മലയാള സിനിമയില് വില്ലന് കഥാപാത്രങ്ങളിലൂടെ ശ്രദ്ധേയനായ അനില് മുരളി അന്തരിച്ചു. 56 വയസായിരുന്നു. കരള് രോഗത്തെ തുടര്ന്ന് കൊച്ചിയിലെ സ്വകാര്യ ആശുപത്രിയില് ചികിത്സയിലായിരുന്നു. ഇരുനൂറോളം ചിത്രങ്ങളില് അഭിനയിച്ചിട്ടുണ്ട്. 1993ല് പുറത്തിറങ്ങിയ കന്യാകുമാരിയില് ഒരു കവിത എന്ന ചിത്രത്തിലൂടെയാണ് അനില് സിനിമയിലെത്തുന്നത്. നസ്രാണി, മാണിക്യക്കല്ല്, ആമേന് തുടങ്ങിയ ചിത്രങ്ങളിലെ വേഷങ്ങള് ശ്രദ്ധിക്കപ്പെട്ടു. ഫോറന്സിക് ആണ് ഏറ്റവും ഒടുവില് അഭിനയിച്ച ചിത്രം. മലയാളത്തിന് പുറമെ തമിഴ്,തെലുങ്ക് ചിത്രങ്ങളില് അനില് അഭിനയിച്ചിട്ടുണ്ട്. സുമയാണ് ഭാര്യ, മക്കള്-ആദിത്യ, അരുന്ധതി.
