗത്തുണ്ട്. വട്ടിയൂര്‍ക്കാവില്‍ എല്‍.ഡി.എഫ് സ്ഥാനാര്‍ത്ഥിക്ക് വോട്ട് തേടിയുള്ള വി.എസ് അച്യുതാനന്ദന്‍റെ റാലി വൈകീട്ട് നടക്കും. […]

കൂടത്തായ് കൊലപാതക പരമ്പരയിലെ പ്രതി ജോളിയുടെ ഉറ്റ കൂട്ടുകാരി റാണി വടകര റൂറൽ എസ്പി ഓഫീസിന്റെ മുന്നിലെത്തി. വെള്ളിയാഴ്ച രാവിലെ 9.20 ന് ഓട്ടോറിക്ഷയിൽ രണ്ട് പേർക്കൊപ്പമാണ് ഇവരെത്തിയത്. ഈ സമയത്ത് അന്വേഷണ ഉദ്യോഗസ്ഥര്‍ സ്ഥലത്തില്ലാതിരുന്നതിനാല്‍ എസ്പി ഓഫീസിന്റെ പുറത്തുള്ള മരത്തിന്റെ ചുവട്ടിൽ ഒട്ടോറിക്ഷക്ക് അകത്ത് തന്നെയിരുന്നു. തലശ്ശേരിയിൽ നിന്നാണ് റാണി ഓട്ടം വിളിച്ചതെന്ന് ഓട്ടോ ഡ്രൈവര്‍ വ്യക്തമാക്കി. 9.55 ഓടെ ഇന്റലിജൻസ് ഡിവൈഎസ്പി ഇസ്മയിൽ എത്തി. വണ്ടിയിൽ നിന്ന് ഇറങ്ങിയ സമയത്ത് ഓട്ടോറിക്ഷയിലേക്ക് നോക്കി അവരെ […]

കസ്റ്റഡി കാലാവധിയുടെ അവസാന ദിവസങ്ങളില്‍ അന്വേഷണ സംഘത്തെ വെട്ടിലാക്കി നാടകീയ നീക്കങ്ങളുമായി ജോളി. ചോദ്യം ചെയ്യലിനോട് സഹകരിക്കാതെ താന്‍ ഏറെ അവശയാണെന്ന് സ്ഥാപിക്കാനുള്ള അഭിനയമാണ് ജോളി നടത്തിയതെന്നാണ് അന്വേഷണ സംഘത്തിന്റെ വിലയിരുത്തല്‍. അന്വേഷണ സംഘത്തെ വഴിതിരിച്ചു വിടാനായി ബോധപൂര്‍വ്വം തെറ്റായ വിവരങ്ങള്‍ ചോദ്യം ചെയ്യലില്‍ ജോളി പങ്ക് വെയ്ക്കുന്നതായും കണ്ടെത്തിയതായി പൊലീസ് പറയുന്നു. ഒരു ഭാഗത്ത് അഭിനയവും മറുഭാഗത്ത് കള്ള മൊഴികളും – ഇതായിരുന്നു കസ്റ്റഡിയിലെ അവസാന ദിവസങ്ങളില്‍ ജോളി അന്വേഷണ സംഘത്തിന് മുമ്പില്‍ തീര്‍ത്ത പ്രതിബന്ധങ്ങള്‍. […]

മാര്‍ക്ക്ദാന വിവാദത്തില്‍ പ്രതിപക്ഷ നേതാവിനെതിരെ വീണ്ടും മന്ത്രി കെ.ടി ജലീല്‍. രമേശ് ചെന്നിത്തല ആരാന്റെ മക്കളുടെ കാര്യം നോക്കിയാല്‍ പോരാ. ഇടക്ക് സ്വന്തം മകന്റെ കാര്യം അന്വേഷിക്കണം. ചെന്നിത്തലയുടെ മകന്റെ വിജയത്തില്‍ അസ്വാഭാവികതയുണ്ടെന്നും ജലീല്‍ ആരോപിച്ചു. മോഡറേഷന്‍ നല്‍കുന്നത് വേണ്ടെന്ന് തീരുമാനിക്കാന്‍ പ്രതിപക്ഷത്തിന് ധൈര്യമുണ്ടോയെന്നും ജലീല്‍ ചോദിച്ചു. ചെന്നിത്തലയുടെ മകന് സിവിൽ സർവീസ് അഭിമുഖ പരീക്ഷയിൽ അസാധാരണമായി മാർക്ക് ലഭിച്ചതില്‍ സി.ബി.ഐ അന്വേഷണം ആവശ്യപ്പെട്ട് ഡി.വൈ.എഫ്.ഐ രംഗത്ത് വന്നിരുന്നു. 2017 ലെ സിവിൽ സർവ്വീസ് പരീക്ഷയിലാണ് ചെന്നിത്തലയുടെ […]