നിപ രോഗം ബാധിച്ച് ചികിത്സയില് കഴിയുന്ന യുവാവിന്റെ ആരോഗ്യനിലയില് ആശങ്കപ്പെടേണ്ട സാഹചര്യമില്ലെന്ന് മന്ത്രി കെ.കെ ശൈലജ. രോഗ ലക്ഷണങ്ങളുമായി കളമശേരി ആശുപത്രിയില് ചികിത്സയില് കഴിയുന്ന അഞ്ച് പേരുടെയും സാംപിളുകള് പരിശോധനക്കയച്ചു. ഓസ്ട്രേലിയയില് നിന്നുള്ള മരുന്നുകളടക്കം ആവശ്യമായ എല്ലാ സജ്ജീകരണങ്ങളും തയ്യാറാണെന്നും ആരോഗ്യ മന്ത്രി പറഞ്ഞു. എയിംസില് നിന്നും കോഴിക്കോടു നിന്നുമുള്ള വിദഗ്ധ സംഘത്തിന്റെ പരിശോധനകളാണ് പുരോഗമിക്കുന്നത്. സ്വകാര്യ ആശുപത്രിയില് ചികിത്സയിലുള്ള രോഗിയായ യുവാവിനെയും കളമശേരി മെഡിക്കല് കോളജില് തുടരുന്ന രോഗ ലക്ഷണങ്ങള് പ്രകടിപ്പിച്ചവരെയും വിദഗ്ധ സംഘം പരിശോധിച്ചിട്ടുണ്ട്. […]
