Kerala

സപ്ലൈകോക്ക് നെല്ലു നൽകിയ കർഷകർക്ക് പണം ലഭിച്ചില്ല. പണം ലഭിക്കാത്തതിനാൽ അടുത്ത വിളയ്ക്ക് വിത്തിറക്കാൻ കർഷകർ പ്രയാസം അനുഭവിക്കുകയാണ്. സപ്ലൈകോക്ക് നെല്ല് അളന്നു നൽകി രണ്ട് മാസം കഴിഞ്ഞിട്ടും പണം അനുവദിച്ചു നൽകിയിട്ടില്ല. സപ്ലൈകോയിൽ നിന്നും പണം വന്നിട്ടില്ലൊന്ന് ബാങ്കുകാരുടെ വിശദീകരണം. ഏതാനും സഹകരണ ബാങ്കുകൾ സ്വന്തം നിലക്ക് പണം നൽകിയത് ഒഴിച്ചാൽ സംസ്ഥാനത്തെ ഭൂരിപക്ഷം കർഷകർക്കും പണം ലഭിച്ചിട്ടില്ല. അടുത്ത കൃഷിയിറക്കാൻ സമയമായിട്ടും പണം ലഭിക്കാത്തത് കർഷകർക്ക് വലിയ പ്രയാസമാണ് സൃഷ്ടിക്കുന്നത്. ഏറെ വൈകിയാണ് സപ്ലൈക്കോ […]

ലോട്ടറിക്ക് ജി.എസ്.ടി നിരക്ക് കുറച്ചതില്‍ അഴിമതിയുണ്ടെന്ന് ധനമന്ത്രി തോമസ് ഐസക്. ലോട്ടറി മാഫിയക്ക് വേണ്ടി ബി.ജെ.പി വിടുപണി ചെയ്യുകയാണ്. ലോട്ടറി മാഫിയയെ കേരളത്തില്‍ പിടിമുറുക്കാന്‍ അനുവദിക്കില്ല. ലോട്ടറി മാഫിയയെ നിയന്ത്രിക്കാനുള്ള അധികാരം സംസ്ഥാനങ്ങൾക്ക് നല്‍കണമെന്നും തോമസ് ഐസക് പറഞ്ഞു. തിരുവനന്തപുരത്ത് ലോട്ടറി ഏജന്റുമാരുടെ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

കെ.എസ്.ആര്‍.ടി.സിയിലെ തൊഴിലാളി യൂണിയനുകളുമായി ഗതാഗത മന്ത്രി എ.കെ ശശീന്ദ്രന്‍ ഇന്ന് ചര്‍ച്ച നടത്തും. രാവിലെ 8.30ന് മന്ത്രിയുടെ ചേംബറിലാണ് ചര്‍ച്ച. സി.ഐ.ടി.യു, എ.ഐ.ടി.യു.സി, ടി.ഡി.എഫ് സംഘടനാ പ്രതിനിധികളെ ചര്‍ച്ചക്ക് ക്ഷണിച്ചിട്ടുണ്ട്. ശമ്പളവിതരണം മുടക്കമില്ലാതെ നടത്തുക, കെ.എസ്.ആര്‍.ടി.സിയിലെ സാമ്പത്തിക പ്രതിസന്ധി പരിഹരിക്കുക തുടങ്ങിയ ആവശ്യങ്ങളുന്നയിച്ച് തൊഴിലാളി യൂണിയനുകള്‍ സെക്രട്ടേറിയറ്റ് പടിക്കല്‍ അനിശ്ചിതകാല സത്യഗ്രഹം നടത്തിവരികയാണ്. ടി.ഡി.എഫ് ജനുവരി 20 മുതല്‍ പണിമുടക്ക് കൂടി പ്രഖ്യാപിച്ച പശ്ചാത്തലത്തിലാണ് മന്ത്രിതല ചര്‍ച്ച.

പൗരത്വ നിയമ ഭേദഗതിക്കെതിരെ കെ.പി.സി.സിയുടെ നേതൃത്വത്തിൽ ഇന്ന് മഹാറാലിയും പ്രതിഷേധ സംഗമവും. രാവിലെ 10ന് പാളയം രക്തസാക്ഷി മണ്ഡപത്തിൽ പുഷ്പാർച്ചനയ്ക്ക് ശേഷം രാജ്ഭവനിലേക്കാണ് റാലി. മുൻ കേന്ദ്ര ധനകാര്യമന്ത്രി പി.ചിദംബരം എം.പി രാജ്ഭവന് മുന്നില്‍ പ്രതിഷേധസംഗമം ഉദ്ഘാടനം ചെയ്യും. കെ.പി.സി.സി അധ്യക്ഷന്‍ മുല്ലപ്പള്ളി രാമചന്ദ്രൻ, പ്രതിപക്ഷ നേതാവ് രമേശ് ചെന്നിത്തല, എ.ഐ.സി.സി ജനറൽ സെക്രട്ടറിമാരായ ഉമ്മൻ ചാണ്ടി, കെ.സി വേണുഗോപാൽ ഉള്‍പ്പെടെ മുതിര്‍ന്ന നേതാക്കളും എം.പിമാരും എം.എല്‍.എമാരും റാലിയിലും പ്രതിഷേധ സംഗമത്തിലും പങ്കെടുക്കും. പൌരത്വ ഭേദഗതിക്കെതിരെ ഇടതുപക്ഷവുമായി […]

പൌരത്വ നിയമഭേദഗതിക്കെതിരെ മനുഷ്യത്വം ഉയര്‍ത്തിപ്പിടിച്ച് ഒന്നിച്ചു നില്‍ക്കണമെന്ന് മുഖ്യമന്ത്രി പിണറായി വിജയന്‍. ദേശീയ ബാലശാസ്ത്ര കോണ്‍ഗ്രസ് തിരുവനന്തപുരത്ത് ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി. രാജ്യത്തെ ശാസ്ത്ര ചിന്ത അപകടത്തിലാണെന്നും ഭരണഘടന പദവി വഹിക്കന്നവർ പോലും ഇതിന് എതിര് നിൽക്കുകയാണെന്നും മുഖ്യമന്ത്രി പറഞ്ഞു.

കൂടത്തായി റോയി തോമസ് വധക്കേസില്‍ കുറ്റപത്രം തയ്യാറാവുന്നു. ജനുവരി രണ്ടിന് മുന്‍പ് കുറ്റപത്രം സമര്‍പ്പിക്കാനാണ് അന്വേഷണ സംഘം ഒരുങ്ങുന്നത്. പഴുതടച്ചുള്ള കുറ്റപത്രം തയ്യാറാക്കുന്നത് ക്രൈംബ്രാഞ്ച് ഡി.വൈ.എസ്.പി ആര്‍ ഹരിദാസിന്‍റെ നേതൃത്വത്തിലുള്ള സംഘമാണ്. ഏറെ ദുരൂഹതകള്‍ നിറഞ്ഞ കൂടത്തായി കൂട്ടക്കൊലപാതകത്തില്‍ ആദ്യം രജിസ്റ്റര്‍ ചെയ്ത റോയി തോമസ് വധക്കേസിലെ കുറ്റപത്രമാണ് അന്വേഷണ സംഘം തയ്യാറാക്കുന്നത്. ഒക്ടോബര്‍ 5നാണ് മുഖ്യപ്രതിയായ ജോളി ഉള്‍പ്പടെ മൂന്ന് പ്രതികളെ അന്വേഷണ സംഘം അറസ്റ്റു ചെയ്തത്. കൂടത്തായി കൂട്ടക്കൊലപാതകത്തില്‍ മരിച്ച ആറുപേരുടെ കല്ലറകള്‍പൊളിച്ച് പരിശോധന […]

സംസ്ഥാനത്ത് ഡിറ്റന്‍ഷന്‍ സെന്‍ററുകള്‍ സ്ഥാപിക്കുന്നു എന്ന വാര്‍ത്തകളെ തള്ളി മുഖ്യമന്ത്രി. പ്രചരിക്കുന്ന വാര്‍ത്തകള്‍ വസ്തുതാവിരുദ്ധമെന്ന് മുഖ്യമന്ത്രിയുടെ ഓഫീസ് അറിയിച്ചു. ജയിലില്‍ കഴിയുന്ന വിദേശികളെ പാര്‍പ്പിക്കാന്‍ തടങ്കല്‍ കേന്ദ്രം നിര്‍മ്മിക്കണമെന്ന കേന്ദ്ര സര്‍ക്കാരിന്റെ നിര്‍ദേശം പാലിക്കാനൊരുങ്ങുകയാണ് കേരളാ സര്‍ക്കാറെന്ന് ‘ദ ഹിന്ദു‘വാണ് റിപ്പോര്‍ട്ട് ചെയ്തത്. വിവിധ കേസുകളില്‍ ഉള്‍പ്പെട്ട, പാസ്‌പോര്‍ട്ട് – വിസ തുടങ്ങിയ അംഗീകൃത രേഖകളുടെ കാലാവധി അവസാനിച്ച, അനധികൃതമായി രാജ്യത്ത് പ്രവേശിച്ച വിദേശീയര്‍ക്കായാണ് കേരള സര്‍ക്കാര്‍ തടങ്കല്‍ പാളയങ്ങളൊരുക്കുന്നത്. ഇത്തരത്തിലുള്ളവരുടെ എണ്ണമെടുക്കാന്‍ സാമൂഹ്യനീതി വകുപ്പ് നീക്കം […]

കൂടത്തായി കൊലപാതക പരമ്ബരയിലെ ആദ്യ കുറ്റപത്രം തയ്യാറായി. റോയ് തോമസ് വധക്കേസിലെ കുറ്റപത്രമാണ് തയ്യാറായിരിക്കുന്നത്. ജോളി ഉള്‍പ്പെടെ നാലുപേരാണ് ഇതില്‍ പ്രതികളായിട്ടുള്ളത്. കുറ്റപത്രം ഉടന്‍ കോടതിയില്‍ സമര്‍പ്പിക്കുമെന്ന് അന്വേഷണ ഉദ്യോഗസ്ഥന്‍ കെ.ജി. സൈമണ്‍ പറഞ്ഞു. ഭര്‍ത്താവ് റോയ് തോമസിനെ ജോളി സയനൈഡ് കൊടുത്തു കൊലപ്പെടുത്തിയെന്ന കേസിലാണ് കുറ്റപത്രം. ജോളിയെ കൂടാതെ സയനൈഡ് എത്തിച്ച്‌ കൊടുത്ത മാത്യൂ, താമരശ്ശേരിയിലെ സ്വര്‍ണ്ണപ്പണിക്കാരന്‍ പ്രജികുമാര്‍, സിപിഎം പ്രാദേശിക നേതാവ് മനോജ് കുമാര്‍ എന്നിവരാണ് കേസിലെ മറ്റ് പ്രതികള്‍. കേസില്‍ 200 ലധികം […]

രാജ്യത്ത് ഇന്ധന വില അനിയന്ത്രിതമായി ഉയരുന്നു. ഇന്ന് കൊച്ചിയില്‍ പെട്രോളിന് 6 പൈസയും ഡീസലിന് 16 പൈസയുമാണ് വര്‍ദ്ധിച്ചത്. കഴിഞ്ഞ ഒരാഴ്ചക്കിടയില്‍ ഡീസലിന് 1 രൂപ 11 പൈസയാണ് കൂടിയത്. കഴിഞ്ഞ മൂന്ന് ദിവസങ്ങളായി 21,11,16 പൈസ വീതമാണ് ഇന്ധന വില വർധന ഉണ്ടായത്. കഴിഞ്ഞ ഒരാഴ്ച കൊണ്ട് മാത്രം ഡീസൽ ലിറ്ററിന് 1 രൂപ 11 പൈസയുടെ വർധനവ് ആണ് ഉണ്ടായത്. ഇന്ന് മാത്രം ഡീസലിന് വര്‍ദ്ധിച്ചത് 16 പൈസയാണ്, പെട്രോളിന് ആറ് പൈസയും. വ്യാഴാഴ്ച […]

കോൺഗ്രസ് ഭരിക്കുന്ന സംസ്ഥാനങ്ങൾ എന്‍.പി.ആറുമായി സഹകരിക്കില്ലെന്ന് എ.ഐ.സി.സി ജനറല്‍ സെക്രട്ടറി കെ സി വേണുഗോപാല്‍. യു.പി.എ ഭരണകാലത്ത് തടങ്കൽ കേന്ദ്രങ്ങൾ തുടങ്ങാൻ നിർദേശിച്ചത് അനധികൃതമായി തുടരുന്ന വിദേശികളെ പാർപ്പിക്കാനായിരുന്നുവെന്ന് അദ്ദേഹം പറഞ്ഞു. പൗരത്വ നിയമ ഭേദഗതിക്കെതിരായ പ്രതിഷേധങ്ങളെ വിമര്‍ശിച്ച കരസേനാ മേധാവി ബിപിൻ റാവത്ത് പ്രസ്താവന പിൻവലിച്ച് പദവിയുടെ ബഹുമാന്യത നിലനിർത്തണമെന്നും കെ.സി വേണുഗോപാല്‍ ആവശ്യപ്പെട്ടു. അതേസമയം പൗരത്വ ഭേദഗതി നിയമത്തെ കോണ്‍ഗ്രസ് പാര്‍ട്ടി പല്ലും നഖവും ഉപയോഗിച്ച് പാര്‍ലമെന്റില്‍ എതിര്‍ത്തതാണെന്നും സമാനചിന്താഗതിക്കാരായ ആളുകളെ ഉപയോഗിച്ചുകൊണ്ട് ശക്തമായ […]