രാജ്യത്ത് ആദ്യമായി വൃക്ക മാറ്റിവെക്കല് ശസ്ത്രക്രിയ നടത്തി വിജയിപ്പിച്ച ജില്ലാതല ആശുപത്രിയായി എറണാകുളം ജനറല് ആശുപത്രി മാറി. കഴിഞ്ഞ നവംബര് 26ന് നടത്തിയ ശസ്ത്രക്രിയ പൂര്ണമായി വിജയിച്ചു. ചേര്ത്തല സ്വദേശിയായ അബിന് (28) സ്വന്തം മാതാവായ അമ്പിളിയാണ് വൃക്ക ദാനം ചെയ്തത്.വൃക്ക ദാനം നല്കിയ അമ്മ ഡിസ്ചാര്ജായി. വൃക്ക സ്വീകരിച്ച യുവാവിനെ അടുത്തയാഴ്ച ഡിസ്ചാര്ജ് ചെയ്യുന്നതാണ്. ആരോഗ്യ വകുപ്പ് മന്ത്രി വീണാ ജോര്ജ് എറണാകുളം ജനറല് ആശുപത്രിയിലെത്തി ഡോക്ടര്മാരും നഴ്സുമാരും ഉള്പ്പെട്ട ടീം അംഗങ്ങളേയും രോഗിയെയും കണ്ടു. […]
