കോട്ടയം കോതനല്ലൂരിൽ ബാറിനു മുന്നിൽ തോക്കുമായി എത്തി വെടിയുതിർത്ത കേസിൽ രണ്ടുപേർ പിടിയിൽ. കാണക്കാരി സ്വദേശികളായ നൈജിൽ ജയ്മോൻ, ജോബിൻ സാബു എന്നിവരെയാണ് കടുത്തുരുത്തി പൊലീസ് അറസ്റ്റ് ചെയ്തത്. കഴിഞ്ഞ ദിവസം വൈകിട്ടോടെയായിരുന്നു സംഭവം. ബൈക്കിൽ എത്തിയ യുവാക്കൾ കോതനല്ലൂരിലെ ബാറിന് മുന്നിൽവെച്ച് എയർ ഗൺ ഉപയോഗിച്ച് വെടിയുതിർത്ത ശേഷം കടന്ന് കളയുകയായിരുന്നു. സുഹൃത്തുക്കൾ ആവശ്യപ്പെട്ടപ്രകാരം കൗതുകത്തിന്‌ വേണ്ടിയാണ് വെടിയുതിർത്തത് എന്നാണ് പ്രതികൾ പറയുന്നത്. എന്നാൽ കൗതുകം അല്പം കൂടിയത്തോടെ ബാർ ഉടമ പൊലീസിൽ പരാതി നൽകി. […]
