4 ജി സേവനങ്ങള്‍ക്ക് നിശ്ചയിച്ച പ്രതിമാസം 99 രൂപ എന്ന നിരക്ക് ഉപയോക്താക്കളെ സംബന്ധിച്ച് ന്യായമായതാണെന്നും അദ്ദേഹം പറഞ്ഞു. 2020- 2021 കാലയളവില്‍ ഉപയോക്താക്കളില്‍ നിന്നുള്ള ശശാശരി വരുമാനം 5 ശതമാനം കുറഞ്ഞിരുന്നു. വില വര്‍ധനവിന് ശേഷം വി ഉപയോക്താക്കളുടെ എണ്ണം 26.98 കോടിയില്‍ നിന്നും 24.72 ആയി ചുരുങ്ങുകയായിരുന്നു. ഇക്കാലയളവില്‍ കമ്പനിക്ക് 4532.1 കോടി രൂപയുടെ നഷ്ടമുണ്ടായി.

2021 നവംബര്‍ മാസത്തിലാണ് സ്വകാര്യ ടെലികോം കമ്പനികളായ റിലയന്‍സ് ജിയോ, എയര്‍ടെല്‍, വി എന്നിവര്‍ പ്രീപെയ്ഡ് നിരക്കുകള്‍ വര്‍ധിപ്പിച്ചത്. നിരക്കില്‍ 20 ശതമാനം വര്‍ധനവാണുണ്ടായിരുന്നത്. നിരക്കുയര്‍ന്നതോടെ ഉപയോക്താക്കള്‍ കൂട്ടത്തോടെ മറ്റ് സേവനത്തിലേക്ക് മാറുകയായിരുന്നു. 4 ജി സേവനങ്ങള്‍ക്ക് പ്രതിമാസ നിരക്കായ 49 രൂപയില്‍ നിന്നും 79 രൂപയായാണ് വര്‍ധിപ്പിച്ചത്. ഇത് 99 രൂപയാക്കുന്നതും ന്യായമായ നിരക്കാണെന്നാണ് കമ്പനിയുടെ അവകാശവാദം.

കേന്ദ്ര സര്‍ക്കാരിനെതിരെ അന്താരാഷ്ട്ര കോടതിയില്‍ നല്‍കിയ 20,000 കോടി രൂപയുടെ നികുതി തര്‍ക്ക കേസില്‍ വോഡാഫോണിന് അനുകൂല വിധി. ഹേഗിലെ അന്താരാഷ്ട്ര ആര്‍ബിട്രേഷന്‍ ട്രൈബ്യൂണലാണ് വോഡാഫോണിന് അനുകൂലമായി വിധിച്ചത്.

ഇന്ത്യയും നെതർലാൻഡും തമ്മിലെ നിക്ഷേപ കരാറിന് വിരുദ്ധമാണ് ഇന്ത്യയുടെ നികുതി ചുമത്തലെന്ന് കോടതി പറഞ്ഞു. കേസിൽ നീതി ലഭിച്ചതായി വോഡാഫോൺ അധികൃതർ പ്രതികരിച്ചു.

രണ്ട് ബില്യന്‍ ഡോളറിന് പുറമെ, കേസ് നടത്തിപ്പുമായി ബന്ധപ്പെട്ട് ഉണ്ടായ ചെലവുകൾക്കായി വോഡാഫോണിന് നാൽപത് കോടി നൽകാനും കോടതി വിധിച്ചതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.