മതവികാരം വ്രണപ്പെടുത്തിയെന്ന പരാതിയിൽ കേസെടുക്കപ്പെട്ട ആമസോൺ പരമ്പര താണ്ഡവിൽ തിരുത്തലുകൾ നടത്താൻ നിർമ്മാതാക്കൾ. കേന്ദ്ര വാർത്താ വിതരണ പ്രക്ഷേപണകാര്യ മന്ത്രാലയത്തിലെ ഉദ്യോഗസ്ഥരുമായി നടത്തിയ രണ്ടാം വട്ട ചർച്ചകൾക്ക് ശേഷമാണ് നിർമാതാക്കൾ ഇത് വ്യക്തമാക്കിയത്. തിങ്കളാഴ്ച്ച നിരുപാധികം ക്ഷമ ചോദിക്കുകയും വിശദീകരണം നൽകിയതിന് ശേഷമാണ് പുതിയ നീക്കം. “നമ്മുടെ രാജ്യത്തെ ജനങ്ങളുടെ വികാരങ്ങളെ ഞങ്ങൾ മാനിക്കുന്നു. ഒരു വ്യകതിയുടെയോ, ജാതിയുടെയോ, സമൂഹത്തിന്റെയോ മതത്തിന്റെയോ മത വിശ്വാസങ്ങളുടെയോ വികാരങ്ങൾ വൃണപ്പെടുത്താനോ ഏതെങ്കിലും സ്ഥാപനത്തെയോ രാഷ്ട്രീയ പാർട്ടിയെയോ ആഹേളിക്കുവാനോ ഞങ്ങൾ ഉദ്ദേശിച്ചിരുന്നില്ല […]
