അനധികൃത സ്വത്ത് സമ്പാദന കേസിൽ അറസ്റ്റിലായ കർണാടക കോൺഗ്രസ് നേതാവ് ഡി.കെ ശിവകുമാറിന്റെ മകൾ ഐശ്വര്യ എൻഫോഴ്സ്മെൻറ് ഡയറക്ടറേറ്റിന് മുൻപാകെ ചോദ്യം ചെയ്യലിന് ഹാജരായി. ശിവകുമാറുമായി ബന്ധപ്പെട്ട പണമിടപാടുകൾ പരിശോധിക്കുമ്പോള് ഐശ്യര്യയുടെ നേതൃത്വത്തിലുള്ള ട്രസ്റ്റുമായി ബന്ധപ്പെട്ട രേഖകള് ഇ.ഡിക്ക് ലഭിച്ചിരുന്നു. ട്രസ്റ്റ് പ്രവർത്തനങ്ങളും സാമ്പത്തിക ഇടപാടുകളും സംബന്ധിച്ച കൂടുതൽ വിവരങ്ങൾക്കായാണ് ചോദ്യം ചെയ്യലെന്നാണ് സൂചന. “ഐശ്വര്യ ധൈര്യമുള്ള കുട്ടിയാണ്. ഇ.ഡിക്ക് ശിവകുമാറിന്റെ കുടുംബത്തെ ചോദ്യംചെയ്യാന് സ്വാതന്ത്ര്യമുണ്ട്. പക്ഷേ ഇത് തന്നെ മറ്റ് നേതാക്കള്ക്കും അവരുടെ കുടുംബത്തിനും ബാധകമാവണം”- […]
