Kerala

പാലാരിവട്ടം പാലം അഴിമതി കേസില്‍ മുന്‍മന്ത്രി വി.കെ ഇബ്രാഹിം കുഞ്ഞിന്റെ പങ്കും അന്വേഷിക്കും. മുന്‍കൂര്‍ പണം അനുവദിച്ചതില്‍ ഇബ്രാഹിം കുഞ്ഞും ഉത്തരവാദിയാണെന്ന് വിജിലന്‍സ് ഹൈക്കോടതിയില്‍ സത്യവാങ്മൂലം നല്‍കി. ഇബ്രാഹിം കുഞ്ഞിനെതിരായ അന്വേഷണത്തിന് അനുമതി തേടിയിട്ടുണ്ടെന്നും വിജിലന്‍സ് വ്യക്തമാക്കി. അതേസമയം കേസില്‍ റിമാന്‍ഡില്‍ കഴിയുന്ന മൂന്ന് പ്രതികളുടെ ജാമ്യാപേക്ഷ ഹൈക്കോടതി ഇന്ന് പരിഗണിക്കും. നാലാം പ്രതി ടി. ഒ സൂരജും ഒന്നാം പ്രതി കരാറുകാരനായ സുമിത് ഗോയലും രണ്ടാം പ്രതി എം ഡി തങ്കച്ചനും രണ്ടാം വട്ടം നൽകിയ […]

മേയര്‍ വി.കെ പ്രശാന്ത് നിയമസഭയിലേക്ക് വിജയിച്ചതോടെ തിരുവനന്തപുരം നഗരസഭയുടെ പുതിയ മേയറെ കണ്ടെത്താനുള്ള ചര്‍ച്ചകള്‍ സജീവം. ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍മാനും ചാക്ക കൗണ്‍സിലറുമായ കെ. ശ്രീകുമാറിനാണ് മുന്‍ഗണന. സിപിഎം ജില്ലാ കമ്മിറ്റി അംഗം എസ് പുഷ്പലത, ആര്‍.പി ശിവജി തുടങ്ങിയ പേരുകളും പരിഗണനയിലുണ്ട്. തലസ്ഥാന നഗരമെന്ന നിലയില്‍ ഏറെ പ്രാധാന്യമുള്ള പദവിയാണ് തിരുവനന്തപുരം നഗരസഭ മേയര്‍. നഗരപിതാവ് എന്ന നിലയിലെ ശ്രദ്ധേയമായ പ്രകടനമാണ് അഡ്വ വി.കെ പ്രശാന്തിന് തുണയായതും എം.എല്‍.എ പദവിയിലേക്ക് വഴിയൊരുക്കിയതും. മേയര്‍ ബ്രോ […]

കൊച്ചി കോര്‍പ്പറേഷനെതിരെ രൂക്ഷവിമര്‍ശനവുമായി ഹൈബി ഈഡൻ എം.പി. ജനങ്ങളുമായി ബന്ധപ്പെടുന്ന കാര്യങ്ങളില്‍ നഗരസഭ കാര്യക്ഷമമായി ഇടപെടാത്തതാണ് വോട്ട് കുറയാന്‍ കാരണം. പാര്‍ട്ടിയുമായി കൂടിയാലോചന നടത്തുന്നതില്‍ നഗരസഭ പരാജയമാണ്. കൊച്ചി കോര്‍പ്പറേഷനെതിരായ വികാരം പാര്‍ട്ടി കണക്കിലെടുക്കണമെന്നും ഹൈബി ആവശ്യപ്പെട്ടു. എറണാകുളത്ത് പ്രതീക്ഷിച്ച ഭൂരിപക്ഷം ഉണ്ടായില്ല എന്നത് യാഥാർഥ്യമാണ്. നിഷ്പക്ഷ വോട്ടുകൾ യു.ഡി.എഫിന് എതിരായി. കൊച്ചി കോര്‍പറേഷന് എതിരായ വികാരം പാർട്ടി കണക്കിലെടുക്കണം. പാർട്ടിക്ക് വിധേയമായി ഭരണസമിതി നിൽക്കണം. പല പദ്ധതികളും നടപ്പാക്കുന്നതില്‍ നഗരസഭക്ക് വേഗത ഇല്ല. നഗരസഭയുടെ വീഴ്ചകളിൽ […]

കോന്നിയിലെയും വട്ടിയൂര്‍ക്കാവിലെയും തെരഞ്ഞെടുപ്പ് പരാജയത്തിന് കാരണം തേടിയുള്ള ചര്‍ച്ചകള്‍ക്ക് കോണ്‍ഗ്രസില്‍ തുടക്കം. തന്ത്രം മെനയുന്നതിലും പ്രവര്‍ത്തനം ഏകോപിപ്പിക്കുന്നതിലുമുള്ള നേതൃത്വത്തിന്റെ പരാജയം പാര്‍ട്ടിയില്‍ ചര്‍ച്ചയാകും. കോന്നി, വട്ടിയൂര്‍ക്കാവ് മണ്ഡലങ്ങളില്‍ സ്ഥാനാര്‍ഥി തര്‍ക്കങ്ങളില്‍ കക്ഷികളായ നേതാക്കള്‍ക്കെതിരെയും വിമര്‍ശം ഉയരും. ഗ്രൂപ്പ് നീക്കങ്ങള്‍ക്കും പുതിയ സാഹചര്യം കാരണമായേക്കും. ലോക്സഭാ തെരഞ്ഞെടുപ്പിലെ വലിയ തിരിച്ചടിക്ക് ശേഷം സി.പി.എം ഏറെ കരുതലോടെയാണ് നീങ്ങിയത്. കേരള കോണ്‍ഗ്രസിലെ തര്‍ക്കം മുതലെടുത്ത് പാലായില്‍ വിജയമൊരുക്കി. കോന്നിയിലെയും വട്ടിയൂര്‍ക്കാവിലെയും അസ്വസ്ഥതകളെ എല്‍.ഡി.എഫ് നോട്ടമിട്ടു. യു.ഡി.എഫിന് അനുകൂലമായേക്കാമായിരുന്ന എന്‍.എസ്.എസ് പിന്തുണക്ക് […]

കൂടത്തായി കൊലപാതക പരമ്പരയിലെ മുഖ്യപ്രതി ജോളിയുടെ കാറിൽ നിന്നും കണ്ടെത്തിയത് സയനൈഡ് തന്നെയെന്ന് സ്ഥിരീകരണം. കണ്ണൂരിലെ ലാബിൽ നടത്തിയ പരിശോധനയിലാണ് ഇക്കാര്യം സ്ഥിരീകരിച്ചത്. കാറിന്റെ രഹസ്യ അറയില്‍ ഒളിപ്പിച്ച നിലയിലാണ് അന്വേഷണ സംഘം സയനൈഡ് കണ്ടെത്തിയത്. സിലി കൊലപാതകത്തില്‍ ജോളിയുമായി അന്വേഷണ സംഘം നടത്തിയത് മാരത്തോണ്‍ തെളിവെടുപ്പായിരുന്നു. ഷാജുവിന്റെ പുലിക്കയത്തെ വീട്ടിലുള്‍പ്പെടെ എത്തിച്ചായിരുന്നു തെളിവെടുപ്പ്. സിലിക്ക് വിഷം കലര്‍ത്തി നല്‍കിയ അരിഷ്ടം വാങ്ങിയ കടയിലും ജോളിയെ എത്തിച്ച് അന്വേഷണ സംഘം തെളിവെടുപ്പ് നടത്തി. രാവിലെ വടകരയില്‍ നിന്ന് […]

ഷാജുവിനെയും സക്കറിയാസിനെയും വീണ്ടും പ്രതിരോധത്തിലാക്കി ജോളിയുടെ മൊഴി. അരിഷ്ടത്തില്‍ വിഷം കലര്‍ത്തി സിലിയെ കൊല്ലാന്‍ ശ്രമിച്ചത് ഷാജുവിന്റെ സഹായത്തോടെയാണെന്ന് ജോളി മൊഴി നല്‍കി. തന്റെ രണ്ടാം വിവാഹത്തെക്കുറിച്ച് ആദ്യം സംസാരിച്ചത് ഷാജുവിന്റെ പിതാവ് സക്കറിയാസാണെന്നും ജോളി മൊഴി നല്‍കി. ജോളിയെ ഇന്നും അന്വേഷണ സംഘം ചോദ്യം ചെയ്യും. അന്വേഷണ സംഘത്തിന് മുന്നില്‍ ഷാജുവിനും പിതാവ് സക്കറിയാസിനുമെതിരെ ജോളി വീണ്ടും മൊഴി നല്‍കി. സിലി ഉപയോഗിച്ചിരുന്ന അരിഷ്ടത്തില്‍ വിഷം കലര്‍ത്താന്‍ ഷാജു സഹായം നല്‍കിയതായി ജോളി അന്വേഷണ സംഘത്തോട് […]

തിരുവനന്തപുരം: വീണ്ടും സംസ്ഥാനത്ത് കനത്തമഴും നാശനഷ്ടങ്ങളും പ്രവചിച്ച്‌ കാലാവസ്ഥാ നിരീക്ഷണ കേന്ദ്രം. അറബിക്കടലില്‍ രൂപപ്പെട്ട ന്യൂനമര്‍ദം തീവ്ര ന്യൂനമര്‍ദ്ദമായി മാറിയെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. മുംബൈയ്ക്ക് 490 കിലോമീറ്ററും രത്നഗിരിക്ക് 360 കിലോമീറ്ററും അകലെയായി കിടക്കുന്ന തീവ്ര ന്യൂനമര്‍ദ്ദം അടുത്ത 12 മണിക്കൂറില്‍ അതിതീവ്ര ന്യൂനമര്‍ദ്ദമായും മാറിയേക്കാം. തുടര്‍ന്ന് ‘ക്യാര്‍’ ചുഴലിക്കാറ്റായി മാറാനും സാധ്യതയുണ്ടെന്നാണു കാലാവസ്ഥാ വകുപ്പ് പറയുന്നത്. തുടക്കത്തില്‍ വടക്ക് കിഴക്ക് ഭാഗത്തേക്കാണു ദിശയെങ്കിലും ഒക്ടോബര്‍ 25 വൈകുന്നേരത്തോടെ ദിശ മാറി ഒമാന്‍ -യമന്‍ […]

സംസ്ഥാനത്തെ ഉപതെരഞ്ഞെടുപ്പ് ഫലം വിദ്വേഷ രാഷ്ട്രീയത്തിനെതിരായ ജനങ്ങളുടെ പ്രതികരണമെന്ന് മുഖ്യമന്ത്രി പിണറായി വിജയന്‍. ജാതിമത സങ്കുചിത ശക്തികള്‍ക്ക് സംസ്ഥാനത്ത് വേരോട്ടമില്ല, ജനങ്ങളെ ആരുടെയും കോന്തലയില്‍ കെട്ടിയിടാനാവില്ലെന്നും മുഖ്യമന്ത്രി പറഞ്ഞു. ഉപതെരഞ്ഞെടുപ്പ് ഫലത്തിന് പിന്നാലെ തലസ്ഥാനത്ത് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. വട്ടിയൂര്‍കാവില്‍ എല്‍.ഡി.എഫ് സ്ഥാനാര്‍ഥിയുടെ വിജയം സംസ്ഥാന രാഷ്ട്രീയത്തിന്റെ ദിശാസൂചകമാണ്, തെരഞ്ഞെടുപ്പുകളില്‍ യുവജനങ്ങളുടെ സാന്നിധ്യം ശ്രദ്ധേയമാണ്, എല്‍.ഡി.എഫിന്റെ ജനകീയ അടിത്തറയും പിന്തുണയും കൂടിയെന്നും പിണറായി പറഞ്ഞു. അഞ്ചിടത്തെ ഉപതെരഞ്ഞെടുപ്പില്‍ യു.ഡി.എഫ് മൂന്ന് സീറ്റിലും എല്‍.ഡി.എഫ് രണ്ട് സീറ്റിലും വിജയിച്ചു. […]

പ്രതീക്ഷകളുടെ വലിയ മനക്കോട്ട കെട്ടിയാണ് ബി.ജെ.പി നേതാവ് കെ സുരേന്ദ്രന്‍ കോണ്‍ഗ്രസ് മേധാവിത്വമുള്ള കോന്നി മണ്ഡലത്തില്‍ മല്‍സരത്തിനിറങ്ങിയത്. മുന്‍ തെരഞ്ഞെടുപ്പുകളിലെ പോലെ തന്നെ ശബരിമല വിഷയം മുന്‍ നിര്‍ത്തി പ്രചരണങ്ങള്‍ക്ക് തുടക്കമിട്ട ബി.ജെ.പി പ്രചരണാവസാനം വരെ ഇതേ വിഷയം മുന്‍നിര്‍ത്തിയായിരുന്നു ജനങ്ങളിലേക്കിറങ്ങിയിരുന്നത്. വിശ്വാസികളുടെ പിന്തുണ തങ്ങള്‍ക്കാണെന്ന് പ്രചരാണാവസാനം വരെ ഉറപ്പിച്ച ബി.ജെ.പിക്ക് ഏറ്റ കനത്ത തിരിച്ചടിയാണ് ഉപതെരഞ്ഞെടുപ്പിലെ ഈ ഫലം. കഴിഞ്ഞ ലോക്സഭാ തെരഞ്ഞെടുപ്പില്‍ 46,506 വോട്ടുകള്‍ ലഭിച്ച മണ്ഡലത്തില്‍ നിയമസഭ ഉപതെരഞ്ഞെടുപ്പില്‍ അതിനേക്കാള്‍ 6720 വോട്ടുകള്‍ […]

ശാസ്തമംഗലത്ത് എൻ.എസ്.എസ് ഓഫീസിനു നേരെ ചാണകമെറിഞ്ഞു. മദ്യപിച്ചെത്തിയ കോണ്‍ഗ്രസ് പ്രവർത്തകനാണ് ചാണകമെറിഞ്ഞതെന്ന് മ്യൂസിയം പൊലീസ് പറഞ്ഞു. ശാസ്തമംഗലം സ്വദേശിയായ മധുസൂദനനെ പൊലീസ് പിടികൂടി. ഓഫീസിന് രാവിലെ മുതൽ പൊലീസ് സംരക്ഷണമുണ്ടായിരുന്നു. ഇതിനിടെയാണ് മദ്യപിച്ചെത്തിയ ഇയാള്‍ ചാണകമെറി‍ഞ്ഞത്. ഇയാളെ ഉടൻ പിടികൂടി സ്റ്റേഷനിലേക്ക് കൊണ്ടുപോയി.