പത്തനംതിട്ട ജില്ലാസെക്രട്ടറി എ.പി.ജയനെതിരെ നാലംഗ അന്വേഷണ കമ്മീഷനെ നിയോഗിച്ച് സിപിഐ സംസ്ഥാന എക്‌സിക്യുട്ടീവ് യോഗം. അനധികൃത സ്വത്തുപയോഗിച്ച് അടൂരില്‍ ആറ് കോടി രൂപയുടെ ഫാം സ്വന്തമാക്കിയെന്ന പരാതിയിലാണ് അന്വേഷണം. നേരത്തെ സംസ്ഥാന എക്‌സിക്യുട്ടീവ് നിയോഗിച്ച ഏകാംഗ കമ്മീഷന്‍ എ.പി.ജയനെതിരായ പരാതിയില്‍ കഴമ്പുണ്ടെന്ന് കണ്ടെത്തിയിരുന്നു. പാര്‍ട്ടിയില്‍ നിന്നുകൊണ്ട് അടൂരിലെ വീടിനു സമീപം ആറു കോടി രൂപയുടെ ഫാം സ്വന്തമാക്കിയെന്ന ആരോപണത്തിലാണ് പത്തനംതിട്ട ജില്ലാ സെക്രട്ടറിക്കെതിരായ സിപിഐ അന്വേഷണം. കെ.കെ.അഷ്‌റഫ്, ആര്‍.രാജേന്ദ്രന്‍, സി.കെ.ശശിധരന്‍, പി.വസന്തം എന്നിവരടങ്ങുന്ന കമ്മീഷനാണ് അന്വേഷണം നടത്തുക. […]
