കേന്ദ്ര സർക്കാരും കർഷകരും തമ്മിലുള്ള ചർച്ച നാളെ നടക്കാനിരിക്കെ കൂടുതല്‍ കർഷകരെ ഉള്‍ക്കൊള്ളാന്‍ സിംഗുവില്‍ പുതിയ സമരപന്തലുകള്‍ ഉയർന്നു. പലർക്കും സാധിക്കാതെ പോയ നിയമമാണ് വികസനത്തിനും ജനക്ഷേമത്തിനും വേണ്ടി പ്രവർത്തിക്കുന്ന പ്രധാനമന്ത്രി നരേന്ദ്രമോദി കൊണ്ട് വന്നതെന്ന് കൃഷിമന്ത്രി നരേന്ദ്രസിങ് തോമർ പറഞ്ഞു. ജിയോക്കെതിരായ പ്രതിഷേധത്തിന്‍റെ ഭാഗമായി പഞ്ചാബില് 1500 ടവറുകള്‍ തകർത്തതില്‍ നടപടി സ്വീകരിക്കാന്‍ മുഖ്യമന്ത്രി അമരീന്ദർ സിങ് നിർദേശം നല്കി. കാർഷിക നിയമങ്ങള്‍ക്കെതിരായ സമരം 34ാം ദിവസത്തിലേക്ക് കടക്കുമ്പോള് ഡല്‍ഹി അതിർത്തികളിലെത്തുന്ന കർഷകരുടെ എണ്ണം വർധിക്കുകയാണ്. […]
