 | |  |
വൈത്തിരിയില് ജലീലെന്ന യുവാവിനെ പുറകില് നിന്ന് വെടിവെച്ചുകൊല്ലാന് പൊലീസിന് ആരാണ് അധികാരം നല്കിയതെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്. വ്യാജ ഏറ്റുമുട്ടലുകള് മാനവികതക്ക് ചേര്ന്നതല്ല. മുഖ്യമന്ത്രി മൗനം വെടിഞ്ഞ് സത്യം തുറന്ന് പറയണമെന്നും മുല്ലപ്പള്ളി ആവശ്യപ്പെട്ടു.
പാലക്കാട് മണ്ണാര്ക്കാട് ആനമൂളിയില് മാവോയിസ്റ്റ് അനുകൂല പോസ്റ്ററുകള്. പുരുഷാധിപത്യത്തെ എതിര്ക്കാന് സ്ത്രീയും പുരുഷനും ഒന്നിക്കുക എന്ന ആഹ്വാനമാണ് പോസ്റ്ററിലുള്ളത്. മണ്ണാര്ക്കാട് പൊലീസെത്തി പോസ്റ്ററുകള് നശിപ്പിച്ചു. ആനമൂളി ആദിവാസി കോളനിക്ക് സമീപത്തുള്ള ബസ് സ്റ്റോപ്പിലാണ് സി.പി.ഐ മാവോയിസ്റ്റ് ഭവാനി ദളത്തിന്റെ പേരില് പോസ്റ്ററുകള് പതിച്ചിരിക്കുന്നത്. മൂന്ന് മാസം മുമ്പും ഇതേ സ്ഥലത്ത് മാവോയിസ്റ്റ് അനുകൂല പോസ്റ്ററുകള് പതിച്ചിരുന്നു. സ്ത്രീ വിമോചനം സൂചിപ്പിക്കുന്ന പരമര്ശങ്ങളാണ് വനിതാദിനത്തില് പതിച്ച പോസ്റ്ററിലുള്ളത്. ഇന്നലെ വയനാട്ടില് ആദിവാസി നേതാവ് ജലീല് കൊല്ലപ്പെട്ട സംഭവം പോസ്റ്ററില് […]
മിസോറം ഗവര്ണര് സ്ഥാനം രാജിവെച്ച കുമ്മനം രാജശേഖരനെ സ്വാഗതം ചെയ്ത് ബി.ജെ.പി സംസ്ഥാന അധ്യക്ഷന് പി.എസ് ശ്രീധരന് പിള്ള. കുമ്മനം തെരഞ്ഞെടുപ്പ് രംഗത്ത് സജീവമായുണ്ടാകുമെന്നും പാര്ട്ടിയില് ആശയപരമായോ വ്യക്തിപരമായോ ഭിന്നതയില്ലെന്നും ശ്രീധരന്പിള്ള പറഞ്ഞു. കുമ്മനത്തിന്റെ പ്രവര്ത്തന രംഗം തിരുവനന്തപുരം ആകും. ബി.ജെ.പിയുടെ ആത്മബലം തകര്ക്കാന് ഗൂഢശ്രമം നടക്കുന്നുണ്ട്. കേരളത്തില് ബി.ജെ.പി ഒറ്റക്കെട്ടായി മുന്നോട്ടുപോകുമെന്നും ശ്രീധരന്പിള്ള മാധ്യമങ്ങളോട് പറഞ്ഞു.
ലോക് താന്ത്രിക് ജനതാദള് നേതാവ് എം.പി വീരേന്ദ്രകുമാറും പി ജയരാജനും തമ്മില് കൂടിക്കാഴ്ച നടത്തി. വീരേന്ദ്രകുമാറിന്റെ കോഴിക്കോടുള്ള വസതിയിലായിരുന്നു കൂടിക്കാഴ്ച. സി.പി.എം ജില്ലാ സെക്രട്ടറി പി മോഹനന്, എളമരം കരീം എന്നിവരും ജയരാജനൊപ്പമുണ്ടായിരുന്നു.
തിരുവനന്തപുരത്ത് കുമ്മനം രാജശേഖരന് ബി.ജെ.പി സ്ഥാനാര്ഥിയാകും. കുമ്മനത്തെ മത്സരിപ്പിക്കാന് കേന്ദ്ര നേതൃത്വത്തിന് മുന്നില് ആര്.എസ്.എസ് സമ്മര്ദം. എന്നാല് കുമ്മനം മത്സരിക്കുന്നതില് ഒരു വിഭാഗത്തിന് എതിര്പ്പുണ്ട്. അതേസമയം മിസോറാം ഗവര്ണറായിരുന്ന കുമ്മനം ഗവര്ണര് സ്ഥാനം രാജിവെച്ചു. രാജിക്കത്ത് രാഷ്ട്രപതിക്ക് കൈമാറി. അസം ഗവര്ണര് പ്രൊഫ. ജഗദീഷ് മുഖിക്ക് ആണ് നിലവില് ചുമതല.
വയനാട്ടിൽ പൊലീസ് ഏറ്റുമുട്ടലില് കൊല്ലപ്പെട്ട മാവോയിസ്റ്റ് സി.പി ജലീലിന്റെ മൃതദേഹം ബന്ധുക്കൾക്ക് വിട്ടുകൊടുത്തു. കോഴിക്കോട് മെഡിക്കൽ കോളേജ് ആശുപത്രിയിൽ നടന്ന പോസ്റ്റ്മോർട്ടത്തിന് ശേഷമാണ് മൃതദേഹം വിട്ടുനല്കിയത്. ജലീലിന്റെ ശരീരത്തിൽ മൂന്ന് വെടിയേറ്റിട്ടുണ്ടെന്നാണ് ഇൻക്വസ്റ്റ് റിപ്പോർട്ട്. തലക്ക് പുറകിലേറ്റ വെടിയുണ്ട തലയോട്ടി തുളച്ച് മുന്നിലെത്തി. മൃതദേഹത്തിനരികിൽ നിന്ന് നാടൻ തോക്കും തിരകളും ബോംബ് നിർമാണത്തിനുപയോഗിക്കുന്ന വെടിമരുന്നും കിട്ടിയതായി ഇൻക്വസ്റ്റ് റിപ്പോർട്ടിൽ പറയുന്നു. രാവിലെ 9 മണിക്ക് ശേഷം തുടങ്ങിയ പോസ്റ്റ്മോർട്ടം നടപടികൾ 3 മണിക്കൂറോളമെടുത്താണ് പൂർത്തിയാക്കിയത്. ഏകപക്ഷീയമായ വെടിവെപ്പിലാണ് […]
ലോക്സഭാ തെരഞ്ഞെടുപ്പില് രാഹുല് ഗാന്ധിയും സോണിയ ഗാന്ധിയും മത്സരിക്കും. രാഹുല് അമേഠിയിലും സോണിയ റായ്ബറേലിയിലുമാണ് ജനവിധി തേടുക. കോണ്ഗ്രസിന്റെ ആദ്യ ഘട്ട സ്ഥാനാര്ഥി പട്ടികയാണ് പുറത്തുവന്നത്. ആദ്യ ഘട്ട പട്ടികയില് 15 സ്ഥാനാര്ഥികളാണുള്ളത്. ഉത്തർപ്രദേശിലെ 11 മണ്ഡലങ്ങളിലെയും ഗുജറാത്തിലെ 4 മണ്ഡലങ്ങളിലെയും സ്ഥാനാർഥികളുടെ പട്ടികയാണ് പുറത്തുവിട്ടത്. ഉത്തർപ്രദേശിലെ കുശിനഗറിൽ ആര്.പി.എന് സിങും ഫറൂഖാബാദിൽ സൽമാൻ ഖുർഷിദും ഗുജറാത്തിലെ ആനന്ദിൽ ഭരത് സിങ് സോളങ്കിയും സ്ഥാനാർഥികളാകും.
ലോക്സഭാ തെരഞ്ഞെടുപ്പ് തിയതി പ്രഖ്യാപിക്കാന് ഒരുങ്ങി തെരഞ്ഞെടുപ്പ് കമ്മീഷന്. സുരക്ഷാകാര്യങ്ങളിലെ വിലയിരുത്തല് പൂര്ത്തിയാകാനായ സാഹചര്യത്തിലാണ് തിയതി പ്രഖ്യാപിക്കാന് തെരഞ്ഞെടുപ്പ് കമ്മീഷന് ഒരുങ്ങുന്നത്. ഈയാഴ്ച അവസാനമോ അടുത്ത ആഴ്ച ആദ്യമോ ആകും തെരഞ്ഞെടുപ്പ് തിയതി പ്രഖ്യാപിക്കുമെന്നാണ് സൂചനകള്. കഴിഞ്ഞ കുറേ ആഴ്ചകളിലായി ലോക്സഭാ തെരഞ്ഞെടുപ്പിലെ സുരക്ഷാ ഒരുക്കങ്ങളുടെ വിലയിരുത്തലിലാണ് തെരഞ്ഞെടുപ്പ് കമ്മീഷന്. ഇത് അവസാന ഘട്ടത്തിലായതോടെയാണ് ഇനി ഏത് ദിവസം വേണമെങ്കിലും തെരഞ്ഞെടുപ്പ് തിയതി പ്രഖ്യാപിക്കാന് കമ്മീഷന് തയ്യാറെടുക്കുന്നത്. സൂചനകള് അനുസരിച്ച് ഏഴോ എട്ടോ ഘട്ടങ്ങളിലായി ഏപ്രില് മെയ് […]
കടുത്ത വരള്ച്ച പാലക്കാട്ടെ നെല്കര്ഷകരെ ഗുരുതരമായാണ് ബാധിച്ചത്. പെരുവമ്പ് ഭാഗത്ത് 150ല് അധികം ഏക്കര് നെല്കൃഷി വെള്ളം ലഭിക്കാത്തതിനെ തുടര്ന്ന് കരിഞ്ഞുപോയി. മൂലത്തറ ഡാമില് നിന്നും കനാല് വഴി വരുന്ന വെള്ളത്തെ ആശ്രയിച്ചാണ് ഈ ഭാഗത്തെ കര്ഷകര് കൃഷി ഇറക്കിയത്. എല്ലാ വര്ഷവും ഒരാഴ്ച തുടര്ച്ചയായി വെള്ളം ലഭിക്കുമായിരുന്നു. വേണ്ടത്ര വെള്ളമില്ലാത്തതിനാല് ഒരു ദിവസം മാത്രമാണ് ഇത്തവണ വെള്ളം ലഭിച്ചത്. അതോടെ 150 ഏക്കറിലധികം വരുന്ന നെല്കൃഷി പാടേ കരിഞ്ഞുണങ്ങി. കരിഞ്ഞുണങ്ങിയ പാടങ്ങളില് ആട്ടിന്പറ്റങ്ങള് മേഞ്ഞുനടന്നു. നെല്ചെടികളെല്ലാം […]
ഇന്ന് ലോക വനിതാ ദിനം….”Think equal, build smart, innovate for change” എന്നതാണ് ഇത്തവണത്തെ വനിതാ ദിന സന്ദേശം. 1857 മാര്ച്ച് 8ന് ന്യൂയോര്ക്കില് ഒരു പ്രക്ഷോഭം അരങ്ങേറി. വനിതകള് നടത്തിയ അവകാശങ്ങള്ക്ക് വേണ്ടിയുളള പ്രക്ഷോഭം. കുറഞ്ഞ വേതനത്തിനെതിരെയും ദീര്ഘമായ തൊഴില് സമയത്തിനെതിരെയും സ്ത്രീകള് നടത്തിയ ആദ്യ ചെറുത്തു നില്പ്പായിരുന്നു അത്. ഈ ദിവസത്തെ ഒരു അന്തർദേശീയ ദിനമാക്കി മാറ്റുക എന്ന ആശയം മുന്നോട്ടുവെച്ചത് ക്ലാരാ സെറ്റ്കിൻ എന്ന ജർമ്മൻ മാർക്സിസ്റ്റ് തത്വചിന്തകയാണ്. 1910 -ൽ […]