ഐപിഎൽ ടീം ഗുജറാത്ത് ടൈറ്റൻസിൻ്റെ ഉപദേശകനാവാൻ ആഗ്രഹിച്ചിരുന്നു എന്ന് മുൻ ദേശീയ താരം യുവ്‌രാജ് സിംഗ്. ഇക്കാര്യം ആവശ്യപ്പെട്ട് ടൈറ്റൻസിനെ സമീപിച്ചെങ്കിലും പരിശീലകൻ ആശിഷ് നെഹ്റ സമ്മതിച്ചില്ല എന്നും യുവ്‌രാജ് പറഞ്ഞു. തങ്ങളുടെ ആദ്യ ഐപിഎൽ സീസണിൽ കിരീടം നേടിയ ഗുജറാത്ത് രണ്ടാം സീസണിൽ ഫൈനലിലെത്തിയിരുന്നു. ‘ഏത് തരത്തിലൊക്കെയാണ് അവസരം ലഭിക്കുക എന്നുനോക്കാം. ഇപ്പോൾ മക്കളുടെ കാര്യത്തിനാണ് മുൻഗണന നൽകുന്നത്. അവർ സ്കൂളിലൊക്കെ പോയി തുടങ്ങിയാൽ കൂടുതൽ അവസരം ലഭിക്കും. അപ്പോൾ പരിശീലകനായി പ്രവർത്തിക്കാം എന്ന് കരുതുന്നു. […]
