Author: Tomy Thondamkuzhy

എറണാകുളം ആലുവയില്‍ സ്വകാര്യ ആശുപത്രിയിലെ സെക്യൂരിറ്റിയെ മർദ്ദിച്ച യുവതി അറസ്റ്റിൽ. കളമശേരിയിൽ ഹോസ്റ്റൽ വാർഡനായ കണ്ണൂർ സ്വദേശിനി ആര്യയെയാണ് ആലുവ പൊലീസ് അറസ്റ്റ് ചെയ്തത്. കഴിഞ്ഞ ദിവസം ആശുപത്രി വളപ്പിൽ മറ്റ് വാഹനങ്ങൾക്ക് മാർഗതടസമാകുന്ന വിധത്തിൽ പാർക്ക് ചെയ്ത വാഹനം മാറ്റിവച്ച സെക്യൂരിറ്റി ജീവനക്കാരനെ യുവതി മർദ്ദിക്കുകയായിരുന്നു. സംഭവത്തിന്റെ സി.സി.ടിവി ദൃശ്യം സാമൂഹികമാധ്യമങ്ങളില്‍ പ്രചരിച്ചതോടെയാണ് പോലീസ് യുവതിക്കെതിരെ കേസെടുത്തത്.ആര്യയുടെ അറസ്റ്റ് രേഖപ്പെടുത്തി ജാമ്യത്തിൽ വിട്ടു. ഒക്ടോബര്‍ 1 നാണ് കേസിനാസ്പദമായ സംഭവം നടന്നത്. ആലപ്പുഴ മാവേലിക്കര സ്വദേശി […]

മരടിലെ ഫ്ലാറ്റുകൾ പൊളിക്കുന്നതിനുള്ള നടപടിക്രമങ്ങൾ നഗരസഭ ഇന്ന് ആരംഭിക്കും. സർക്കാർ സാങ്കേതിക ഉപദേഷ്ടാവായി നിയമിച്ച ശരത് ബി സർവ്വാതെ ഇന്ന് ഫ്ലാറ്റ് സമുച്ചയങ്ങൾ സന്ദർശിക്കും. ഫ്ലാറ്റുടമകൾക്ക് ഉടമസ്ഥാവകാശം തെളിയിക്കുന്ന രേഖകൾ ഹാജരാക്കാൻ മൂന്നംഗ സമിതി കുടുതൽ സമയം അനുവദിച്ചിട്ടുണ്ട്. ഫ്ലാറ്റുകൾ പൊളിച്ചു നീക്കുന്നതിന് മേൽനോട്ടം വഹിക്കുന്നതിനും പൊളിക്കാനുള്ള കമ്പനികളെ കണ്ടെത്തുന്നതിനുമാണ് ശരത് ബി സർവ്വാതെയെ ഉപദേശകനായി സർക്കാർ നിയോഗിച്ചിരിക്കുന്നത്. ഇന്നലെ കൊച്ചിയിലെത്തിയ അദ്ദേഹം ഇന്ന് 4 ഫ്ലാറ്റ് സമുച്ചയങ്ങളും സന്ദർശിക്കും. തുടർന്ന് ഫ്ലാറ്റുകൾ പൊളിക്കുന്നതിന് പരിഗണിക്കുന്ന കമ്പനികളുമായി […]

കൂടത്തായി കൊലപാതക പരമ്പരയിൽ പോലീസ് കസ്റ്റഡിയിൽ വാങ്ങിയ പ്രതികളെ വടകര റൂറൽ എസ്.പി ഓഫീസിൽ എത്തിച്ചു ചോദ്യം ചെയ്തു. ചോദ്യം ചെയ്യലിനിടെ കുറ്റം സമ്മതിച്ച ജോളി അഞ്ച് പേരുടെ കൊലപാതകത്തിൽ പൊട്ടാസ്യം സയനൈഡ് ഉപയോഗിച്ചെന്നും പോലീസിനോട് പറഞ്ഞു. ഇതിനിടെ വിപുലീകരിച്ച അന്വേഷണസംഘത്തിന്റെ ആദ്യ യോഗവും റൂറൽ എസ്.പി ഓഫീസിൽ ചേർന്നു. റോയിയുടേതൊഴികെയുള്ള അഞ്ച് മരണങ്ങള്‍ സി.ഐമാരുടെ നേതൃത്വത്തിലുള്ള സംഘങ്ങളാണ് അന്വേഷിക്കുക. ഉച്ചയ്ക്ക് മൂന്ന് മണിയോടെ വടകര റൂറൽ എസ്.പി ഓഫീസിലെത്തിച്ച ശേഷം ജോളിയെയും കൂട്ടു പ്രതികളെയും ഏറെ […]

ഉപതെരഞ്ഞെടുപ്പില്‍ എന്‍.ഡി.എ നേതൃത്വത്തെ പ്രതിസന്ധിയിലാക്കി ബി.ഡി.ജെ.എസ് അധ്യക്ഷന്‍ ന്‍തുഷാര്‍ വെള്ളാപ്പള്ളി. അരൂരിലും എറണാകുളത്തും ജയിക്കില്ലെന്ന് കണക്കുകള്‍ ചൂണ്ടിക്കാട്ടി തുഷാര്‍ പറഞ്ഞതാണ് പ്രതിസന്ധിയുണ്ടാക്കിയിരിക്കുന്നത്. പാലായില്‍ വോട്ട് മാറ്റി ചെയ്തത് ആരാണെന്ന് അന്വേഷിക്കുമെന്നും തുഷാര്‍ പറഞ്ഞു. കോന്നിയില്‍ എന്‍.ഡി.എ സ്ഥാനാര്‍ഥി കെ.സുരേന്ദ്രന്റെ പ്രചാരത്തിനെത്തിയപ്പോഴാണ് തുഷാര്‍ ഈ പ്രസ്താവന നടത്തിയത്. വട്ടിയൂര്‍കാവിലും കോന്നിയിലും മഞ്ചേശ്വരത്തും വിജയപ്രതീക്ഷ ഉണ്ടെങ്കിലും അരൂരും എറണാകുളത്തും വിജയിക്കില്ലെന്ന് ഉറപ്പിച്ച് പറയുകയാണ് തുഷാര്‍ വെള്ളാപ്പള്ളി. എന്‍.ഡി.എ വിടില്ലെന്ന് ആവര്‍ത്തിച്ച് പറയുന്നുണ്ടെങ്കിലും പാലായില്‍ വോട്ട് കുറഞ്ഞതിന്റെ ഉത്തരവാദിത്വം ബി.ഡി.ജെ.എസിന്റെ തലയില്‍ […]

മരട് ഫ്ലാറ്റ് നഷ്ടപരിഹാര നിർണ്ണയ സമിതിയുടെ ആദ്യ യോഗം കൊച്ചിയിൽ തുടങ്ങി. ജസ്റ്റിസ് കെ. ബാലകൃഷ്ണൻ നായരുടെ അധ്യക്ഷതയിലാണ് യോഗം. നിർമ്മാതാക്കൾക്കെതിരെയുള്ള കേസന്വേഷണത്തിൻ്റെ ഭാഗമായി ക്രൈം ബ്രാഞ്ച് മരട് പഞ്ചായത്ത്‌ മുൻ സെക്രട്ടറി മുഹമ്മദ്‌ അഷറഫിനെ ചോദ്യം ചെയ്തു. ഫ്ലാറ്റ് ഉടമകൾക്ക് നഷ്ടപരിഹാരം നിശ്ചയിക്കുന്നതിനാണ് സുപ്രിം കോടതി നിർദ്ദേശപ്രകാരം സർക്കാർ മൂന്നംഗ സമിതിയെ നിയമിച്ചത്. ജസ്റ്റിസ് കെ. ബാലകൃഷ്ണൻ നായരാണ് അധ്യക്ഷൻ. മുൻ ചീഫ് സെക്രട്ടറി ജോസ് സിറിയക്, തിരുവനന്തപുരം കെഎസ്ആർഎയിലെ എൻജിനിയർ ആർ. മുരുകേശൻ എന്നിവരാണ് […]

പൊലീസ് കസ്റ്റഡിയില്‍ വിട്ട കൂടത്തായി കൊലപാതക പരമ്പരയിലെ പ്രതികളെ വടകര എസ്.പി ഓഫീസില്‍ എത്തിച്ചു. ഇവരെ അല്‍പ്പസമയത്തിനകം ചോദ്യം ചെയ്യാന്‍ ആരംഭിക്കും. വൈകിട്ട് അഞ്ചുമണിക്ക് അന്വേഷണ ഉദ്യോഗസ്ഥരുടെ യോഗം ചേരും. കൊയിലാണ്ടി താലൂക്ക് ആശുപത്രിയിലെത്തിച്ച് വൈദ്യപരിശോധന നടത്തിയതിന് ശേഷമാണ് ഇവരെ എസ്.പി ഓഫീസിലെത്തിച്ചത്.