ഇപ്പോള്‍ തങ്ങളുടെ മക്കളുടെ യഥാര്‍ത്ഥ പേര് വെളിപ്പെടുത്തിയിരിക്കുകയാണ് നയന്‍താരയും വിഘ്‌നേഷും. ഉയിരിന്റെ യഥാര്‍ത്ഥ പേര് രുദ്രോനില്‍ എന്‍.ശിവ എന്നും ഉലകിന്റെ പേര് ദൈവിക് എന്‍.ശിവ എന്നുമാണ്. വിഘ്‌നേഷ് ശിവ തന്നെയാണ് ഇക്കാര്യം ഇന്‍സ്റ്റഗ്രാമിലൂടെ പുറത്തുവിട്ടത്.

ഇരുവരുടെയും പേരിനൊപ്പമുള്ള എന്‍ എന്ന അക്ഷരം എന്തിനെ സൂചിപ്പിക്കുന്നതാണെന്നും വിഘ്‌നേഷ് ശിവന്‍ ഇന്‍സ്റ്റയില്‍ കുറിച്ചിട്ടുണ്ട്. ലോകത്തെ ഏറ്റവും നല്ല അമ്മയുടെ പേരാണ്( നയന്‍താര) എന്‍ എന്ന അക്ഷരമെന്ന് താരം കുറിച്ചു. കുഞ്ഞുങ്ങളുടെ പേര്‍ പങ്കുവയ്ക്കുന്നതില്‍ അതിയായ സന്തോഷവും അഭിമാനവുമുണ്ടെന്ന് നയനും വിഘ്‌നേഷും അറിയിച്ചു.

നീണ്ട പ്രണയത്തിനൊടുവില്‍ 2022 ജൂണ്‍ 9നാണ് ഇരുവരും വിവാഹിതരായത്.