മുഖ്യമന്ത്രി ചരൺജീത് സിങ് ചന്നിക്കെതിരെ പരോക്ഷ വിമർശനവുമായി പഞ്ചാബ് കോൺഗ്രസ് അധ്യക്ഷൻ നവ്‌ജോത് സിങ് സിദ്ദു . പഞ്ചാബിൽ ദുർബലനായൊരു മുഖ്യമന്ത്രിയെയാണ് ഉന്നതർക്ക് ആവശ്യം എന്ന് അദ്ദേഹം പറഞ്ഞു. രണ്ട് ദിവസത്തിന് ശേഷം പഞ്ചാബിലെ മുഖ്യമന്ത്രി സ്ഥാനാർഥിയെ രാഹുൽ ഗാന്ധി പ്രഖ്യാപിക്കാനിരിക്കെയാണ് തന്റെ മുഖ്യ എതിരാളിയായ ചന്നിക്കെതിരെ സിദ്ദുവിന്റെ വിമർശനം. “വിശ്വസ്തരെയും ക്ലീൻ ട്രാക്ക് റെക്കോർഡ് ഉള്ളവരെയുമാണ് പാർട്ടി മുഖ്യമന്ത്രി സ്ഥാനാർഥിയാക്കേണ്ടത്. അഴിമതിക്കാരെയും മാഫിയാ പശ്ചാത്തലമുള്ളവരെയും ഈ സ്ഥാനത്തേക്ക് പരിഗണിക്കരുത്. സ്വയം മാഫിയയായ ഒരാൾക്ക് എങ്ങനെയാണ് മറ്റു […]
