 | |  |
മുംബൈ: മുംബൈയിലെ ഛത്രപതി ശിവജി മഹാരാജ് അന്താരാഷ്ട്ര വിമാനത്താവളത്തില്‍ വ്യോമസേനയുടെ വിമാനം റണ്‍വേയില്‍നിന്ന് തെന്നിമാറി. മുംബൈയില്‍നിന്ന് കര്‍ണാടകയിലെ യെലഹങ്കയിലേക്ക് പുറപ്പെട്ട എ എന്‍ 32 വിമാനമാണ് പറന്നുയരുന്നതിനിടെ റണ്‍വേയില്‍നിന്ന് തെന്നിമാറിയത്. സംഭവത്തില്‍ ആര്‍ക്കും പരിക്കില്ല. റണ്‍വേ 27ല്‍ ചൊവ്വാഴ്ച രാത്രി 11. 39നായിരുന്നു സംഭവം. വിമാനം റണ്‍വേയില്‍നിന്ന് തെന്നിമാറിയതിനാല്‍ ഇരുപതുമിനുട്ടോളം വ്യോമഗതാഗതം തടസ്സപ്പെട്ടുവെന്ന് അധികൃതര്‍ അറിയിച്ചു.
ന്യൂഡല്‍ഹി: കിഴക്കന്‍ ഡെല്‍ഹിയിലെ ത്രിലോക്പൂരില്‍ രണ്ട് പശുക്കളെ ചത്ത നിലയില്‍ കണ്ടെത്തിയതിനെ തുടര്‍ന്ന് പ്രദേശത്ത് സംഘര്‍ഷാവസ്ഥ. സ്ഥലത്ത് സംഘര്‍ഷാവസ്ഥ നിലനില്‍ക്കുന്നതിനാല്‍ മുന്‍കരുതല്‍ നടപടിയായി പോലീസിനെ വിന്യസിച്ചിട്ടുണ്ട്. രണ്ട് പശുക്കള്‍ ചത്തുകിടക്കുന്നതായി പോലീസിന് അറിയിപ്പ് ലഭിച്ചു. സ്ഥലത്ത് എത്തിയ പോലീസ് അവയെ പോസ്റ്റ്മോര്‍ട്ടത്തിനായി കൊണ്ടുപോയി. സംഭവത്തില്‍ പങ്കുള്ളവര്‍ക്കായി അന്വേഷണം ആരംഭിച്ചതായി പോലീസ് അറിയിച്ചു. രണ്ടുപേരെ പ്രദേശത്ത്നിന്ന് കാണാതായതായും റിപ്പോര്‍ട്ടുണ്ട്.
ന്യൂഡല്‍ഹി: പ്രധാനമന്ത്രി നരേന്ദ്ര മോദി മൃഗീയ ഭൂരിപക്ഷത്തില്‍ വീണ്ടും അധികാരത്തിലേറുമെന്ന അവകാശവാദവുമായി തിരഞ്ഞെടുപ്പിനിറങ്ങിയ ബി.ജെ.പിക്ക് വോട്ടെടുപ്പ് അവസാനിക്കാനിരിക്കുമ്ബോള്‍ പഴയ ആത്മവിശ്വസമില്ലെന്ന് വിലയിരുത്തല്‍. ബി.ജെ.പി ഏറ്റവും വലിയ ഒറ്റകക്ഷിയാവുമെങ്കിലും മറ്റ് പ്രാദേശിക പാര്‍ട്ടികളുടെ സഹകരണമില്ലാതെ സര്‍ക്കാര്‍ രൂപീകരിക്കാനാവില്ലെന്നാണ് വിവിധ നേതാക്കള്‍ പറയുന്നത്. പാര്‍ട്ടിക്ക് ഒറ്റയ്‌ക്ക് ഭൂരിപക്ഷം ലഭിക്കാന്‍ ഇടയില്ലെന്ന് ബി.ജെ.പി ദേശീയ ജനറല്‍ സെക്രട്ടറി റാം മാധവ് കഴിഞ്ഞ ദിവസം നടത്തിയ പ്രസ്‌താവനയാണ് പുതിയ ചര്‍ച്ചകള്‍ക്ക് തുടക്കമിട്ടത്. ബി.ജെ.പിയിലെ ആര്‍.എസ്.എസ് നോമിനിയായി അറിയപ്പെടുന്ന റാം മാധവ് നടത്തിയ പ്രസ്‌താവന […]
തിരുവനന്തപുരം: സംസ്ഥാനത്തെ പ്ളസ്‌ടു ഫലം പ്രഖ്യാപിച്ചു. ഇത്തവണ വിജയശതമാനം 84.33 ആണ്. 3,11,375 പേര്‍ ഉപരി പഠനത്തിന് അര്‍ഹരായി. സര്‍ക്കാര്‍ സ്‌കൂളുകളില്‍ 83.04 ശതമാനമാണ് വിജയം. ഏറ്റവും കൂടുതല്‍ വിജയശതമാനം കോഴിക്കോടാണ്. പത്തനംതിട്ടയാണ് പിന്നില്‍.
ന്യൂഡല്‍ഹി: ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡു കോണ്ഗ്രസ് അധ്യക്ഷന്‍ രാഹുല്‍ ഗാന്ധിയുമായി കൂടിക്കാഴ്ച നടത്തി. ബദല്‍ സര്‍ക്കാര്‍ സാധ്യതകള്‍ ഇരുവരും ചര്‍ച്ച ചെയ്തു. അതേസമയം, ലോക്സഭാ തെരഞ്ഞെടുപ്പിന്‍റെ രണ്ടുഘട്ടം ബാക്കിനില്‍ക്കെ അസാധാരണ രാഷ്ട്രീയ നീക്കങ്ങള്‍ക്കു പ്രതിപക്ഷ പാര്‍ട്ടികള്‍ തയാറെടുക്കുന്നതായും റിപ്പോര്‍ട്ടുണ്ട്. ഒരു പാര്‍ട്ടിക്കും ഭൂരിപക്ഷമില്ലാത്ത അവസ്ഥ വന്നാല്‍ ഏറ്റവും വലിയ ഒറ്റക്കക്ഷിയെ സര്‍ക്കാരുണ്ടാക്കാന്‍ ക്ഷണിക്കരുതെന്ന് പാര്‍ട്ടികള്‍ രാഷ്ട്രപതിയോട് ആവശ്യപ്പെടുമെന്നാണു സൂചന. ഇക്കാര്യം ചൂണ്ടിക്കാട്ടി ബിജെപിയെ എതിര്‍ക്കുന്ന 21 രാഷ്ട്രീയ പാര്‍ട്ടികള്‍ കത്തു നല്‍കിയേക്കും.
ന്യൂഡല്‍ഹി: മുന്‍ പ്രധാനമന്ത്രി രാജീവ്‌ഗാന്ധി അഴിമതിക്കാരനായിരുന്നെന്ന തന്റെ പരാമര്‍ശത്തില്‍ ഉറച്ച്‌ പ്രധാനമന്ത്രി നരേന്ദ്രമോദി. സത്യം കേള്‍ക്കുമ്ബോള്‍ കോണ്ഗ്രസ് എന്തിനാണ്‌ അസ്വസ്ഥരാകുന്നത്. രാജീവ്‌ ഗാന്ധിയെക്കുറിച്ചുള്ള തന്റെ പ്രസ്‌താവന സത്യമല്ലെന്ന്‌ കോണ്‍ഗ്രസിലെ ഒരാള്‍ പോലും പറഞ്ഞിട്ടില്ലെന്ന് മോദി അഭിപ്രായപ്പെട്ടു. ‘രാജീവ്‌ ഗാന്ധിക്കെതിരായ പരാമര്‍ശത്തില്‍ കോണ്ഗ്രസ് എന്തിനാണ്‌ ഇങ്ങനെ അസ്വസ്ഥരാകുന്നതെന്ന്‌ മനസ്സിലാകുന്നില്ല. കോണ്ഗ്രസ് അധ്യക്ഷന്‍ പ്രധാനമന്ത്രിയുടെ കുടുംബത്തിന്റെ ദാരിദ്ര്യത്തെക്കുറിച്ച്‌ കളിയാക്കുകയോ ആക്ഷേപിക്കുകയോ ചെയ്‌താല്‍ ഈ കോണ്ഗ്രസ് ‘എക്കോസിസ്‌റ്റം’ ഒന്നിച്ച്‌ കയ്യടിക്കും. പക്ഷേ, അതേ രാഹുലിന്റെ പിതാവിനെക്കുറിച്ച്‌ സത്യം പറഞ്ഞുകേട്ടപ്പോള്‍ കോണ്ഗ്രസ് നേതാക്കള്‍ക്ക്‌ നിയന്ത്രണം […]
അഗര്‍ത്തല: പടിഞ്ഞാറന്‍ ത്രിപുര മണ്ഡലത്തിലെ 168 പോളിങ് ബൂത്തുകളില്‍ ഏപ്രില്‍ 11-ന് നടന്ന ആദ്യഘട്ട വോട്ടെടുപ്പ് തെരെഞ്ഞെടുപ്പ് കമ്മീഷന് അസാധുവാക്കി. ആറാം ഘട്ട വോട്ടെടുപ്പ് നടക്കുന്ന മെയ് 12-ന് ഈ ബൂത്തുകളില്‍ റീ പോളിങ് നടത്തും. ലോക്സഭാ തെരെഞ്ഞെടുപ്പിനിടെ മണ്ഡലത്തില്‍ ബിജെപി വ്യാപകമായി ബൂത്ത് പിടിത്തവും ക്രമക്കേടും നടത്തിയെന്ന പരാതിയുമായി കോണ്‍ഗ്രസും സിപിഎമ്മും തെരെഞ്ഞെടുപ്പ് കമ്മീഷന് പരാതി നല്‍കിയിരുന്നു. തുടര്‍ന്ന് മണ്ഡലത്തിന്റെ ചുമതലയുള്ള മുഖ്യ തെരെഞ്ഞെടുപ്പ് ഓഫീസര്‍, വരണാധികാരി, പ്രത്യേക നിരീക്ഷകന്‍ എന്നിവരുടെ റിപ്പോര്‍ട്ടുകള്‍ പരിശോധിച്ചാണ് കമ്മീഷന് […]
ന്യൂഡല്‍ഹി: പശ്ചിമബംഗാള്‍ മുഖ്യമന്ത്രി മമത ബാനര്‍ജിക്കെതിരേ രൂക്ഷ വിമര്‍ശനവുമായി കേന്ദ്ര വിദേശകാര്യമന്ത്രി സുഷമ സ്വരാജ്.പ്രധാനമന്ത്രി നരേന്ദ്ര മോദിക്കെതിരായ മമതയുടെ നിരന്തര വിമര്‍ശനങ്ങളിലാണ് സുഷമയുടെ പ്രതികരണം. മമതയുടെ പ്രസ്താവനകള്‍ എല്ലാം അതിരുകളും ലംഘിച്ചിരിക്കുകയാണെന്ന് സുഷമ ട്വിറ്ററില്‍ വിമര്‍ശിച്ചു. മോദി രാജ്യത്തിന്‍റെ പ്രധാനമന്ത്രിയും നിങ്ങള്‍ ഒരു സംസ്ഥാനത്തിന്‍റെ മുഖ്യമന്ത്രിയുമാണ്. ഇത്തരം വിലകുറഞ്ഞ രീതിയില്‍ സംസാരിക്കുമ്ബോള്‍ നാളെയൊരിക്കല്‍ മോദിയുമായി നിങ്ങള്‍ക്ക് വീണ്ടും സംസാരിക്കേണ്ടിവരും. അപ്പോള്‍ ലജ്ജ തോന്നരുതെന്നും സുഷമ സ്വരാജ് ഓര്‍മ്മിപ്പിച്ചു.
അഗര്‍ത്തല: ത്രിപുര മണ്ഡലത്തിലെ 168 പോളിങ് ബൂത്തുകളില്‍ ഏപ്രില്‍ 11-ന് നടന്ന ആദ്യഘട്ട വോട്ടെടുപ്പ് തെരെഞ്ഞെടുപ്പ് കമ്മീഷന് റദ്ദാക്കി. ആറാംഘട്ട വോട്ടെടുപ്പ് നടക്കുന്ന മെയ് 12-ന് ഈ ബൂത്തുകളില്‍ റീ പോളിങ് നടത്താനാണ് തീരുമാനിച്ചിരിക്കുന്നത്. ലോക്സഭാ തെരെഞ്ഞെടുപ്പിനിടയില്‍ മണ്ഡലത്തില്‍ ബിജെപി വ്യാപകമായി ബൂത്ത് പിടിത്തവും ക്രമക്കേടുകളും നടത്തിയെന്ന പരാതിയുമായി കോണ്‍ഗ്രസും സിപിഎമ്മും രംഗത്തെത്തിയിരുന്നു. തുടര്‍ന്നാണ് മണ്ഡലത്തിന്റെ ചുമതലയുള്ള മുഖ്യ തെരെഞ്ഞെടുപ്പ് ഓഫീസര്‍, വരണാധികാരി, പ്രത്യേക നിരീക്ഷകന്‍ എന്നിവരുടെ റിപ്പോര്‍ട്ടുകള്‍ പരിശോധിച്ച്‌ കമ്മീഷന് റീ പോളിങ്ങിന് നിര്‍ദേശിച്ചത്.
തെരഞ്ഞെടുപ്പിൽ രാജ്യത്തിനും ജനങ്ങൾക്കും പ്രയോജനം ലഭിക്കുന്നവരെ വേണം പാർലമെന്റിലയക്കാനെന്ന് ആക്ടിവിസ്റ്റുംഗുജറാത്ത് എം.എൽ.എയുമായ ജിഗ്നേഷ് മേവാനി. നമ്മുടെ മക്കളെ അയോധ്യയിലേക്കും കുംഭിലേക്കും പറഞ്ഞയക്കാൻ ആഹ്വാനം ചെയ്യുന്നവരേയല്ല, മറിച്ച് ഓക്സഫോഡിലേക്കും കേംബ്രിഡ്ജിലേക്കും അയക്കാൻ കഴിവുള്ളവരെയാണ് തെരഞ്ഞെടുക്കേണ്ടതെന്നാണ് മേവാനി ഡൽഹിയിലെ തെരഞ്ഞെടുപ്പ് റാലിക്കിടെ പറഞ്ഞത്. കിഴക്കൻ ഡൽഹിൽ നിന്നുള്ള ആം ആദ്മി സ്ഥാനാർഥി അതിഷിക്ക് വേണ്ടിയാണ് ജിഗ്നേഷ് മേവാനി പ്രചാരണം നടത്തിയത്. ഹിന്ദു-മുസ്‍ലിം രാഷ്ട്രീയം കളിക്കുന്ന പ്രധാനമന്ത്രി നരേന്ദ്ര മോദിക്ക്, പിന്നോക്കക്കാരായ കുട്ടികളെ അയോധ്യയിലേക്ക് പറഞ്ഞയക്കേണ്ട ആവശ്യമുണ്ട്. എന്നാൽ പുതു തലമുറയെ […]