കോഴിക്കോട് വെസ്റ്റ്ഹില് റെയില്വേ സ്റ്റേഷന് സമീപം വിദ്യാര്ഥിനി ട്രെയിന് തട്ടി മരിച്ചു. പുതിയങ്ങാടി സ്വദേശിനി വന്ദനയാണ് മരിച്ചത്. ആത്മഹത്യയാണെന്ന നിഗമനത്തിലാണ് പൊലീസ്.
India
ആഘോഷമായി പ്രവേശനോത്സവം
പുതിയ അധ്യയന വര്ഷത്തിന് തുടക്കം കുറിച്ച് സംസ്ഥാനത്ത് നടന്നത് ആവേശകരമായ പ്രവേശനോത്സവം.ഒന്നാം ക്ലാസുകാരെ വരവേല്ക്കാന് വിപുലമായ ഒരുക്കങ്ങളാണ് സ്കൂളുകളില് നടന്നത്.ഒന്നു മുതല് പന്ത്രണ്ട് വരെയുള്ള ക്ലാസുകള് ഇതാദ്യമായി ഒരേ സമയം തുറന്നു എന്നതും ഇത്തവണത്തെ പ്രത്യേകതയായി. അമ്മയുടെ കൈപിടിച്ചായിരുന്നു ഒന്നാം ക്ലാസിലേക്കുള്ള പലരുടേയും വരവ്. ചേട്ടന്മാരും ചേച്ചിമാരും കൈയടിച്ച് സ്വീകരിച്ചപ്പോള് പലര്ക്കും അമ്പരപ്പ്. മക്കളെ ക്ലാസ് മുറിയിലാക്കി അമ്മമാര് മാറിയപ്പോള് ചിലര് കരച്ചില് തുടങ്ങി.ചില മിടുക്കരാവട്ടെ സ്കൂളിലെത്തിയതിന്റെ സന്തോഷവും പങ്കു വെച്ചു. പാട്ടു പാടിയും കഥ പറഞ്ഞും […]
ഭീതിയൊഴിയുന്നു; ചികിത്സയില് കഴിയുന്ന ആറ് പേര്ക്കും നിപയില്ല
സംസ്ഥാനത്ത് നിപ ഭീതിയൊഴിയുന്നു. കളമശ്ശേരി മെഡിക്കല് കോളജില് ഐസോലേഷന് വാര്ഡില് കഴിയുന്ന ഏഴില് ആറ് പേര്ക്കും നിപയില്ലെന്ന് പൂനെ വൈറോളജി ഇന്സ്റ്റിറ്റ്യൂട്ടില് നടത്തിയ പരിശോധനയില് സ്ഥിരീകരിച്ചു. ഐസോലേഷന് വാര്ഡിലുള്ള ഒരാളുടെ സാംപിള് ഇന്ന് അയ്ക്കും. നിപ പ്രതിരോധനത്തിന്റെ ഫലമായി ചിട്ടയായ പ്രവര്ത്തനങ്ങളാണ് ആരോഗ്യവകുപ്പ് ജില്ലയില് നടത്തുന്നതെന്ന് മന്ത്രി വ്യക്തമാക്കി. നിപ്പയില്ലെന്ന് സ്ഥിരീകരിച്ച ആറ് പേരില് 3 പേര് രോഗിയെ പരിചരിച്ച നേഴ്സുമാരാണ്. ആശങ്കപ്പെടേണ്ട യാതൊന്നും ഇല്ലെങ്കിലും മുന്കരുതല് നടപടികള് തുടരും. ഐസോലേഷനിലുള്ളവരെ ഇപ്പോള് ആശുപത്രിയില് നിന്നും ഡിസ്ചാര്ജ് […]
ബി.ജെ.പിക്ക് മേല് സമ്മര്ദ്ദം ശക്തമാക്കി ശിവസേന
സര്ക്കാരില് കൂടുതല് പദവികളും രാമക്ഷേത്ര വിഷയവും ഉന്നയിച്ച് ബി.ജെ.പിക്ക് മേല് സമ്മര്ദ്ദം ശക്തമാക്കി ശിവസേന. ഡെപ്യൂട്ടി സ്പീക്കര് സ്ഥാനം ശിവസേനക്ക് നല്കണമെന്ന് പാര്ട്ടി അധ്യക്ഷന് ഉദ്ദവ് താക്കറെ ആവശ്യപ്പെട്ടു. രാമക്ഷേത്ര നിര്മാണം ഉടന് ആരംഭിക്കണമെന്ന് ശിവസേന എം.പി സഞ്ജയ് റാവത്തും ആവശ്യപ്പെട്ടിട്ടുണ്ട്.
ചികിത്സ ലഭിക്കാതെ രോഗി മരിച്ച സംഭവത്തില് സി.സി.ടി.വി ദൃശ്യങ്ങള്
ചികിത്സ കിട്ടാതെ രോഗി മരിച്ച സംഭവത്തില് കോട്ടയം മെഡിക്കല് കോളജിലെ സി.സി.ടി.വി ദൃശ്യങ്ങള് മീഡിയവണിന്. കോട്ടയം മെഡിക്കല് കോളേജില് 15 മിനിറ്റോളം ജേക്കബ് തോമസിന് ആംബുലന്സില് കിടക്കേണ്ടിവന്നതായി ദൃശ്യങ്ങളില് കാണാം. ജേക്കബ് തോമസിന്റെ മകള് പി.ആര്.ഒയെ കയ്യേറ്റം ദൃശ്യങ്ങളും സി.സി.ടി.വിയിലുണ്ട്.
അമിത് ഷാ എട്ട് കാബിനെറ്റ് സമിതികളിലും അംഗം
കേന്ദ്ര സര്ക്കാരിന്റെ എട്ട് കാബിനെറ്റ് സമിതികളിലും കേന്ദ്ര ആഭ്യന്തരമന്ത്രി അമിത് ഷാ അംഗം. മുതിര്ന്ന നേതാവും പ്രതിരോധ മന്ത്രിയുമായ രാജ്നാഥ് സിങിന് രണ്ട് സമിതിയില് മാത്രമേ അംഗത്വമുള്ളൂ. നയപരമായ കാര്യങ്ങളില് തീരുമാനമെടുക്കുന്ന രാഷ്ട്രീയകാര്യങ്ങള്ക്കായുള്ള കാബിനറ്റ് കമ്മിറ്റിയിലും രാജ്നാഥ് സിംഗ് ഇല്ല. ഇതോടെ നരേന്ദ്ര മോദി മന്ത്രിസഭയില് കൂടുതല് കരുത്തനായി അമിത് ഷാ മാറി. രാജ്യത്തെ തൊഴിലില്ലായ്മയും സാമ്പത്തിക മുരടിപ്പും പരിഹരിക്കാന് രണ്ട് കാബിനെറ്റ് സമിതികള് രൂപീകരിച്ചതോടൊപ്പം മറ്റ് ആറ് കാബിനെറ്റ് സമിതികള് പുനസംഘടിപ്പിക്കുകയും ചെയ്തിരുന്നു. രാജ്യത്തിന്റെ സാമ്പത്തിക, […]
നിപ; 898 ആദിവാസി കുടുംബങ്ങള്ക്ക് ജാഗ്രതാ നിര്ദ്ദേശം
നിപ മുന്കരുതലിന്റെ ഭാഗമായി 898 ആദിവാസി കുടുംബങ്ങള്ക്ക് വനസംരക്ഷണ സമിതി മുഖേന ജാഗ്രതാ നിര്ദേശം നല്കി. കേന്ദ്ര ആരോഗ്യ മന്ത്രാലയത്തില് നിന്നെത്തിയ വിദഗ്ദ്ധ സംഘം വിവിധ സ്ഥലങ്ങള് സന്ദര്ശിച്ച് പഠനം നടത്തുകയാണ്. നിപ ബാധിച്ച വിദ്യാര്ഥി ഇടുക്കിയില് താമസിച്ചിരുന്ന വീടിന്റെ പരിസരത്തും കേന്ദ്ര സംഘം ഉറവിട പരിശോധന നടത്തി. നിപ ബാധയെ തുടര്ന്ന് കടുത്ത ജാഗ്രതാ നിര്ദേശങ്ങളാണ് ആരോഗ്യവകുപ്പ് സംസ്ഥാനത്തുടനീളം നല്കിയിട്ടുള്ളത്. രോഗം പടരാനുള്ള സാധ്യത മുന്നിര്ത്തിയാണ് 898 ആദിവാസി കുടുംബങ്ങള്ക്ക് ജാഗ്രതാ നിര്ദ്ദേശം നല്കിയിട്ടുള്ളത്. സര്ക്കാര് […]
റിപ്പോ നിരക്ക് കാല് ശതമാനം കുറച്ച് റിസര്വ് ബാങ്ക് വായ്പാനയം
റിസര്വ് ബാങ്ക് പുതിയ വായ്പാ നയം പ്രഖ്യാപിച്ചു. റിപ്പോ നിരക്ക് 6 ശതമാനത്തില് നിന്ന് കാല്ശതമാനം കുറച്ച് 5.75 ശതമാനമാക്കി. ആറ് മാസത്തിനിടെ ഇത് മൂന്നാം തവണയാണ് റിപ്പോ നിരക്കില് കുറവ് വരുത്തുന്നത്. ആഭ്യന്തര വളര്ച്ച നിരക്ക് 5.8 ശതമാനത്തിലേക്ക് ഇടിഞ്ഞതിന് പിന്നാലെയാണ് നിരക്കുകളില് റിസര്വ് ബാങ്ക് കുറവ് വരുത്തുന്നത്. റിസര്വ് ബാങ്ക് മോണിറ്ററി പോളിസി കമ്മിറ്റി ഒറ്റക്കെട്ടായാണ് റിപ്പോ നിരക്കില് കുറവ് വരുത്താനുള്ള തീരുമാനം കൈക്കൊണ്ടത്. ആറ് ശതമാനത്തില് നിന്ന് കാല്ശതമാനം കുറവാണ് വരുത്തിയിരിക്കുന്നത്. റിവേഴ്സ് […]
എയ്ഡഡ് വിദ്യാഭ്യാസ സ്ഥാപനങ്ങൾ പ്രതീക്ഷിത വളർച്ച കൈവരിച്ചില്ലെന്ന് മുഖ്യമന്ത്രി
സംസ്ഥാനത്തെ എയ്ഡഡ് വിദ്യാഭ്യാസ സ്ഥാപനങ്ങൾ പ്രതീക്ഷിത വളർച്ച കൈവരിച്ചില്ലെന്ന് മുഖ്യമന്ത്രി പിണറായി വിജയൻ. പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി വന്ന മാറ്റം എയ്ഡഡ് മേഖലക്ക് ഉണ്ടായില്ലെന്ന് മുഖ്യമന്ത്രി പറഞ്ഞു. തൃശൂർ ചെമ്പൂച്ചിറ സ്കൂളിൽ പ്രവേശനോത്സവത്തിന്റെ സംസ്ഥാന തല ഉദ്ഘാടനം നിർവഹിച്ചു സംസാരിക്കുകയായിരുന്നു മുഖ്യമന്ത്രി. വർണാഭമായ ആഘോഷങ്ങളോടെയായിരുന്നു ഉദ്ഘാടനം. 9.30 ഓടെ മുഖ്യമന്ത്രി എത്തി. ഓലത്തൊപ്പി അണിയിച്ചു കുരുന്നുകളെ അക്ഷരലോകത്തേക്കു ക്ഷണിച്ചു മുഖ്യമന്ത്രി. അടുത്ത അധ്യയന വര്ഷം മുതൽ ഒന്ന് മുതൽ ബിരുദാനന്തര ബിരുദം വരെ ഒരേ […]
കേരളാകോണ്ഗ്രസില് സമവായത്തിനുള്ള സാധ്യത മങ്ങുന്നു
കേരളാ കോണ്ഗ്രസില് സമവായ സാധ്യത മങ്ങുന്നു. പി.ജെ ജോസഫിന്റെ സീനിയോറിറ്റി വാദം അംഗീകരിക്കില്ലെന്ന് ജോസ് കെ.മാണി വിഭാഗം വ്യക്തമാക്കി. പാര്ലമെന്ററി പാര്ട്ടി യോഗം ഒന്പതിന് മുന്പ് ചേരുമെന്ന് പി.ജെ ജോസഫ് അറിയിച്ചു. കേരളാ കോണ്ഗ്രസിലെ തര്ക്കം പരിഹരിക്കാന് സമവായ ചര്ച്ചകള് പുരോഗമിക്കുന്നതിനിടെയാണ് വിട്ടുവീഴ്ചക്ക് തയ്യാറല്ലെന്ന് സൂചന നല്കി ഇരു വിഭാഗവും വീണ്ടും രംഗത്തെത്തിയിരിക്കുന്നത്. ചെയര്മാനാകണമെങ്കില് സീനിയോറിറ്റി പരിഗണിക്കണമെന്ന് കഴിഞ്ഞ ദിവസം മോന്സ് ജോസഫ് പറഞ്ഞിരുന്നു. ചെയര്മാനാകാന് ജോസഫിനെക്കാൾ പ്രവർത്തന പാരമ്പര്യം ജോസ് കെ.മാണിക്കാണെന്നാണ് ജോസ് കെ മാണി […]