അംഗന്‍വാടി ടീച്ചര്‍മാര്‍ വിദ്യാഭ്യാസമില്ലാത്തവരാണെന്ന് പറഞ്ഞ് അപമാനിച്ചെന്ന പരാതിയില്‍ ശ്രീനിവാസനെതിരെ വനിതാകമ്മീഷന്‍ കേസെടുത്തിരുന്നു അംഗന്‍വാടി അധ്യാപികമാര്‍ക്കെതിരെ ചലച്ചിത്രനടന്‍ ശ്രീനിവാസന് നടത്തിയ വിവാദ പരാമര്‍ശത്തില്‍ തുറന്ന കത്തുമായി അംഗന്‍വാടി അധ്യാപിക. കേരളത്തിലെ ഏതെങ്കിലും അംഗന്‍വാടി താങ്കള്‍ സന്ദര്‍ശിച്ചിട്ടുണ്ടോ, അവിടുത്തെ പ്രവര്‍ത്തനം അറിയുമോയെന്ന് ലക്ഷ്മി ശ്രീനിവാസനോട് ചോദിച്ചു. ‘ക്യാമറയുടെ മുമ്പില്‍ എന്തും പറയാനുള്ള ഊര്‍ജ്ജം നല്ലതാണ്. പക്ഷെ കാര്യങ്ങള്‍ പഠിക്കണം എന്നിട്ടേ പറയാന്‍ പാടുള്ളു. കൃത്യമായി ട്രെയിനിംഗ് കിട്ടിയ, ജീവനക്കാരാണ് അംഗനവാടിയിലെന്ന് മനസ്സിലാക്കാതെയുള്ള താങ്കളുടെ ഈ അഭിപ്രായം പിന്‍വലിക്കണം’, കത്തില്‍ പറയുന്നു. […]
