പേരാവൂർ നിയമ സഭ മണ്ഡലത്തിലെ 117 എ വെള്ളറവള്ളി ബൂത്തിൽ വോട്ടിംഗ് യന്ത്രം തകരാറിൽ ആയതിനാൽ വോട്ടിംഗ് ആരംഭിച്ചില്ല. ചങ്ങനാശേരി 117 നമ്പർ ബൂത്തിൽ മെഷീൻ തകരാർ മൂലം ഇത് വരെ പോളിംഗ് തുടങ്ങാനായില്ല. ആർപ്പൂക്കര മണിയാപറമ്പ് എസ്എൻഡിപി സ്കൂളിൽ വോട്ടിംഗ് മെഷീന് തകരാറിലായി. ഇതുവരെ വോട്ടിംഗ് തുടങ്ങാനായില്ല

ചിറക്കടവ് പഞ്ചായത്തിലെ ചെറുവള്ളി ഗവ എൽ പി സ്കൂളിലെ 76 നമ്പർ ബൂത്തിൽ വോട്ടിംഗ് മെഷീൻ തകരാറിലായതിനെ തുടർന്ന് മുക്കാൽ മണിക്കൂറോളം വോട്ടിംഗ് തടസപ്പെട്ടു. മോക്ക് പോളിലാണ് തകരാർ കണ്ടെത്തിയത്. വോട്ടിംഗ് താമസിച്ചതോടെ 40ഓളം പേർ വോട്ട് ചെയ്യാതെ മടങ്ങി.

വെച്ചൂർ ഇടയാഴം സെന്‍റ് മേരീസ് എല്‍.പി സ്കൂളിൽ രണ്ട് വോട്ട് കഴിഞ്ഞപ്പോൾ വോട്ടിങ് മെഷീൻ പണിമുടക്കി. തലയാഴം പുത്തൻപാലം 123 ബൂത്തിൽ മെഷീൻ തകരാറിനെ തുടർന്ന് വോട്ടിങ് നിർത്തിവെച്ചു. തിരുവല്ലയിൽ കുന്നന്താനം . മുണ്ടിയപ്പള്ളി. പുറമറ്റം എന്നീ 3 ബൂത്തുകളിൽ മെഷീൻ തകരാറിലായി. പകരം മെഷീൻ കൊണ്ടുവരുന്നു.

മലപ്പുറം പാണക്കാട് എഎംഎല്‍പി സ്കൂളിൽ 95 ആം ബൂത്തിൽ മോക്‌പോളിനിടെ യന്ത്ര തകരാറുണ്ടായി. വിവിപാറ്റ് മെഷീൻ ആണ് തകരാറിലായത്. 38 വോട്ടുകൾ പോൾ ചെയ്ത ശേഷമാണ് തകരാറിലായത്.

ഇത്തവണ കല്ലാമല ഡിവിഷനില്‍ യു.ഡി.എഫ് സ്ഥാനാർത്ഥിയായി നിർത്തിയത് ആര്‍.എം.പിയിലെ സി.സുഗതൻ മാസ്റ്ററെ. കൈപ്പത്തിക്ക് വോട്ട് ചെയ്യണമെന്ന് വാശി പിടിച്ച മുല്ലപ്പള്ളി ഡി.സി.സിയെ മറികടന്ന് കെപി ജയകുമാറിനെ കെട്ടിയിറക്കി. ലീഗും കെ മുരളീധരനും പരസ്യമായി ഇടഞ്ഞു.

അവസാനം മുല്ലപ്പള്ളി തന്നെ ജയകുമാറിനെ പിൻവലിച്ചു. പിന്മാറാനുള്ള തീയതി കഴിഞ്ഞതിനാൽ ജയകുമാറിൻ്റെ പേരും, കൈപ്പത്തി ചിഹ്നവും വോട്ടിംഗ് യന്ത്രത്തില്‍ രണ്ടാമത് ഉണ്ടായിരുന്നു. അങ്ങനെ കൈപ്പത്തിയുണ്ടായിട്ടും വോട്ട് ചെയ്യാൻ കഴിയാതിരുന്ന കെപിസിസി പ്രസിഡൻറായി മുല്ലപ്പള്ളി മാറി