 | |  |
പെരിയ ഇരട്ടക്കൊലപാതകത്തില് സാക്ഷിമൊഴികൾ പ്രതികൾക്ക് അനുകൂലമെന്ന് ആരോപണം. കുറ്റാരോപിതരും സി.പി.എം അനുഭാവികളുമാണ് സാക്ഷികളായുള്ളത്. ഇത് പ്രതികളെ രക്ഷിക്കാന് നീക്കം നടക്കുന്നതിന്റെ ഭാഗമായാണെന്ന് കൊല്ലപ്പെട്ടവരുടെ ബന്ധുക്കൾ ആരോപിച്ചു. സാക്ഷികളുടെ മൊഴിപകര്പ്പ് മീഡിയവണിന് ലഭിച്ചു.
ആയുഷ്മാന് ഭാരത് കേരളത്തില് നടപ്പാക്കിയില്ലെന്ന പ്രധാനമന്ത്രിയുടെ പ്രസ്താവന തെറ്റിദ്ധാരണ മൂലമെന്ന് തോമസ് ഐസക്ക്. ചില വിയോജിപ്പുകള് ഉണ്ടായിരുന്നുവെങ്കിലും കേരളം പദ്ധതിയുമായി സഹകരിക്കുകയായിരുന്നു. പദ്ധതി നടത്തിപ്പുമായി കേരളം മുന്നോട്ട് പോവുകയാണെന്നും തോമസ് ഐസക് ഡല്ഹിയില് പറഞ്ഞു.
താമര കൊണ്ട് തുലാഭാരം നടത്തി ഗുരുവായൂരപ്പനെ കണ്ട് പ്രധാനമന്ത്രിയുടെ ഗുരുവായൂര് സന്ദര്ശനം. ഇരുപത് മിനിറ്റ് മാത്രമാണ് പ്രധാനമന്ത്രി ദര്ശനത്തിനു എടുത്തത്. ദേവസ്വം സമര്പിച്ച വികസന പദ്ധതി ഗൗരവപൂര്വം പരിഗണിക്കുമെന്ന് പ്രധാനമന്ത്രി പറഞ്ഞു. ശ്രീകൃഷ്ണ കോളേജിലെ ഹെലിപാഡില് ഇറങ്ങിയ പ്രധാനമന്ത്രി 10 മണിക്ക് ശ്രീവല്സം ഗസ്റ്റ് ഹൗ സില് എത്തി. അവിടെ നിന്ന് കാല്നടയായി നേരെ ക്ഷേത്ര ദര്ശനത്തിനായി കിഴക്കേ ഗോപുര നടയിലേക്ക്. ദേവസ്വം പൂര്ണ കുംഭം നല്കി പ്രധാനമന്ത്രിയെ സ്വീകരിച്ചു.
ദുബൈ ബസപകടത്തില് മരണപ്പെട്ട എട്ടു മലയാളികള് ഉള്പ്പെടെ 12 ഇന്ത്യക്കാരുടെ മൃതദേഹങ്ങള് ഇന്ന് നാട്ടിലെത്തിക്കും. തൃശൂര് തളിക്കുളം സ്വദേശി ജമാലുദ്ദീന്റെ മൃതദേഹം ഇന്ന് രാവിലെ എയര് ഇന്ത്യ വിമാനത്തില് നാട്ടിലെത്തിച്ചു. ദുബൈ ഇന്ത്യന് കോണ്സുലേറ്റിന്റെയും സന്നദ്ധ പ്രവര്ത്തകരുടെയും മേല്നോട്ടത്തിലാണ് മൃതദേഹങ്ങള് നാട്ടിലെത്തിക്കാനുള്ള നടപടികള് പുരോഗമിക്കുന്നത്. ഇന്ന് രാവിലെ എട്ട് മണിയോടെയാണ് ജമാലുദ്ദീന്റെ മൃതദേഹം നെടുമ്പാശ്ശേരി വിമാനത്താവളത്തിലെത്തിച്ചത്. ബന്ധുക്കളും നാട്ടുകാരും ചേര്ത്ത് മൃതദേഹം ഏറ്റുവാങ്ങി. എംബാമിങ്ങ് നടപടി പൂര്ത്തീകരിച്ച് നൂറുകണക്കിനാളുകളുടെ സാന്നിധ്യത്തിലാണ് ജമാലുദ്ദീന് ദുബൈ യാത്രാമൊഴി നല്കിയത്. മലയാളികള് […]
വയലിനിസ്റ്റ് ബാലഭാസ്കറിന്റെ മരണവുമായി ബന്ധപ്പെട്ട് പ്രകാശന് തമ്പിയുടെ ചോദ്യം ചെയ്യല് പൂര്ത്തിയായി. മൊഴി പരിശോധിച്ച ശേഷം തുടർ നടപടി സ്വീകരിക്കുമെന്ന് ക്രൈംബ്രാഞ്ച് വ്യക്തമാക്കി. ബാലഭാസ്കറിന്റെ അപകട മരണത്തില് ദുരൂഹതകളുണ്ടന്ന ആരോപണത്തെ തുടര്ന്നാണ് മാനേജരായിരുന്ന പ്രകാശന് തമ്പിയെ ക്രൈംബ്രാഞ്ച് ചോദ്യം ചെയ്തത്. നിലിവില് സ്വര്ണക്കടത്ത് കേസില്പ്പെട്ട് കാക്കനാട് ജയിലിലാണ് പ്രകാശന് തമ്പി. ഡി.വൈ.എസ്.പി ഹരികൃഷ്ണന്റെ നേതൃത്വത്തിലുള്ള സംഘമാണ് ജയിലിലെത്തി ചോദ്യം ചെയ്തത്.
കോണ്ഗ്രസ് അധ്യക്ഷനും വയനാട് എം.പിയുമായ രാഹുല്ഗാന്ധിയുടെ മണ്ഡല പര്യടനം തുടരുന്നു. രാഷ്ട്രീയ പാര്ട്ടി പ്രതിനിധികളെയും വിവിധ സംഘടന നേതാക്കളെയും നേരില് കണ്ടാണ് രണ്ടാം ദിവസ പര്യടനം ആരംഭിച്ചത്. എം.പി ഓഫീസ് കലക്ട്രേറ്റില് പ്രവര്ത്തനം ആരംഭിച്ചു. രാഹുല് ഗാന്ധി താമസിച്ച ഗസ്റ്റ് ഹൗസിന് മുന്നില് രാവിലെ മുതല് യു.ഡി.എഫ് നേതാക്കളുടെയും പ്രവര്ത്തകരുടേയും തിരക്കായിരുന്നു. ഏറ്റവും പ്രധാനപ്പെട്ട നേതാക്കള്ക്ക് മാത്രമേ ഗസ്റ്റ് ഹൗസില് കടത്തിവിട്ടുള്ളൂ. ഇതിനിടയില് വെല്ഫെര് പാര്ട്ടി സംസ്ഥാന പ്രസിഡന്റ് ഹമീദ് വാണിയമ്പലത്തിന്റെ നേതൃത്വത്തില് നേതാക്കള് രാഹുലിനെ കണ്ടു. […]
നിപയെന്ന് സംശയിച്ച് കളമശേരി മെഡിക്കല് കോളജിലെ ഐസോലേഷന് വാര്ഡില് പ്രവേശിപ്പിച്ച 10 പേരില് 9 പേരുടെയും പരിശോധന ഫലം നെഗറ്റീവ്. ഒരാളുടെ പരിശോധനാ ഫലം വരാറുണ്ട്. നിപ സ്ഥിതീകരിച്ച യുവാവിന്റെ നില തൃപ്തികരമെന്നും മെഡിക്കല് ബുള്ളറ്റിന്. നോര്ത്ത് പറവൂരില് നിപ രോഗ ലക്ഷണം കാണിച്ച യുവാവിനെ കളമശേരി മെഡിക്കല് കോളജിലേക്ക് മാറ്റിയേക്കും. കളമശ്ശേരി മെഡിക്കല് കോളേജിലെ ഐസോലേഷന് വാര്ഡില് ഇന്നലെ രാത്രി രോഗ ലക്ഷണങ്ങളോട് കൂടി 3 പേരെക്കൂടി പ്രവേശിപ്പിച്ചു. ഇതോടെ ഐസോലേഷന് വാര്ഡില് 10 പേരാണ് […]
കേരള കോണ്ഗ്രസില് പിളര്പ്പിന് കളമൊരുങ്ങി. കോട്ടയത്ത് നടന്ന സമവായ ചര്ച്ചയും പരാജയപ്പെട്ടു. സഭാ നേതൃത്വത്തിന്റെ ഇടപെടലിനെ തുടര്ന്ന് വിളിച്ച യോഗത്തിന് ജോസ് കെ.മാണി വിഭാഗം നേതാക്കള് എത്തിയില്ല. ചെയര്മാന് സ്ഥാനം വിട്ട് നല്കിക്കൊണ്ടുള്ള ഒത്ത് തീര്പ്പ് വേണ്ടെന്നാണ് ഇവരുടെ നിലപാട്. ഇതോടെ പാര്ലമെന്ററി യോഗം ഉടന് വിളിക്കാന് പിജെ ജോസഫും തീരുമാനിച്ചു. തര്ക്കം രൂക്ഷമാകുന്നതിനിടെയിലാണ് സി.എഫ് തോമസിന്റെ നേതൃത്വത്തില് കോട്ടയത്തെ സ്വകാര്യ ഹോട്ടലില് അവസാനവട്ട ഒത്തുതീര്പ്പ് ചര്ച്ചകള് നിശ്ചയിച്ചത്. എന്നാല് ജോസഫ് വിഭാഗം നേതാക്കളായ പി.ജെ ജോസഫും […]
പൊതുമേഖല സ്ഥാപനമായ കെ.എം.എം.എല്ലില് റാങ്ക് ലിസ്റ്റ് നിലനില്ക്കെ ടെക്നിക്കല് തസ്തികകളിലേക്ക് വീണ്ടും പരീക്ഷ നടത്തുന്നുവെന്ന് ആരോപണം. 2018ല് പുറത്തിറങ്ങിയ റാങ്ക് ലിസ്റ്റിന് 2020 മാര്ച്ച് വരെ കാലാവധി നിലനില്ക്കെയാണ് അതേ തസ്തികകളിലേക്ക് വീണ്ടും പരീക്ഷ നടത്തുന്നത്. വെയിറ്റിംഗ് ലിസ്റ്റിലുള്ള 57 പേരെ അവഗണിച്ച് വീണ്ടും പരീക്ഷ നടത്തുന്നത് കോഴവാങ്ങി നിയമനം നടത്താനാണെന്നാണ് ആരോപണം. ജൂനിയര് ഓപ്പറേറ്റര്, ടെക്നീഷ്യന് എന്നീ തസ്തികകളിലേക്ക് ഇതിനുമുമ്പ് 2015ലാണ് നോട്ടിഫിക്കേഷന് പുറത്തിറങ്ങിയത്. പരീക്ഷക്കും സ്കില് ടെസ്റ്റിനും ശേഷം 2018ല് പുറത്തിറങ്ങിയ റാങ്ക് ലിസ്റ്റില് […]
നാലാം വര്ഷത്തേക്ക് കടന്നതോടെ സംസ്ഥാന സര്ക്കാര് വീണ്ടും പ്രോഗസ് റിപ്പോര്ട്ട് പുറത്തിറക്കുന്നു.തിങ്കളാഴ്ച വൈകിട്ട് നിശാഗന്ധിയില് നടക്കുന്ന പരിപാടില് വച്ചാണ് സര്ക്കാരിന്റെ പ്രോഗ്രസ് റിപ്പോര്ട്ട് പുറത്തിറക്കുന്നത്.സര്ക്കാരിന്റെ പ്രവര്ത്തനം സംബന്ധിച്ച് ഇന്ത്യയില് പ്രോഗ്രസ് റിപ്പോര്ട്ട് പുറത്തിറക്കുന്ന ഏക സംസ്ഥാനമാണ് കേരളം. ഇടത് മുന്നണിയുടെ പ്രകടന പത്രികയിലെ വാഗ്ദാനങ്ങള് നടപ്പിലാക്കിയതിന്റെ പ്രവര്ത്തന പുരോഗതിയാണ് പ്രോഗ്രസ് റിപ്പോര്ട്ടിന്റെ ഉള്ളടക്കം.സംസ്ഥാന സര്ക്കാര് നാലാം വര്ഷത്തിലേക്ക് കടന്നതിന്റെ ഭാഗമായി മൂന്നാം വര്ഷത്തെ പ്രോഗ്രസ്സ് റിപ്പോര്ട്ടാണ് പ്രകാശനം ചെയ്യുന്നു. ജൂണ് 10ന് വൈകിട്ട് 5 മണിക്ക് നിശാഗന്ധി […]