ആലപ്പുഴ ഡിവൈഎസ്‌പിയുടെ നേതൃത്വത്തിലുള്ള പ്രത്യേക അന്വേഷണസംഘമാണ് യഹിയ തങ്ങളെ
അറസ്‌റ്റ്‌ ചെയ്‌തത്‌​. 21ന്​ ആലപ്പുഴയിൽനടന്ന റാലിയുടെ സ്വാഗതസംഘം ചെയർമാനാണ്‌ യഹിയ തങ്ങൾ.
വൻ പൊലീസ്​ സന്നാഹത്തോടെ ഉച്ചയോടെയാണ് ആലപ്പുഴ​ സൗത്ത്​ പൊലീസ്​ സ്​റ്റേഷനിൽ ഇയാളെ എത്തിച്ചത്​. വിശദമായ ചോദ്യംചെയ്യലിനൊടുവിൽ അറസ്‌റ്റ്‌​ രേഖപ്പെടുത്തി​.

ശനിയാഴ്‌ച അനുമതിയില്ലാതെ എസ്​പി ഓഫീസ്​ മാർച്ച് നടത്തിയതിനും ഇയാൾക്കെതിരെ കേസെടുത്തു. കഴിഞ്ഞദിവസം ​പൊലീസ്​ അറസ്​റ്റുചെയ്‌ത കുട്ടിയുടെ അച്ഛനടക്കം അഞ്ചുപേരെ കോടതി റിമാൻഡ്​ചെയ്‌തിരുന്നു. കേസിൽ ഇതുവരെ 26 പേർ പിടിയിലായി​. വരുംദിവസങ്ങളിൽ കൂടുതൽ അറസ്‌റ്റ്‌ ഉണ്ടാകുമെന്നാണ്​ സൂചന.