തിരുവനന്തപുരം ഭരതന്നൂരില് 10 വര്ഷം മുമ്പ് മരിച്ച വിദ്യാര്ഥിയുടെ മൃതദേഹം പുറത്തെടുത്ത് റീപോസ്റ്റ്മോര്ട്ടം ചെയ്യും.ഏഴാം ക്ലാസ് വിദ്യാര്ഥി ആദര്ശിന്റെ മൃതദേഹമാണ് പുറത്തെടുക്കുക. തിങ്കളാഴ്ച പതിനൊന്ന് മണിക്ക് മൃതദേഹം പുറത്തെടുക്കും. ഫോറന്സിക് സര്ജന്മാരുടെ സംഘം നല്കിയ നിര്ദേശം അനുസരിച്ചാണ് ക്രൈംബ്രാഞ്ച് നീക്കം. 2009 ഏപ്രില് 5നാണ് വീട്ടില് നിന്ന് കടയിലേക്ക് പോയ ആദര്ശ് വിജയനെ കാണാതാകുന്നത്. തെരച്ചിലിനൊടുവില് വീടിന് സമീപത്തെ കുളത്തില് മൃതദേഹം കണ്ടെത്തുകയായിരുന്നു. അന്ന് ബന്ധുക്കള്ക്ക് ദുരൂഹത തോന്നിയിരുന്നില്ല. എന്നാല് പോസ്റ്റ്മോര്ട്ടം റിപ്പോര്ട്ടാണ് ദുരൂഹത സംശയിക്കാന് കാരണമായത്. […]
