മഴക്കെടുതിയിൽ ദുരിതത്തിലായ കേരളത്തിന് കൈത്താങ്ങായി നിരവധി പേർ. പ്രധാനമന്ത്രി നരേന്ദ്രമോദി, ദലൈലാമ, അയൽ സംസ്ഥാനങ്ങളായ തമിഴ്‌നാട്, കർണാടക ഉൾപ്പെടെ രംഗത്തെത്തിയെന്ന് മുഖ്യമന്ത്രി പിണറായി വിജയൻ പറഞ്ഞു. കേരളത്തിലെ പ്രളയക്കെടുതിയെക്കുറിച്ച് പ്രധാനമന്ത്രി നരേന്ദ്രമോദി നേരിട്ട് വിളിച്ച് ആരാഞ്ഞുവെന്ന് മുഖ്യമന്ത്രി പറഞ്ഞു. കേന്ദ്രത്തിന്റെ എല്ലാ സഹായ, സഹകരണങ്ങളും പ്രധാനമന്ത്രി വാഗ്ദാനം ചെയ്‌തെന്നും മുഖ്യമന്ത്രി പറഞ്ഞു. തിബറ്റൻ ആത്മീയ നേതാവ് ദലൈലാമയും പിന്തുണ അറിയിച്ചു. സന്ദേശം അയച്ചതിനൊപ്പം പതിനൊന്ന് ലക്ഷത്തിന്റെ സഹായവും ദലൈലാമ വാഗ്ദാനം ചെയ്തു. കേരളത്തിലെ പ്രളയക്കെടുതിയെക്കുറിച്ച് പ്രധാനമന്ത്രി നരേന്ദ്രമോദി […]
