അതേസമയം സംസ്ഥാനത്ത് പതിനെട്ട് വയസിന് മുകളിലുള്ളവരുടെ വാക്സിനേഷന്‍ സംബന്ധിച്ച് ഇന്ന് തീരുമാനമുണ്ടാകും. വിദഗ്ധ സമിതി യോഗത്തിലെ നിർദേശങ്ങൾ മുഖ്യമന്ത്രിയുടെ അധ്യക്ഷതയിൽ ചേരുന്ന അവലോകന യോഗം വിലയിരുത്തും. ഗുരുതര രോഗബാധിതര്‍ക്കാകും വാക്സിൻ വിതരണത്തിൽ ആദ്യ മുന്‍ഗണന. മാധ്യമ പ്രവത്തകർ ഉൾപ്പെടെയുള്ളവരും പട്ടികയിലുണ്ടാകും. ഇന്നലെയാണ് സംസ്ഥാന സർക്കാർ വാങ്ങിയ കൊവിഷീൽഡ് വാക്സിൻ്റ ആദ്യ ബാച്ച് കേരളത്തിലെത്തിയത്. വരും ദിവസങ്ങളിൽ കൂടുതൽ വാക്സിൻ എത്തുമെന്നാണ് പ്രതീക്ഷ.

വാക്‌സിനേഷനായി 5 വാക്‌സിനേഷന്‍ ഓഫീസര്‍മാര്‍ ഉണ്ടാകും. ഒരു കേന്ദ്രത്തില്‍ 100 പേര്‍ക്കാണ് ഒരു ദിവസം വാക്സിന്‍ നല്‍കുന്നത്. രജിസ്റ്റര്‍ ചെയ്ത ആളിന് എവിടെയാണ് വാക്‌സിന്‍ എടുക്കാന്‍ പോകേണ്ടതെന്ന എസ്.എം.എസ്. ലഭിക്കും. അതനുസരിച്ചാണ് സമയം നിശ്ചയിച്ച് അവര്‍ വാക്‌സിനേഷന്‍ കേന്ദ്രത്തിലെത്തണം. 5 എം.എല്‍. കോവീഷീല്‍ഡ് വാക്‌സിനാണ് കുത്തിവെക്കുന്നത്. ആദ്യ ഡോസ് എടുത്തു കഴിഞ്ഞാല്‍ 28 ദിവസം കഴിഞ്ഞാണ് അടുത്ത ഡോസ് നല്‍കുക. വാക്സിനെടുത്തു കഴിഞ്ഞാല്‍ അരമണിക്കൂര്‍ നിരീക്ഷണത്തിലിരുത്തിയ ശേഷമേ വീട്ടിലേക്ക് പോകാനാകൂ. ആദ്യഘട്ടത്തില്‍ ആരോഗ്യ പ്രവര്‍ത്തകര്‍ക്കാണ് വാക്സിന്‍ നല്‍കുന്നത്. അടുത്ത ഘട്ടത്തില്‍ അമ്പത് വയസിന് മുകളിലുള്ളവര്‍ക്കും ഗുരുതര രോഗങ്ങള്‍ ഉള്ളവര്‍ക്കും വാക്സിന്‍ വിതരണം ചെയ്യും.