കോവിഡ് വാക്സിന് 2021 ആദ്യ പാദത്തിൽ ലഭ്യമാവുമെന്ന് പ്രതീക്ഷിക്കുന്നതായി കേന്ദ്ര ആരോഗ്യമന്ത്രി ഹര്ഷവര്ധന്. എപ്പോഴാണ് കോവിഡ് വാക്സിന് തയാറാവുന്നതെന്ന് കൃത്യമായി പറയാനാവില്ലെന്നും അദ്ദേഹം പറഞ്ഞു. സണ്ഡേ സംവാദ് എന്ന ഓണ്ലൈന് പരിപാടിയിൽ പങ്കെടുത്ത് സംസാരിക്കുകയായിരുന്നു മന്ത്രി. ഓക്സ്ഫോര്ഡ് സര്വകലാശാലയും മരുന്ന് നിര്മാണ കമ്പനിയായ ആസ്ട്രസെനകയും ചേര്ന്ന് നിര്മിച്ച കോവിഡ് വാക്സിന്റെ പരീക്ഷണം ബ്രിട്ടീഷ് അധികൃതരില്നിന്ന് അനുമതി ലഭിച്ചതോടെ പുനഃരാരംഭിച്ചതായി ആസ്ട്രസെനക വ്യക്തമാക്കിയതിന് ശേഷമാണ് മന്ത്രിയുടെ പ്രതികരണം. വാക്സിന് മനുഷ്യരില് പരീക്ഷിക്കുന്നതിന് എല്ലാ സുരക്ഷാ മുന്കരുതലുകളും സര്ക്കാര് സ്വീകരിച്ചിട്ടുണ്ട്. […]
