Author: Tomy Thondamkuzhy

കോഴിക്കോട് കൂടരഞ്ഞി പുഷ്പഗിരി ലിറ്റില്‍ ഫ്ലവര്‍ പള്ളിയുടെ സെമിത്തേരി സഭാ നേതൃത്വം തന്നെ ഇടിച്ചുനിരത്തി. ചില വിശ്വാസികളുടെ എതിര്‍പ്പ് വകവെക്കാതെയാണ് കല്ലറകള്‍ പൊളിച്ച് കളഞ്ഞത്. പ്രദേശത്ത് സ്ഥിതി ചെയ്തിരുന്ന പള്ളിയും, കോണ്‍വെന്റും, സ്കൂളുകളും മുമ്പ് സഭാ നേത്യത്വം സ്ഥലത്ത് നിന്ന് മാറ്റിയിരുന്നു. താമരശ്ശേരി രൂപതയുടെ ഉടമസ്ഥതയിലുള്ള സ്ഥലത്ത് കരിങ്കല്‍ ഖനനം നടത്തുന്നതിന് വേണ്ടിയാണ് സെമിത്തേരിയടക്കം മാറ്റിയതെന്നാണ് വിവരം. അഞ്ചാറ് വര്‍ഷം മുമ്പ് വരെ പുഷ്പഗിരി മരംഞ്ചോട്ടി റോഡിന് സൈഡില്‍ താമരശ്ശേരി രൂപതയുടെ നേതൃത്വത്തിലുള്ള ലിറ്റില്‍ ഫ്ലവര്‍ പള്ളിയും, […]

എ.ഐ.സി.സി ജനറല്‍ സെക്രട്ടറി ചുമതല ഏറ്റെടുക്കും മുൻപ് തന്നെ ലോക്സഭ തെരഞ്ഞെടുപ്പ് ചർച്ചകളിൽ സജീവമായി പ്രിയങ്ക ഗാന്ധി. ഉത്തര്‍പ്രദേശിന്റെ തെരഞ്ഞെടുപ്പ് പ്രചരണ ഒരുക്കങ്ങൾ ചർച്ച ചെയ്യാൻ രാഹുൽ ഗാന്ധി വിളിച്ച യോഗത്തിൽ പ്രിയങ്ക പങ്കെടുത്തു. നാളെ നടക്കുന്ന എ.ഐ.സി.സി ജനറൽ സെക്രട്ടറിമാരുടെ യോഗത്തിന് മുന്നോടിയായി പ്രിയങ്ക ഔദ്യോഗികമായി ചുമതല ഏറ്റെടുക്കും. രാഷ്ട്രീയ പ്രവേശം സംബന്ധിച്ച എ.ഐ.സി.സി ഒദ്യോഗിക പ്രഖ്യാപന സമയത്ത് വിദേശത്തായിരുന്ന പ്രിയങ്ക ഗാന്ധി തിങ്കളാഴ്ചയാണ് ഡല്‍ഹിയില്‍ തിരിച്ചെത്തിയത്. അന്നു തന്നെ ഉത്തര്‍പ്രദേശ് തെരഞ്ഞെടുപ്പ് ഒരുക്കം സംബന്ധിച്ച് […]

നീതി നിഷേധിക്കപ്പെട്ട് വിചാരണ തടവുകാരനെന്നെ പേരില്‍ പരപ്പനങ്ങാടി സ്വദേശി സകരിയ ജയിലിനകത്തായിട്ട് ഇന്നേക്ക് പത്ത് വര്‍ഷങ്ങള്‍. ബെംഗളൂരു സ്ഫോടനവുമായി ബന്ധപ്പെട്ടാണ് 2009 ഫെബ്രുവരി അഞ്ചിന് സകരിയയെ കര്‍ണാടക പൊലീസ് ചോദ്യം ചെയ്യാനായി കസ്റ്റഡിയിലെടുക്കുന്നത്. തിരൂരിലെ മൊബൈല്‍ കടയില്‍ ജോലി ചെയ്തിരുന്ന സകരിയ സ്ഫോടനത്തിന് ആവശ്യമായ ചിപ്പ് നിര്‍മ്മിക്കാന്‍ സഹായിച്ചെന്ന ‘വ്യാജ’ കുറ്റം ചുമത്തിയാണ് കര്‍ണാടക പൊലീസ് ആദ്യം കസ്റ്റഡിയിലെടുക്കുന്നത്. 2009 ഫെബ്രുവരി അഞ്ചിന് വൈകുന്നേരം ചോദ്യം ചെയ്യലിന് ശേഷം വിട്ടയക്കാമെന്ന ഉറപ്പിലായിരുന്നു പൊലീസ് സകരിയയെ കസ്റ്റഡിയിലെടുക്കുന്നത്. പക്ഷെ […]

പെരുമ്പാവൂർ കൂവപ്പടി പഞ്ചായത്തില്‍ ഏക്കര്‍ കണക്കിന് പാടശേഖരം മണ്ണിട്ട് നികത്താന്‍ ശ്രമം. പ്രദേശത്തെ ജനങ്ങളുടെ പ്രധാന കുടിവെള്ള സ്രോതസ്സ് കൂടിയായ വാച്ചാല്‍ പാടശേഖരത്തിലാണ് രാത്രിയില്‍ ടിപ്പറുകളില്‍ മണ്ണടിക്കുന്നത്. റവന്യു ഉദ്യോഗസ്ഥരുടെ ഒത്താശയോടെയാണ് പാടശേഖരം മണ്ണിട്ട് നികത്തുന്നതെന്നാണ് നാട്ടുകാരുടെ ആരോപണം. 25 ഏക്കറിലധികം വരുന്ന പാടശേഖരമാണ് വാച്ചാല്‍ പാടശേഖരം. ഇതില്‍ സ്വകാര്യവ്യക്തിയുടെ ഉടമസ്ഥതയിലുള്ള 4 ഏക്കര്‍ പാ‍ടശേഖരമാണ് നികത്താന്‍ ശ്രമം നടക്കുന്നത്. ഇയാളുടെ ഉടമസ്ഥതയിലുള്ള മൂന്നേക്കര്‍ പാടശേഖരം നേരത്തെ ഗുണ്ടാസംഘങ്ങളുടെ സഹായത്തോടെ നികത്തിയിരുന്നു. രാത്രിയുടെ മറവില്‍ ടിപ്പറുകളില്‍ പാടശേഖരത്ത് […]

കോടതിയിൽനിന്ന് അനുകൂല വിധി ലഭിച്ചതോടെ ശബരിമല ദര്‍ശനം നടത്തിയ കനകദുര്‍ഗ മലപ്പുറം അങ്ങാടിപ്പുറത്തെ ഭർതൃഗൃഹത്തിലെത്തി. കോടതി വിധിയിൽ സന്തോഷമുണ്ടെന്ന് കനകദുർഗ പ്രതികരിച്ചു. ശബരിമല ദർശനം നടത്തിയതിന്റെ പേരിൽ വീട്ടിൽ പ്രവേശിപ്പിക്കാത്ത സാഹചര്യത്തിലാണ് കനകദുർഗ കോടതിയെ സമീപിച്ചത്. ഹരജി പരിഗണിച്ച പുലാമന്തോൾ ഗ്രാമ ന്യായാലയ കോടതി കനകദുർഗയെ വീട്ടിൽ പ്രവേശിപ്പിക്കണമെന്ന് ഉത്തരവിട്ടു. ഈ വിധിയുടെ പശ്ചാത്തലത്തിലാണ് കനകദുർഗ ഭർതൃ വീട്ടിലെത്തിയത്. എന്നാൽ കനകദുർഗ വീട്ടിൽ എത്തുന്നതിനു മുൻപേ തന്നെ ഭർത്താവും ഭർതൃമാതാവും മറ്റൊരു വീട്ടിലേക്ക് താമസം മാറി. അതേസമയം, […]

കെ.സി വേണുഗോപാൽ സംഘടനാ ചുമതലയുള്ള എ.ഐ.സി.സി ജനറൽ സെക്രട്ടറി ആയതോടെ ആലപ്പുഴയിലെ യു.ഡി.എഫ് സ്ഥാനാർത്ഥി നിർണ്ണയം പ്രതിസന്ധിയിൽ. കെ.സിയുടെ സ്ഥാനാർത്ഥിത്വം സംബന്ധിച്ച് അന്തിമ തീരുമാനം ഉണ്ടാകാത്ത സാഹചര്യത്തിൽ സീറ്റ് ലക്ഷ്യം വച്ച് നിരവധി നേതാക്കളാണ് രംഗത്തെത്തിയിരിക്കുന്നത്. തെരഞ്ഞെടുപ്പ് ചർച്ചകൾ സജീവമായപ്പോൾ ജില്ലാ നേതൃത്വത്തിന്റെ നിലപാട് ഇതായിരുന്നു. എന്നാൽ വേണുഗോപാലിന് സംഘടന ചുമതല നല്കിയതിന് ശേഷമുള്ള പ്രതികരണം ഇങ്ങനെ. സ്ഥാനാർത്ഥിയാകമെന്ന് കെ.സിയും ഉറപ്പിച്ച് പറയുന്നില്ല. മുൻ എം.എൽ.എ പി.സി വിഷ്ണുനാഥ്, ചേർത്തലയിൽ മത്സരിച്ച എസ്. ശരത്ത്, ഡി.സി.സി പ്രസിഡന്റ് […]

ഡി.വൈ.എഫ്.ഐക്കാർ പ്രതികളായ പോക്സോ കേസിലെ പരാതിക്കാരിക്ക് ഭീഷണി. പ്രതികളുടെ ബന്ധുക്കള്‍ നിരന്തരം ഭീഷണിപ്പെടുത്തുന്നതായി പെണ്‍കുട്ടി പറഞ്ഞു. പെട്രോളൊഴിച്ച് കത്തിച്ച് ഓടയിലിടുമെന്ന് വധഭീഷണി മുഴക്കിയതായാണ് പരാതി. പൊലീസില്‍ പരാതിപ്പെട്ടിട്ടും നടപടിയില്ലെന്നും പറയുന്നു. ഈ കേസിലാണ് തിരുവനന്തപുരം മെഡിക്കല്‍ കോളജ് പൊലീസ് സ്റ്റേഷന് നേരെ ആക്രമണമുണ്ടായത്. പൊലീസ് സ്റ്റേഷന്‍ ആക്രമിച്ചവര്‍ക്കായാണ് ചൈത്ര തെരേസ ജോണ്‍ സി.പി.എം ഓഫീസില്‍ റെയ്ഡ് നടത്തിയത്.

ദേശീയ പണിമുടക്ക് ദിവസം തിരുവനന്തപുരം എസ്.ബി.ഐ ബാങ്ക് ആക്രമിച്ച കേസില്‍ പ്രതികളായ എന്‍.ജി.ഒ യൂണിയന്‍ നേതാക്കള്‍ക്ക് ജാമ്യം ലഭിച്ചു. പ്രതികളായ എട്ടു പേര്‍ ഒന്നര ലക്ഷം രൂപ കെട്ടിവെക്കണമെന്ന് കോടതി ഉത്തരവിട്ടു. തിരുവനന്തപുരം ജില്ല സെഷന്‍സ് കോടതിയാണ് പ്രതികള്‍ക്ക് ജാമ്യം നല്‍കിയത്. എന്‍.ജി.ഒ യൂണിയന്റെ സംസ്ഥാന കമ്മിറ്റിയംഗം സുരേഷ് ബാബുവും ജില്ല പ്രസിഡന്റ് അനില്‍ കുമാറും അടക്കം 8 പേര്‍ക്കാണ് ഇപ്പോള്‍ ജാമ്യം ലഭിച്ചിട്ടുള്ളത്. നേരത്തെ ഈ 8 പ്രതികളുടേയും ജാമ്യാപേക്ഷ വഞ്ചിയൂര്‍ പ്രിന്‍സിപ്പള്‍ സെഷന്‍സ് കോടതി […]