ആറ്റുകാല് പൊങ്കാല ഇന്ന്. ക്ഷേത്രം തന്ത്രി ശ്രീകോവിലില് നിന്ന് ദീപം കൈമാറുന്നതോടെയാണ് ചടങ്ങുകള്ക്ക് തുടക്കമാകുക. നഗരത്തിന്റെ പത്ത് കിലോമീറ്റര് ചുറ്റളവില് ഭക്തര് ഒരുക്കിയ അടുപ്പുകളിലും ദീപം തെളിക്കും. സംസ്ഥാനത്തിന്റെ പലഭാഗങ്ങളില് നിന്നായി നേരത്തെ എത്തി അടുപ്പ് കൂടി കാത്തിരിക്കുന്ന ഭക്തരുണ്ട്. നഗരത്തില് ഇന്നലെ ഉച്ച മുതല് ഗതാഗത നിയന്ത്രണം ഏര്പ്പെടുത്തിയിട്ടുണ്ട്. സുരക്ഷക്കായി മൂവായിരത്തി എണ്ണൂറ് പൊലീസുകാരെയാണ് വിന്യസിച്ചിരിക്കുന്നത്. കെ.എസ്.ആര്.ടി.സി പ്രത്യേക സര്വീസുകള് നടത്തുന്നുണ്ട്. ജില്ലയില് ഇന്ന് പ്രാദേശിക അവധിയാണ്.
