India

സാങ്കേതിക സര്‍വ്വകലാശാല പരീക്ഷാ പരിഷ്കരണത്തില്‍ മന്ത്രി കെ.ടി ജലീല്‍ നേരിട്ട് ഇടപെട്ടെന്ന് പ്രതിപക്ഷ നേതാവ് രമേശ് ചെന്നിത്തല. കെ.ടി.യുവില്‍ പരീക്ഷ എങ്ങനെ നടത്തണമെന്ന് മന്ത്രി നിര്‍ദേശിച്ചു. സര്‍വകലാശാലയുടെ പരമാധികാരത്തെ മറികടന്നാണ് മന്ത്രിയുടെ ഇടപെടലെന്നും ചെന്നിത്തല ആരോപിച്ചു. എപിജെ അബ്ദുല്‍കലാം യൂണിവേഴ്സിറ്റിയില്‍ ഉണ്ടായിരുന്ന സംവിധാനം മന്ത്രി മാറ്റി. ചോദ്യപേപ്പര്‍ തയ്യാറാക്കുന്ന ചുമതല മന്ത്രി നിര്‍ദേശിച്ച സമിതിക്ക് നല്‍കി. നേരത്തെ ഇത് പരീക്ഷാ കണ്‍ട്രോളറുടെ ചുമതലയായിരുന്നു. മന്ത്രിയുടേത് ചോദ്യപേപ്പര്‍ തയ്യാറാക്കുന്നതിന്‍റെ രഹസ്യ സ്വഭാവം നഷ്ടപ്പെടുത്തുന്ന നീക്കമാണ്. ചോദ്യങ്ങള്‍ ചോരാന്‍ സാധ്യതയുണ്ടെന്നും […]

വട്ടിയൂര്‍ക്കാവിലെ പോളിങ് ശതമാനം പുറത്തുവന്നതോടെ വിജയപ്രതീക്ഷ ഇരട്ടിച്ച് എല്‍.ഡി.എഫ് ക്യാമ്പ്. എന്നാല്‍ പോളിങ് കുറഞ്ഞത് തിരിച്ചടിയാവുമെന്ന് ആശങ്കിക്കുന്ന യു.ഡി.എഫ് വോട്ടുമറിക്കല്‍ ആരോപണം ഉന്നയിച്ച് രംഗത്തുവന്നു. വോട്ടു കുറയുമെന്ന് വ്യക്തമായതോടെ ബി.ജെ.പിയില്‍ സ്ഥാനാര്‍ഥി നിര്‍ണയത്തെച്ചൊല്ലി തര്‍ക്കവും ഉടലെടുത്തു. പോളിങ്ങിന്റെ അന്തിമ കണക്ക് പുറത്തുവന്നപ്പോള്‍ കഴിഞ്ഞതവണത്തെക്കാള്‍ 7 ശതമാനം കുറവ്. തങ്ങളുടെ വോട്ടുകള്‍ മുഴുവന്‍ പോള്‍ ചെയ്തതിനാല്‍ എല്‍.ഡി.എഫിന് ഭയമില്ല. തികഞ്ഞ ആത്മവിശ്വാസം. ബി.ജെ. പി വോട്ടുമറിക്കുമെന്ന സൂചനയും തല്‍ക്കാലമില്ല. പോളിങ് ശതമാനം 65 എങ്കിലും തൊടുമെന്ന് പ്രതീക്ഷിച്ച യു.ഡി. […]

മരട് ഫ്ലാറ്റ് നിർമാണ അഴിമതി കേസിൽ നിർമ്മാതാവ് ആൽഫ വെഞ്ചേഴ്സ് ഡയറക്ടര്‍ ജെ. പോൾ രാജ് സമർപ്പിച്ച മുൻകൂർ ജാമ്യാപേക്ഷ തള്ളി . എറണാകുളം പ്രിൻസിപ്പൽ സെഷൻസ് കോടതിയാണ് തള്ളിയത്.ജസ്റ്റിസ് ബാലകൃഷ്ണൻ നായർ കമ്മിഷൻ മുമ്പാകെ വിവരങ്ങൾ കൈമാറിയിട്ടുണ്ടന്നും മുൻകൂർ ജാമ്യം അനുവദിക്കണമെന്നും ഹരജിക്കാരൻ കോടതിയെ അറിയിച്ചിരുന്നു.

സംസ്‌ഥാനത്തെ സ്വകാര്യ ബസുകൾ അടുത്ത മാസം 20ന് പണിമുടക്കും. മിനിമം ചാർജ് പത്തു രൂപയാക്കുക, വിദ്യാർഥികളുടെ യാത്ര നിരക്ക് വർധിപ്പിക്കുക, പൊതു ഗതാഗത നയം രൂപീകരിക്കുക തുടങ്ങിയ ആവശ്യങ്ങൾ ഉന്നയിച്ചാണ് പണിമുടക്ക്. തൃശൂരിൽ ചേർന്ന ബസുടമ സംഘടന പ്രതിനിധികളുടെ യോഗത്തിലാണ് പണിമുടക്ക് തീരുമാനം.

സംവിധായകന്‍ ശ്രീകുമാര്‍ മേനോനെതിരായ നടി മഞ്ജുവാര്യരുടെ പരാതിയില്‍ ഉചിതമായ നടപടി സ്വീകരിക്കുമെന്ന് സംസ്ഥാന പൊലീസ് മേധാവി. പരാതിയില്‍ പോലീസ് നിയമോപദേശം തേടി. മഞ്ജുവിനും തനിക്കും അറിയാവുന്ന രഹസ്യങ്ങള്‍ പോലീസിനോട് പറയുമെന്ന് ശ്രീകുമാര്‍ മേനോന്‍ ഫേസ്ബുക്കില്‍ പ്രതികരിച്ചു. മഞ്ജുവിനെതിരെ സൈബര്‍ ആക്രമണം നടത്തിയിട്ടില്ലെന്ന് മാത്യു സാമുവലും അറിയിച്ചു. സംവിധായകന്‍ ശ്രീകുമാര്‍ മേനോനെതിരെ പരാതിയുമായി ഇന്നലെയാണ് നടി മഞ്ജുവാര്യര്‍ ഡി.ജി.പിയെ സമീപിച്ചത്. മഞ്ജുവാര്യരുടെ പരാതി വിശദമായി പരിശോധിച്ച ശേഷം നിയമോപദേശം തേടുമെന്നും അതിന് ശേഷം നടപടി സ്വീകരിക്കുമെന്നും ഡി.ജി.പി പ്രതികരിച്ചു. […]

മഞ്ചേശ്വരത്ത് പോളിംഗ് ശതമാനം കുറഞ്ഞതിൽ യു.ഡി. എഫി ന് ആശങ്കയില്ലെന്ന് പി.കെ കുഞ്ഞാലിക്കുട്ടി എം.പി. ഉപതെര‍ഞ്ഞെടുപ്പില്‍ കഴിഞ്ഞ തവണത്തെക്കാള്‍ മികച്ച വിജയം നേടാന്‍ യു.ഡി.എഫിന് കഴിയുമെന്നും കുഞ്ഞാലിക്കുട്ടി മലപ്പുറത്ത് പറഞ്ഞു. വട്ടിയൂർക്കാവിൽ പോളിങ് ശതമാനം കുറഞ്ഞതിൽ ആശങ്കയില്ലെന്ന് കെ മുരളീധരൻ പറഞ്ഞു. ബി.ജെ.പി സി.പി.എമ്മിന് വോട്ട് മറിക്കുമെന്ന് പ്രതീക്ഷിച്ചിരുന്നു. അത് തന്നെ സംഭവിച്ചു.വോട്ട് മറിക്കാനാണ് ബി.ജെ.പി സുരേഷിനെ സ്ഥാനാർത്ഥിയാക്കിയത് . എന്‍.എസ്.എസിന്റെ പരസ്യ പിന്തുണ മറ്റ് സമുദായങ്ങളെ യു.ഡി.എഫിൽ നിന്ന് അകറ്റില്ലെന്നും മുരളീധരന്‍ ഡല്‍ഹിയില്‍ പറഞ്ഞു. നിലവിലെ […]

സംസ്ഥാനത്ത് മഴയുടെ ശക്തി കുറഞ്ഞു. നാല് ജില്ലകളിലെ റെഡ് അലേർട്ട് പിൻവലിച്ചു. നിലവിൽ ഇടുക്കിയിൽ മാത്രമാണ് ശക്തമായ മഴക്ക് സാധ്യതയുളളത്. അറബിക്കടലിൽ രൂപപ്പെട്ട ന്യൂനമർദ്ദത്തിന്റെ സ്വാധീനത്താലായിരുന്നു കഴിഞ്ഞ ദിവസങ്ങളിൽ സംസ്ഥാനത്ത് കനത്ത മഴ അനുഭവപ്പെട്ടത്.ന്യൂനമർദ്ദത്തിന്റെ ഗതി വടക്ക് മഹാരാഷ്ട്ര തീരത്തോട്ട് നീങ്ങിയതോടെ തുലാവർഷത്തിൻറെ ശക്തി കുറഞ്ഞു. എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം ജില്ലകളിൽ ഇന്ന് പ്രഖ്യാപിച്ചിരുന്ന റെഡ് അലേർട്ടും പിൻവലിച്ചു. ഇടുക്കിയിൽ ഇന്നും നാളെയും ഓറഞ്ച് അലേർട്ട് നിലനിർത്തിയിട്ടുണ്ട്.ഒറ്റപ്പെട്ട കനത്ത മഴയുടെ സാധ്യത പരിഗണിച്ച് മലപ്പുറം,കോഴിക്കോട്,വയനാട്,പത്തനംതിട്ട […]