 | |  |
കേരളത്തില് എന്.ഡി.എയുടെ സീറ്റ് വിഭജനം പൂര്ത്തിയായി. സംസ്ഥാനത്ത് ബി.ജെ.പി 14 സീറ്റുകളില് മത്സരിക്കുമെന്ന് ബി.ജെ.പി ദേശീയ ജനറല് സെക്രട്ടറി മുരളീധര റാവു അറിയിച്ചു. വയനാട്, ആലത്തൂര്, ഇടുക്കി, തൃശൂര്, മാവേലിക്കര മണ്ഡലങ്ങളില് ബി.ഡി.ജെ.എസും കോട്ടയത്ത് പി.സി തോമസുമായിരിക്കും മത്സരിക്കുക. എന്.ഡി.എക്ക് അനുകൂലമായി കേരള മണ്ണ് പാകപ്പെട്ടുവെന്നും ഇത്തവണ തെരഞ്ഞെടുപ്പില് അത്ഭുതം സൃഷ്ടിക്കുമെന്നും ബി.ജെ.പി ദേശീയ നിര്വാഹക സമിതി അംഗം പി.കെ കൃഷ്ണദാസ് പറഞ്ഞു.
പിടിവലിക്കും കലഹത്തിനും ഒടുവിൽ കേരളത്തിലെ ബി.ജെ.പി സ്ഥാനാർത്ഥി നിർണ്ണയ ചർച്ചകൾ പൂർത്തിയായി. പത്തനംതിട്ടയിൽ കെ.സുരേന്ദ്രൻ മത്സരിച്ചേക്കും. മത്സര രംഗത്ത് നിന്ന് മാറി നിൽക്കാൻ ശ്രീധരൻ പിള്ളയോട് കേന്ദ്ര നേതൃത്വം നിർദ്ദേശിച്ചു. എറണാകുളത്ത് അൽഫോൺസ് കണ്ണന്താനവും ആറ്റിങ്ങലിൽ ശോഭ സുരേന്ദ്രനും മത്സരിക്കും. സ്ഥാനാർഥി പ്രഖ്യാപനം നാളെയുണ്ടാകുമെന്നും ആരൊക്കെ മത്സരിക്കുമെന്ന് കേന്ദ്രനേതൃത്വം തീരുമാനിക്കുമെന്നും ശ്രീധരന്പിള്ള പറഞ്ഞു.
വെള്ളാപ്പള്ളിയെ കണ്ട് പിന്തുണ തേടി ചാലക്കുടിയിലെ ഇടതു സ്ഥാനാർഥി ഇന്നസെന്റ്. കണിച്ചുകുളങ്ങരയിലെ വീട്ടിലെത്തിയതായിരുന്നു കൂടിക്കാഴ്ച. പിന്തുണ തേടി എന്.എസ്.എസ് ആസ്ഥാനത്തു പോകില്ലെന്ന് ഇന്നസെന്റ് പറഞ്ഞു. തുഷാർ മത്സരിച്ചാൽ തോൽക്കുമെന്ന നിലപാടിൽ മാറ്റമില്ലെന്ന് വെള്ളാപ്പള്ളി നടേശൻ ആവർത്തിച്ചു. അര മണിക്കൂറിലേറെ നീണ്ട കൂടിക്കാഴ്ചയ്ക്ക് ശേഷം ഇരുവരും കൈ കൊടുത്ത് പിരിഞ്ഞു.
നടൻ മോഹൻലാൽ കേരളത്തിന്റെ മുഖ്യമന്ത്രി പിണറായി വിജയന്റെ വേഷത്തിലെത്തുന്നുവെന്ന വാർത്തയില് എത്രത്തോളം സത്യമുണ്ട്?. ഇന്നലെ മുതലാണ് സാമൂഹ്യ മാധ്യമങ്ങള് വഴി മോഹന്ലാലിന്റെ കാരക്റ്റര് പോസ്റ്റര് പ്രചരിക്കാന് തുടങ്ങിയത്. കൊമ്രേഡ് എന്ന പേരിലുള്ള സിനിമക്ക് പിന്നിലെ സത്യാവസ്ഥ തുറന്ന് പറഞ്ഞ് ഒടുവില് പോസ്റ്ററിലെ സംവിധായകന് ശ്രീകുമാര് മേനോന് തന്നെ രംഗത്ത് വന്നിരിക്കുകയാണ്. പുതിയ പോസ്റ്റര് ഒടിയന് സിനിമക്ക് മുന്പ് തീരുമാനിച്ചിരുന്നതായിരുന്നെന്നും അതിന്റെ ഭാഗമായി ഒരുക്കിയ കാരക്റ്റര് സ്കെച്ച് ഇപ്പോള് പുറത്ത് വിട്ടത് ശരിയായില്ലെന്നും ശ്രീകുമാര് മേനോന് കുറ്റപ്പെടുത്തുന്നു. 1990ൽ […]
ഇന്തോനേഷ്യയിലുണ്ടായ പ്രളയത്തില് മരണസംഖ്യ ഉയരുന്നു. 89 പേര് ഇതുവരെ മരിച്ചു. കാണാതായവര്ക്കായി തെരച്ചില് തുടരുകയാണ്. ഇന്തോനേഷ്യയിലെ കിഴക്കന് പ്രദേശമായ പാപ്പുവയാണ് പ്രളയത്തിലകപ്പെട്ടത്. 74 പേരെ കുറിച്ച് ഇനിയും വിവരമൊന്നുമില്ല. പ്രളയത്തിന്റെ ആഘാതം നിരവധി പേരെ ബാധിച്ചുകഴിഞ്ഞു. 159 പേര്ക്ക് പരിക്കേറ്റു, ഇതില് 84 പേര് ഗുരുതരാവസ്ഥയിലും. കഴിഞ്ഞ മൂന്ന് ദിവസങ്ങളായി ഉറങ്ങാന്പോലുമായിട്ടില്ലെന്ന് ദുരിതബാധിതര് പറയുന്നു. നിരവധി പേരെ വീടുകളില് നിന്ന് ഒഴിപ്പിച്ച് ദുരിതാശ്വാസ ക്യാമ്പുകളിലേക്ക് മാറ്റി. 350ലധികം വീടുകള് താറുമാറായി. മൂന്ന് പാലങ്ങളും എട്ട് സ്കൂളുകളും മൂന്ന് […]
വേനല് ശക്തി പ്രാപിച്ചതോടെ കൊല്ലത്തിന്റെ മലയോര മേഖല ചുട്ടുപൊള്ളുകയാണ്. 39 ഡിഗ്രി ചൂട് രേഖപ്പെടുത്തിയ ഇവിടെ മൂന്ന് പേര്ക്കാണ് സൂര്യാതപമേറ്റത്. ചൂട് ഇനിയും കൂടാനുള്ള സാഹചര്യം കണക്കിലെടുത്ത് ആരോഗ്യ വകുപ്പ് ജാഗ്രതാനിര്ദേശം നല്കി. മീനമാസച്ചൂടേറ്റ് വെന്തുരുകുകയാണ് കേരളം. കൊല്ലം ജില്ലയില് കഴിഞ്ഞ കുറച്ചു ദിവസങ്ങളിലായി ഈ വര്ഷത്തെ ഏറ്റവും ഉയര്ന്ന ചൂടാണ് രേഖപ്പെടുത്തിയത്. കനത്ത ചൂടില് മൂന്ന് പേര്ക്ക് സൂര്യാതപമേറ്റതോടെ ജില്ലയില് ആരോഗ്യ വകുപ്പ് ജാഗ്രതാനിര്ദേശം നല്കി. ചൂട് ഉയര്ന്നുതുടങ്ങിയ സാഹചര്യത്തില് ദുരന്ത നിവാരണ അതോറിറ്റി മുന്കരുതലും […]
സുപ്രീംകോടതി മുൻ ജഡ്ജി പിനാകി ചന്ദ്രഘോഷിനെ രാജ്യത്തെ ആദ്യ ലോക്പാലായി നിയമിച്ചു. പ്രധാനമന്തി അധ്യക്ഷനായ നിയമന സമിതിയുടെ ശുപാർശ രാഷ്ട്രപതി അംഗീകരിച്ചു. അഞ്ച് വർഷത്തെ കാത്തിരിപ്പിനൊടുവിലാണ് നിയമനം. രാഷ്ട്രീയക്കാർക്കും ഉദ്യോഗസ്ഥർക്കുമെതിരെ ഉന്നയിക്കപ്പെടുന്ന അഴിമതി ആരോപണങ്ങൾ പരിശോധിച്ചു നടപടിയെടുക്കലാണ് ലോക്പാൽ സമിതിയുടെ ദൗത്യം. ജസ്റ്റിസ്മാരായ ദിലിപ് ബി ബോസ്ലെ, പ്രദീപ് കുമാർ മൊഹന്തി, അഭിലാഷ കുമാരി, എ.കെ ത്രിപാഠി എന്നിവരാണ് ലോക്പാലിലെ ജുഡീഷ്യൽ അംഗങ്ങൾ. ദിനേശ് കുമാർ ജെയിൻ, അർച്ചന രാമസുന്ദരം, മഹേന്ദർ സിംഗ്, ഡോ. ഇന്ദ്രജിത് പ്രസാദ് […]
ആം ആദ്മി പാർട്ടിയുമായി സഖ്യത്തിനില്ലെന്ന് കോൺഗ്രസ് ഔദ്യോഗികമായി അറിയിച്ചതായി സൽഹി മുഖ്യമന്ത്രി അരവിന്ദ് കേജ്രിവാൾ. കോൺഗ്രസുമായി സഖ്യം സംബന്ധിച്ചുള്ള ചർച്ചകൾ അവസാനിപ്പിച്ചതായും കേജ്രിവാൾ പറഞ്ഞു. കോൺഗ്രസ് അധ്യക്ഷൻ രാഹുൽ ഗാന്ധി വിഷയത്തിൽ തീരുമാനമെടുക്കാൻ ഇരിക്കെയാണ് ആം ആദ്മി പാർട്ടി നിലപാട് അറിയിച്ചത് എന്നതാണ് ശ്രദ്ധേയം. ആം ആദ്മി കോൺഗ്രസ് സഖ്യം അടഞ്ഞ അധ്യായമാണെന്ന് സൂചിപ്പിക്കുന്നതാണ് കേജ്രിവാളിനെ വാക്കുകൾ സഖ്യത്തിനില്ലെന്ന് കോൺഗ്രസ് തങ്ങളോട് ഔദ്യോഗികമായി അറിയിച്ചതായി അരവിന്ദ് കേജ്രിവാൾ പറഞ്ഞു. കോൺഗ്രസുമായി ചർച്ചകൾ നടക്കുന്നു എന്നത് മാധ്യമസൃഷ്ടി മാത്രമാണെന്നും […]
സീറ്റ് ലഭിക്കാത്തതില് പരസ്യമായി നീരസം പ്രകടിപ്പിച്ച് എ.പി അബ്ദുളളക്കുട്ടി. ഉറങ്ങിക്കിടന്ന ആളെ വിളിച്ചുണര്ത്തി സീറ്റില്ലെന്ന് പറയുമ്പോള് ആര്ക്കും വിഷമമുണ്ടാകുമെന്നും കോണ്ഗ്രസില് താനിപ്പോഴും മൂന്നണ മെമ്പര് മാത്രമാണെന്നും അബ്ദുളളക്കുട്ടി മീഡിയവണ്ണിനോട് പറഞ്ഞു. ഇന്നലെ വി.എം സുധീരനെയും അബ്ദുളളക്കുട്ടി ഫേസ്ബുക്കിലൂടെ വിമര്ശിച്ചിരുന്നു. കഴിഞ്ഞ നിയമസഭാ തെരഞ്ഞെടുപ്പില് സതീശന് പാച്ചേനിക്ക് വേണ്ടി സിറ്റിങ് സീറ്റ് ഒഴിഞ്ഞ് കൊടുത്ത അബ്ദുളളക്കുട്ടിയെ ഇത്തവണ ലോക്സഭയിലേക്ക് പരിഗണിച്ചേക്കുമെന്ന് അഭ്യൂഹങ്ങള് ഉയര്ന്നിരുന്നു. വടകര, കണ്ണൂര്, കാസര്കോഡ് മണ്ഡലങ്ങളിലൊന്നില് അബ്ദുളളക്കുട്ടി പ്രതീക്ഷ വെക്കുകയും ചെയ്തു. മത്സരത്തിന് തയ്യാറാകാന് ചില […]
വടകരയിൽ അവിശുദ്ധ കൂട്ട് കെട്ട് നടന്നതായി മന്ത്രി ടി.പി രാമകൃഷ്ണൻ പറഞ്ഞു. കെ.മുരളീധരന്റെ സ്ഥാനാർത്ഥി പ്രഖ്യാപനം വൈകിയത് അതുകൊണ്ടാണ്. കോലീബി സഖ്യം പോലെയുള്ള ധാരണയുണ്ടായിട്ടുണ്ടെന്നും മന്ത്രി പറഞ്ഞു. മുരളീധരൻ ജയരാജന് ക്ഷീണമുണ്ടാക്കില്ലെന്നും അദ്ദേഹം കൂട്ടിച്ചേര്ത്തു. എന്നാല് വടകരയില് കോലീബി പോലുള്ള സഖ്യമെന്ന ആരോപണം പരാജയം മുന്കൂട്ടി കണ്ടാണെന്ന് കെ മുരളീധരന് പ്രതികരിച്ചു. എക്കാലവും സംഘ്പരിവാര് വിരുദ്ധമാണ് സ്വീകരിച്ചിട്ടുള്ളത്. ഇടതുപക്ഷത്തിന്റെ വോട്ടും കോണ്ഗ്രസിന് ലഭിക്കുമെന്നും മുരളി പറഞ്ഞു.