തൊഴില്‍ തട്ടിപ്പിനിരയായ 12 ഇന്ത്യന്‍ യുവതികളെ രക്ഷപ്പെടുത്തി. ഉയര്‍ന്ന ജോലി വാഗ്ദാനം ചെയ്ത് യു.എ.ഇയിലെത്തിച്ച് കബളിപ്പിക്കപ്പെട്ട യുവതികളെ പൊലീസ് സഹായത്തോടെ ഇന്ത്യന്‍ കോണ്‍സുലേറ്റും അജ്മാന്‍ ഇന്ത്യന്‍ അസോസിയേഷനും രക്ഷപ്പെടുത്തുകയായിരുന്നു. അജ്മാനിലെ എജന്‍റ് മുഖേന നാട്ടില്‍ നിന്നും ജോലിക്ക് വന്നെത്തി വഞ്ചിതരായവരാണ് ഇവർ. ജോലി തേടിയെത്തിയ ഇവരെ അജ്മാനിലെ താമസ കേന്ദ്രത്തില്‍ പൂട്ടിയിടുകയായിരുന്നു ഏജൻറ്. പരാതി ലഭിച്ചതിനെ തുടർന്ന് ഇന്ത്യന്‍ കോണ്‍സുലേറ്റ് ഇടപെട്ടു. കോൺസുലേറ്റ് നിർദേശപ്രകാരം അജ്മാൻ ഇന്ത്യന്‍ അസോസിയേഷന്‍ പൊലീസില്‍ പരാതിപ്പെടുകയും റെയ്ഡിലൂടെ മോചനം സാധ്യമാവുകയും ചെയ്തു. […]
