ഇളയരാജയാണ് വടിവേലുവിലെ ഗായകനെ കണ്ടെത്തിയത്. 1995ൽ ‘എല്ലാമേ എൻ റാസാ താൻ’ എന്ന ചിത്രത്തിൽ ആദ്യമായി വടിവേലു സിനിമാ പാട്ടുകാരനായി. പിന്നീട് യുവാൻ ശങ്കർ രാജ, ഹാരിസ് ജയരാജ്, വിദ്യാസാഗർ, ഡി ഇമ്മൻ തുടങ്ങി പ്രശസ്തരായ സംഗീത സംവിധായകർക്ക് വേണ്ടിയെല്ലാം വടിവേലു പാടി. അടുത്തിടെ താൻ നായകനായി അഭിനയിച്ച ‘നായ് സേകർ റിട്ടേൺസ്’ എന്ന ചിത്രത്തിൽ മൂന്ന് പാട്ടുകൾ അദ്ദേഹം പാടിയിരുന്നു.

ഉദയനിഥി സ്റ്റാലിൻ നിർമിക്കുന്ന ചിത്രത്തിൽ സ്റ്റാലിനൊപ്പം ഫഹദ് ഫാസിൽ, കീർത്തി സുരേഷ് തുടങ്ങിയവരും അഭിനയിക്കുന്നു. ചിത്രത്തിൽ ഒരു പ്രധാനപ്പെട്ട റോളിലാണ് വടിവേലു അഭിനയിക്കുന്നത്.