 | |  |
കോട്ടയത്ത് ചേർന്ന സംസ്ഥാന കമ്മിറ്റി കേരളാ കോണ്ഗ്രസ് എം. ചെയർമാനായി ജോസ് കെ. മാണിയെ തെരഞ്ഞെടുത്ത നടപടി സ്റ്റേ ചെയ്ത ഇടുക്കി കോടതിയുടെ വിധി കട്ടപ്പന സബ് കോടതി ശരിവച്ചു. സ്റ്റേ നീക്കണമെന്ന് ആവശ്യപ്പട്ട് ജോസ് കെ. മാണി വിഭാഗം സമർപ്പിച്ച അപ്പീല് കട്ടപ്പന സബ് കോടതി തള്ളി. യഥാര്ഥ കേരള കോണ്ഗ്രസ് ആരെന്ന കാര്യത്തില് തെരഞ്ഞെടുപ്പ് കമ്മീഷനാണ് തീരുമാനിക്കേണ്ടത് ജോസ് കെ. മാണി പറഞ്ഞു. തെരഞ്ഞെടുപ്പ് കമ്മീഷന് മുന്നില് എല്ലാ വസ്തുതകളുമുണ്ട്. വിധിപകര്പ്പ് കിട്ടിയ ശേഷം […]
വാളയാര് പെണ്കുട്ടികളുടെ രക്ഷിതാക്കളെ കാണാനാകാതെ ബാലാവകാശ കമ്മീഷന് അംഗം ഡല്ഹിയിലേക്ക് മടങ്ങി. രക്ഷിതാക്കള് തിരുവനന്തപുരത്ത് നിന്നും ഇതുവരെ പാലക്കാട് എത്തിയില്ല. കലക്ടറെയും എസ്.പിയെയും കാണാന് കഴിഞ്ഞില്ലെന്നും ഇവരെ ഡല്ഹിയിലേക്ക് വിളിപ്പിക്കുമെന്നും കമ്മീഷന് അംഗം യെശ്വിന് ജയിന് പറഞ്ഞു. ഇന്നലെ കമ്മീഷന് പാലക്കാട് എത്തിയിരുന്നെങ്കിലും കലക്ടറും എസ്.പിയും സ്ഥലത്തില്ലാത്തതിനാല് അതൃപ്തി പ്രകടിപ്പിച്ചിരുന്നു. വാളയാര് വിഷയത്തില് ശക്തമായ സമരം തുടര്ന്നുകൊണ്ടിരിക്കുകയാണ്. തിങ്കളാഴ്ചയോടെ മൂന്ന് പേരെ വെറുതെവിട്ട കേസിലെ വിധിപകര്പ്പ് ലഭിക്കും .തുടര്ന്നാണ് അപ്പീല് പോകണമോ,തുടരന്വേഷണം വേണമോ എന്ന് സര്ക്കാര് തീരുമാനം […]
കേരളത്തില് മഹ ചുഴലിക്കാറ്റിന്റെ ആശങ്ക ഒഴിഞ്ഞു. മഹ ചുഴലിക്കാറ്റ് കൂടുതല് ശക്തി പ്രാപിച്ച് വടക്കുപടിഞ്ഞാറന് ദിശയിലേക്ക് നീങ്ങുകയാണ്. അതേസമയം സംസ്ഥാനത്ത് അഞ്ച് ജില്ലകളില് ഓറഞ്ച് അലര്ട്ട് നിലനില്ക്കുകയാണ്.എറണാകുളം, ഇടുക്കി, തൃശൂര്, മലപ്പുറം, കോഴിക്കോട് ജില്ലകളിലാണ് ഓറഞ്ച് അലര്ട്ട് . എന്നാല് തീരപ്രദേശങ്ങളില് ജാഗ്രതാനിര്ദേശം നിലനില്ക്കുകയാണ. നാല് മീറ്ററില് അധികം ഉയരുമുള്ള വന്തിരമാലകള് ഉണ്ടാകുമെന്ന് സമുദ്ര നിരീക്ഷണ കേന്ദ്രം മുന്നറിയിപ്പ് നല്കി. കേരളം , കന്യാകുമാരി, കര്ണാടക, ലക്ഷദ്വീപ് തീരങ്ങളില് മത്സ്യബന്ധനത്തിനുള്ള നിരോധനം നിലനില്ക്കുകയാണ്.
കൂടത്തായി കൊലപാതക പരമ്പര കേസിലെ മുഖ്യപ്രതി ജോളിയുടെ പോലീസ് കസ്റ്റഡി കാലാവധി ഇന്നവസാനിക്കും. ആല്ഫൈന് വധക്കേസില് വീണ്ടും ജോളിയെ പോലീസ് കസ്റ്റഡിയില് ആവശ്യപ്പെടാനാണ് അന്വേഷണ സംഘത്തിന്റെ തീരുമാനം. അതേ സമയം ജോളിയുടെ മക്കളുടെ രഹസ്യമൊഴി ഇന്ന് കോഴിക്കോട് ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതി രേഖപ്പെടുത്തും. ആല്ഫൈന് വധക്കേസില് ഇന്ന് കസ്റ്റഡി കാലാവധി കഴിയുന്ന സാഹചര്യത്തില് വൈകിട്ട് ജോളിയെ താമരശേരി കോടതിയില് അന്വേഷണ സംഘം ഹാജരാക്കും. വീണ്ടും കസ്റ്റഡിയില് ആവശ്യപ്പെടാനാണ് അന്വേഷണസംഘത്തിന്റെ തീരുമാനം. തെളിവെടുപ്പിനായി കൂടുതല് സമയം […]
കൊച്ചി കോര്പ്പറേഷന് മേയര് സ്ഥാനത്ത് നിന്ന് സൌമിനി ജെയിനെ മാറ്റാന് സമ്മര്ദ്ദ നീക്കവുമായി ജില്ലാ കോണ്ഗ്രസ് നേതൃത്വം. തിരുവനന്തപുരത്തുള്ള എം.പി ഹൈബി ഈഡന്റെയും എം.എല്.എ ടി.ജെ വിനോദിന്റെയും നേതൃത്വത്തില് കെ.പി.സി.സി യില് സമ്മര്ദ്ദം ചെലുത്താനാണ് ജില്ലാ നേതൃത്വത്തിന്റെ ശ്രമം. എന്നാല് സ്റ്റാന്ഡിങ് കമ്മിറ്റി ചെയര്മാന്മാരെ കൂടെ കൂട്ടി പ്രതിരോധത്തിലാക്കാനുള്ള തീരുമാനത്തിലാണ് മേയര്. മേയറെ തല്ക്കാലം മാറ്റേണ്ടെന്ന തീരുമാനത്തിലാണ് കെ.പി.സി.സി അധ്യക്ഷനെങ്കിലും ഇതിനെ ഏത് വിധേനയും മറികടക്കാനാണ് കോണ്ഗ്രസ് ജില്ലാ നേതൃത്വത്തിന്റെ ആലോചന. മുഖ്യമന്ത്രി വിളിച്ച് ചേര്ത്ത എം.പിമാരുടെ […]
എറണാകുളത്ത് ഇന്നലെ പെയ്ത ശക്തമായ മഴ ഏറ്റവും കൂടുതല് ബാധിച്ചത് തീരദേശ മേഖലകളിലാണ്. ചെല്ലാനം, ഫോര്ട്ട് കൊച്ചി, വൈപ്പിന് പ്രദേശങ്ങളിലെ നിരവധി വീടുകളില് വെള്ളം കയറി. കടല്ഭിത്തിയും പുലിമുട്ടും നിര്മ്മിക്കാത്തതാണ് വീടുകളിലേക്ക് വെള്ളം കയറാന് കാരണമെന്നാണ് പ്രദേശവാസികള് പറയുന്നത്. ചെല്ലാനം, ഫോര്ട്ട്കൊച്ചി, വൈപ്പിന് തുടങ്ങിയ തീരങ്ങളിലാണ് ഇന്നലെ കടല്ക്ഷോഭം രൂക്ഷമായത്. 800ലധികം ആളുകളാണ് നാല് ദുരിതാശ്വാസ ക്യാമ്പുകളിലായി കഴിയുന്നത് വൈപ്പിന് മേഖലയിലെ ഞാറക്കല്, നായരമ്പലം, എടവനക്കാട് പ്രദേശങ്ങളിലെ ആളുകള് ആണ് ഏറ്റവും കൂടുതല് ദുരിതം അനുഭവിക്കുന്നത്. താഴ്ന്ന […]
വാളയാർ സംഭവത്തിൽ സി.ബി.ഐ അന്വേഷണം ആവശ്യപ്പെട്ട് സമർപ്പിച്ച ഹരജി ഹൈക്കോടതി ഇന്ന് പരിഗണിക്കും . അന്വേഷണത്തിലെ വീഴ്ചയും പ്രാസിക്യൂഷന്റെ പരാജയവും മൂലം പ്രതികൾ ശിക്ഷിക്കപ്പെടാതെ പോയ സാഹചര്യത്തിൽ അന്വേഷണ ചുമതല സി.ബി.ഐയെ ഏൽപ്പിക്കണമെന്ന് ആവശ്യപ്പെട്ട് മലയാള വേദി പ്രസിഡന്റ് ജോർജ് വട്ടുകുളമാണ് ഹരജി നൽകിയിട്ടുള്ളത്. കുട്ടികൾ ലൈംഗിക പീഡനത്തിനിരയായത് മുതലുള്ള സംഭവങ്ങൾ അറിഞ്ഞിട്ടും കേസന്വേഷണ സമയത്തും വിചാരണ ഘട്ടത്തിലും അതിന്റെ ഗൗരവത്തോടെ കൈകാര്യം ചെയ്തിട്ടില്ലെന്ന് ഹരജിയിൽ പറയുന്നു. അന്വേഷണത്തിൽ ഉദാസീന നിലപാടും തെളിവുകൾക്ക് നേരെയുള്ള അവഗണനയുമാണുണ്ടായത്. പ്രോസിക്യൂഷന്റെ […]
കോയമ്ബത്തൂര്: സോളാര് തട്ടിപ്പ് കേസ് പ്രതി സരിത നായര്ക്ക് മൂന്ന് വര്ഷം തടവും പതിനായിരം രൂപ പിഴയും കോടതി വിധിച്ചു. വഞ്ചനാക്കേസില് കോയമ്ബത്തൂര് കോടതിയാണ് ശിക്ഷ വിധിച്ചത്. കോയമ്ബത്തൂര് സ്വദേശിയെ കബളിപ്പിച്ച് പണം തട്ടിയ കേസിലാണ് ശിക്ഷ. സരിതയുടെ മുന് ഭര്ത്താവും സോളാര് കേസിലെ കൂട്ടുപ്രതിയുമായ ബിജു രാധാകൃഷ്ണനും ഇതേ കേസില് മൂന്ന് വര്ഷം തടവും പതിനായിരം രൂപ പിഴയും ശക്ഷി വിധിച്ചിട്ടുണ്ട്.
മാവോയിസ്റ്റുകൾ കൊല്ലപ്പെട്ട സംഭവത്തില് മജിസ്റ്റീരിയൽ അന്വേഷണത്തില് എല്ലാ പരാതികളും ഉള്പ്പെടുത്തി പരിശോധിക്കുമെന്ന് ഡി.ജി.പി ലോക്നാഥ് ബെഹ്റ. വ്യാജ ഏറ്റുമുട്ടലെന്ന ആക്ഷേപത്തിലടക്കം പരിശോധനയുണ്ടാകും. ക്രൈംബ്രാഞ്ച് അന്വേഷണം സ്വാഭാവിക നടപടിയാണെന്നും ഡി.ജി.പി പറഞ്ഞു.
മദ്യ വ്യാപാരം മൗലികാവകാശമല്ലെന്ന് ഹൈക്കോടതി. മദ്യവ്യാപാരത്തിന് അനുമതി നൽകുമ്പോൾ ജനങ്ങളുടെ സ്വകാര്യത കൂടി കണക്കിലെടുക്കണമെന്നും കോടതി നിർദേശം നല്കി. സ്വകാര്യത മൗലികാവകാശമാണെന്ന് സുപ്രീംകോടതി പ്രഖ്യാപിച്ച സാഹചര്യത്തിൽ മദ്യവ്യാപാരത്തിന് ലൈസൻസ് നൽകുമ്പോൾ സമീപത്തുള്ളവരുടെ സ്വകാര്യത കൂടി കണക്കിലെടുക്കണം. ലൈസൻസിന്റെ അടിസ്ഥാനത്തിലുള്ള വ്യാപാരമായതിനാൽ മദ്യശാലകൾക്ക് ബാധകമാകുന്ന കൃത്യമായ ശുപാർശകൾ സർക്കാർ തയ്യാറാക്കണം. അല്ലാത്തപക്ഷം വരും നാളുകളിൽ ലൈസൻസ് അനുവദിക്കുന്നതിനും മറ്റും പ്രശ്നങ്ങളുണ്ടാകുമെന്ന് ജസ്റ്റിസ് എ. മുഹമ്മദ് മുഷ്താഖ് സൂചിപ്പിച്ചു. കള്ളുഷാപ്പ് തന്റെ വീടിനടുത്തേക്ക് മാറ്റുന്നതിനെതിരെ പട്ടാമ്പി വള്ളൂർ സ്വദേശിനി വിലാസിനി […]