National

പൗരത്വ നിയമത്തിനെതിരെ യോജിച്ചുള്ള സമരമാണ് വേണ്ടതെന്ന് കോണ്‍ഗ്രസിന്‍റെ മുതിര്‍ന്ന നേതാവ് പി ചിദംബരം. സംസ്ഥാന സര്‍ക്കാരുമായി ചേര്‍ന്ന് സമരം നടത്തേണ്ടതില്ലെന്ന കെപിസിസി നിലപാട് തള്ളുന്നതാണ് പി ചിദംബരത്തിന്‍റെ പ്രസ്താവന. പ്രാദേശികമായ രാഷ്ട്രീയ ഭിന്നതകള്‍ക്കപ്പുറം വിശാലതാല്‍പര്യം എല്ലാവരും കണക്കിലെടുക്കണമെന്ന് ചിദംബരം പറഞ്ഞു. പ്രക്ഷോഭം ആരു നയിക്കുന്നുവെന്ന് നോക്കേണ്ടതില്ല. നിലവിലെ പ്രശ്നത്തിന്‍റെ ഗൗരവം മനസിലാക്കാന്‍ എല്ലാവരും തയ്യറാകണം. ബംഗാളില്‍ ഇടതുപാര്‍ട്ടികളുമായി യോജിച്ചുള്ള സമരത്തിന് കോണ്‍ഗ്രസ് മുന്‍കൈയ്യെടുത്തത് ചിദംബരം ചൂണ്ടിക്കാട്ടുകയും ചെയ്തു. പൗരത്വ നിയമത്തിന്‍റെ ഭരണഘടന സാധുത ചോദ്യം ചെയ്ത് സുപ്രീംകോടതിയെ സമീപിക്കാന്‍ […]

നിര്‍ഭയ കേസ് പ്രതികളിലൊരാളായ പവന്‍ ഗുപ്ത സമര്‍പ്പിച്ച ഹരജി സുപ്രിംകോടതി തിങ്കളാഴ്ച്ച പരിഗണിക്കും. സംഭവം നടന്ന സമയത്ത് തനിക്ക് പ്രായപൂര്‍ത്തിയായില്ലെന്ന് കാണിച്ചാണ് പവന്‍ ഗുപ്ത സുപ്രിംകോടതിയില്‍ സ്‌പെഷ്യല്‍ ലീവ് പെറ്റീഷന്‍ ഫയല്‍ ചെയ്തത്. നേരത്തെ ഇക്കാര്യം കാണിച്ച്‌ പവന്‍ ഡല്‍ഹി ഹൈക്കോടതിയെ സമീപിച്ചിരുന്നു. എന്നാല്‍ കോടതി ആവശ്യം തള്ളി. ഇതേതുടര്‍ന്നാണ് സുപ്രിംകോടതിയെ സമീപിച്ചിരിക്കുന്നത്.അതേസമയം കേസിലെ നാലുപ്രതികളുടെയും വധശിക്ഷ ഫെബ്രുവരി ഒന്നിന് നടപ്പാക്കാനുള്ള മരണ വാറന്റ് ഡല്‍ഹി പാട്യാല ഹൗസ് കോടതി വെള്ളിയാഴ്ച പുറപ്പെടുവിച്ചു. പ്രതികളിലൊരാളായ മുകേഷ് സിങ് […]

രാജ്യത്ത് പൗരത്വ നിയമത്തിനെതിരായ പ്രക്ഷോഭം ചൂടുപിടിച്ചിരിക്കെ പ്രധാനമന്ത്രി നരേന്ദ്ര മോദിയുടെ പൗരത്വ രേഖ ആവശ്യപ്പെട്ട് മലയാളിയുടെ വിവരാവകാശ അപേക്ഷ. ജോഷി കല്ലുവീട്ടില്‍ എന്ന തൃശ്ശൂര്‍ നിവാസിയാണ് പ്രധാനമന്ത്രി മോദിയുടെ പൗരത്വം രേഖ ചോദിച്ച് വിവരാവകാശ അപേക്ഷ സമര്‍പ്പിച്ചത്. ചാലക്കുടി മുന്‍സിപാലിറ്റിയിലാണ് ഇക്കഴിഞ്ഞ ജനുവരി 13ന് ജോഷി കല്ലുവീട്ടില്‍ അപേക്ഷ സമര്‍പ്പിച്ചത്. പൗരത്വ നിയമം പ്രാബല്യത്തില്‍ വന്നിരിക്കെ പൗരത്വ രേഖയായി വോട്ടര്‍ ഐ.ഡി, റേഷന്‍ കാര്‍ഡ്, ആധാര്‍ കാര്‍ഡ് എന്നിവയില്‍ വ്യക്തത വരാത്തതിന്റെ പശ്ചാത്തലത്തിലാണ് പ്രധാനമന്ത്രി പൗരത്വ രേഖയായി […]

എന്‍.പി.ആറില്‍ ആധാര്‍ നമ്പറുകള്‍ നല്‍കല്‍ നിര്‍ബന്ധമല്ലെന്ന സര്‍ക്കാര്‍ വാദം പൊളിയുന്നു. ആധാര്‍ നമ്പറുകൾ ശേഖരിക്കുന്നത് നിര്‍ബന്ധമാക്കാന്‍ ആഭ്യന്തരമന്ത്രാലയത്തിന് അധികാരമുണ്ടെന്നാണ് കേന്ദ്ര വിവര സാങ്കേതിക മന്ത്രാലയത്തിന്റെ വാദം. ഇത് സംബന്ധിച്ച രേഖകള്‍ ദേശീയ മാധ്യമം പുറത്തുവിട്ടു. ഇതിനകം 60 കോടി ആധാര്‍ നമ്പറുകള്‍ എന്‍.പി.ആറിന്റെ ഭാഗമായി ശേഖരിച്ചു കഴിഞ്ഞിട്ടുണ്ടെന്ന് നേരത്തെ തന്നെ വാര്‍ത്തകള്‍ വന്നിരുന്നു. ഇത് മൊത്തം ആധാര്‍ ഉപയോക്താക്കളില്‍ പകുതി വരും. അതേസമയം എന്‍.പി.ആറിന്റെ ഭാഗമായി ആധാര്‍ നമ്പറുകള്‍ ശേഖരിക്കുന്നത് നിർബന്ധിച്ചുകൊണ്ടല്ലെന്ന വിശദീകരണമാണ് കേന്ദ്ര ആഭ്യന്തര മന്ത്രാലയം […]

ഡല്‍ഹി കൂട്ടബലാത്സംഗക്കേസിൽ രാഷ്ട്രീയം കളിക്കരുതെന്നും ഇത്തരം കേസുകളിൽ എത്രയും വേഗത്തില്‍ നീതി ലഭ്യമാക്കാൻ ഒരുമിച്ച് പ്രവർത്തിക്കണമെന്നും ഡല്‍ഹി മുഖ്യമന്ത്രി അരവിന്ദ് കെജ്‌രിവാൾ ബി.ജെ.പിയോട് ആവശ്യപ്പെട്ടു. കേസില്‍ വധശിക്ഷക്ക് വിധിക്കപ്പെട്ട നാല് പ്രതികളെ തൂക്കിലേറ്റുന്നതിൽ കാലതാമസം നേരിട്ടതില്‍ ആം ആദ്മി സർക്കാരിനെ കുറ്റപ്പെടുത്തി കേന്ദ്രമന്ത്രിയും ബി.ജെ.പി നേതാവുമായ സ്മൃതി ഇറാനി രംഗത്തുവന്നതിന്റെ പശ്ചാത്തലത്തിലാണ് കെജ്‌രിവാളിന്റെ പ്രതികരണം. ഇത്തരമൊരു കേസിൽ രാഷ്ട്രീയം കളിക്കുന്നതില്‍ ദുഖമുണ്ടെന്നും അദ്ദേഹം പറഞ്ഞു. ”ഇത്തരമൊരു വിഷയത്തിൽ രാഷ്ട്രീയം കളിക്കുന്നുണ്ടെന്നതിൽ എനിക്ക് ദുഖമുണ്ട്. കുറ്റവാളികളുടെ ശിക്ഷ ഉടന്‍ […]

പൗരത്വ നിയമത്തിനെതിരായ പ്രക്ഷോഭം പൂർവാധികം ശക്തിയോടെ മുന്നോട്ടുകൊണ്ടുപോകുമെന്ന് ജയിൽമോചിതനായ ഭീം ആർമി നേതാവ് ചന്ദ്രശേഖർ ആസാദ്. മോചിതനായ ആസാദിന് നൂറുകണക്കിനാളുകൾ വൻ വരവേൽപാണ് നൽകിയത്. നേരത്തെ അറസ്റ്റ് വരിച്ച ജമാമസ്ജിദിൽ ഇന്നുച്ചക്ക് ജുമുഅഃ നമസ്കാരത്തിന് ശേഷം ആസാദ് വീണ്ടും സന്ദർശനം നടത്തും. കഴിഞ്ഞ ദിവസം ജാമ്യം ലഭിച്ചെങ്കിലും ഇന്നലെ ഏറെ വൈകിയാണ് ആസാദിന് പുറത്തിറങ്ങിയത്. ഒമ്പത് മണിയോടെ പുറത്തിറങ്ങിയ ആസാദിനെ വരവേൽക്കാൻ നൂറുകണക്കിനാളുകൾ കാത്തുനില്‍പ്പുണ്ടായിരുന്നു. ഭീം ആർമി പ്രവർത്തകരുടെ ജയ്ഭീം വിളിയും ഹാരാർപ്പണവും സ്വീകരിച്ച് ആസാദ് പുറത്തേക്ക്. […]

മതാചാരങ്ങളും അനുഷ്ഠാനങ്ങളും നിർണയിക്കാൻ ആർക്കാണ് അധികാരം എന്നതുൾപ്പടെയുള്ള വിഷയത്തിൽ, സുപ്രീം കോടതി നിർദേശ പ്രകാരമുള്ള വിവിധ കക്ഷികളുടെ അഭിഭാഷകരുടെ യോഗം ഇന്ന് നടക്കും. ശബരിമല കേസിൽ വിശാല ബെഞ്ചിന് വിട്ട ചോദ്യങ്ങൾക്ക് കൃത്യത വരുത്തണമെന്ന് അഭിഭാഷകർ ആവശ്യപ്പെട്ടിരുന്നു. അഭിഭാഷകർക്ക് വാദത്തിന് സമയം വിഭജിച്ചു നൽകുന്നതും എന്തൊക്കെ വിഷയങ്ങൾ ഉന്നയിക്കണമെന്ന് ധാരണയും യോഗത്തിൽ ഉണ്ടാക്കും. ഉച്ചയ്ക്കാണ് യോഗം നടക്കുക. ശബരിമല യുവതി പ്രവേശം സംബന്ധിച്ച കേസ് പരിഗണിച്ചപ്പോൾ 5 അംഗ ഭരണ ഘടനാ ബഞ്ച് മതാചാരങ്ങളുമായി ബന്ധപ്പെട്ട ചോദ്യങ്ങൾ […]

ദേശീയ പൗരത്വ രജിസ്റ്റര്‍, സെന്‍സസ് എന്നിവയെക്കുറിച്ച് ചര്‍ച്ച ചെയ്യാന്‍ സെന്‍സസ് കമ്മീഷ്ണര്‍ വിളിച്ച യോഗം ഇന്ന് ഡല്‍ഹിയില്‍. എല്ലാ സംസ്ഥാനങ്ങളിലെയും ചീഫ് സെക്രട്ടറിമാരുടെയും സെന്‍സസ് ഡയറക്ടര്‍മാരുടെയും യോഗമാണ് വിളിച്ചിരിക്കുന്നത്. യോഗത്തില്‍ നിന്നും പശ്ചിമ ബംഗാള്‍ വിട്ടുനില്‍ക്കും. എന്‍.പി.ആറുമായി ബന്ധപ്പെട്ട എല്ലാ നടപടികളും നിര്‍ത്തിവച്ചത് യോഗത്തില്‍ കേരളം അറിയിക്കും. സെന്‍സസ്, എന്‍.പി.ആര്‍ നടപടി ക്രമങ്ങള്‍ വിശദീകരിക്കാനാണ് സെന്‍സസ് കമ്മീഷ്ണര്‍ വിവേക് ജോഷി ചീഫ് സെക്രട്ടറിമാരുടെയും സെന്‍സസ് ഡയറക്ടര്‍മാരുടെയും യോഗം വിളിച്ചിരിക്കുന്നത്. എന്‍.പി.ആറിനായി എല്ലാ സംസ്ഥാനങ്ങളിലെയും ഉദ്യോഗസ്ഥരെ സജ്ജരാക്കുക, നിര്‍ദേശങ്ങളും […]

ഭീം ആര്‍മി തലവന്‍ ചന്ദ്രശേഖര്‍ ആസാദ് ജയില്‍ മോചിതനായി. ആസാദിനെ സ്വീകരിക്കാന്‍ നിരവധി പ്രവര്‍ത്തകരാണ് തിഹാര്‍ ജയിലിനു മുന്നിലെത്തിയത്. പൗരത്വ നിയമ ഭേദഗതിക്കെതിരെ ജമാ മസ്ജിദില്‍ ധര്‍ണ നടത്തിയ ആസാദ്, കഴിഞ്ഞ 26 ദിവസമായി ജയിലിലായിരുന്നു. അറസ്റ്റിലായ ചന്ദ്രശേഖര്‍ ആസാദിന് ഇന്നലെയാണ് ഡല്‍ഹി തീസ് ഹസാരെ കോടതി ഉപാധികളോടെ ജാമ്യം അനുവദിച്ചത്. ഒരു മാസം ഡല്‍ഹിയില്‍ തങ്ങരുത് എന്നതടക്കമുള്ള ഉപാധികളോടെയാണ് കോടതി ജാമ്യം അനുവദിച്ചത്. ജാമ്യാപേക്ഷ പരിഗണിക്കവെ ഡൽഹി പൊലീസിനെതിരെ രൂക്ഷ വിമര്‍ശനമാണ് അഡീഷണല്‍ സെഷന്‍സ് കോടതി […]

തെരഞ്ഞെടുപ്പ് പ്രചരണങ്ങള്‍ക്കായി ബിജെപി ചിലവഴിച്ച തുക 1264 കോടിയെന്ന് കണക്കുകള്‍. കഴിഞ്ഞ ഏപ്രില്‍, മെയ് മാസങ്ങളില്‍ നടന്ന പൊതുതെരഞ്ഞെടുപ്പിനും, നാല് സംസ്ഥാനങ്ങളിലേക്ക് നടന്ന നിയമസഭ തെരഞ്ഞെടുപ്പിനുമാണ് പാര്‍ട്ടി ഇത്രയും തുക ചെലവാക്കിയിരിക്കുന്നത്. തെരഞ്ഞെടുപ്പ് കമ്മീഷന് സമര്‍പ്പിച്ച കണക്കുകളാണ് ഇപ്പോള്‍ പുറത്ത് വന്നിരിക്കുന്നത്. 2014 തെരഞ്ഞെടുപ്പ് കാലത്ത് ബിജെപിയുടെ പ്രചാരണ ചിലവ് 714 കോടി ആയിരുന്നു. ഇതിന്റെ 77 ശതമാനം കൂടുതലാണ് പുതിയ ചെലവുകള്‍ എന്നാണ് കണക്കുകള്‍. ആന്ധ്രാപ്രദേശ്, ഒഡീഷ, സിക്കിം, അരുണാചല്‍പ്രദേശ് എന്നീ നിയമസഭാ തെരഞ്ഞെടുപ്പുകള്‍ക്ക് 755 […]