ബാറ്റിൽ ഗ്രൗണ്ട് സ്റ്റേറ്റ്‌സിൽ ബൈഡന് അപ്രതീക്ഷിത ലീഡാണ് ലഭിച്ചിരിക്കുന്നത്. നാല് സ്വിംഗ് സ്റ്റേറ്റ്‌സിന്റെ തെരഞ്ഞെടുപ്പ് ഫലമാണ് ഇന്ന് വരാനിരിക്കുന്നത്. ജോർജിയ, നോർത്ത് കരോലിന, പെൻസിൽവാനിയ, അലാസ്‌ക, നെവാഡ എന്നിവിടങ്ങളിലെ ഫലങ്ങൾ നിർണായകമാണ്.
ജോർജിയ, നോർത്ത് കരോലിന, പെൻസിൽവാനിയ എന്നിവിടങ്ങളിൽ ട്രംപിന് നേരിയ മുൻതൂക്കമുണ്ട്. നെവാഡ നിലനിർത്തിയാൽ ജോ ബൈഡന് വിജയം ഉറപ്പിക്കാമെന്നാണ് വിലയിരുത്തൽ.

അതേസമയം, കള്ളവോട്ട് ആരോപിച്ച് ഡോണൾഡ് ട്രംപ് കോടതിയെ സമീപിച്ചു. മിശിഗൺ കോടതിയിലും, സുപ്രിംകോടതിയിലുമാണ് ട്രംപ് അപ്പീൽ നൽകിയിരിക്കുന്നത്. പെൻസിൽവാനിയയിലെ വോട്ടെണ്ണലിൽ അട്ടിമറി നടന്നെന്ന് ഡോണൾഡ് ട്രംപ് ആരോപിച്ചു. ജോർജിയയിലും പെൻസിൽവാനിയയിലും വോട്ടെണ്ണൽ ഉടൻ നിർത്തിവയ്ക്കണമെന്നും വിസ്‌കോൺസിനിൽ വീണ്ടും വോട്ടെണ്ണണമെന്നും ഡോണൾഡ് ട്രംപ് ആവശ്യപ്പെട്ടു.

വലിയ ആഘോഷത്തിന് വേണ്ടി തയാറെടുക്കുകയാണ് താനെന്നും ട്രംപ് മാധ്യമങ്ങൾക്ക് മുന്നിൽ പറഞ്ഞു. തന്നെ പിന്തുണച്ച അമേരിക്കൻ ജനത, ഫസ്റ്റ് ലേഡി, തന്റെ കുടുംബം എന്നിവർക്ക് നന്ദി പറഞ്ഞ ട്രംപ് താൻ തന്നെ അധികാരത്തിൽ തിരിച്ചെത്തുമെന്നും പറഞ്ഞു.

അതേസമയം, അമേരിക്കയിൽ പോരാട്ടം കനക്കുകയാണ്. സർവേ ഫലങ്ങൾ ഡെമോക്രാറ്റ് സ്ഥാനാർത്ഥി ജോ ബൈഡന് അനുകൂലമായിരുന്നു. വോട്ടെണ്ണൽ ആരംഭിച്ചരപ്പോൾ ആരംഭഘട്ടത്തിലെ ട്രെൻഡ് ബൈഡന് അനുകൂലമായിരുന്നുവെങ്കിലും നിലവിൽ അമേരിക്ക ചുവപ്പണിയുന്ന രംഗമാണ് കാണുന്നത്. ഇലക്ട്രൽ വോട്ടിൽ നിലവിൽ 225 വോട്ടോടെ ബൈഡൻ തന്നെയാണ് മുന്നേറുന്നതെങ്കിലും അപ്രതീക്ഷിത മുന്നേറ്റമാണ് ട്രംപ് നടത്തുന്നത്. 213 ഇലക്ട്രൽ വോട്ടാണ് ട്രംപ് നേടിയിരിക്കുന്നത്.

പകുതിയിലധികം അമേരിക്കൻ പൗരന്മാരും വോട്ട് രേഖപ്പെടുത്തിയതിന് ശേഷമാണ് ഇത്തരത്തിൽ സന്ദേശങ്ങൾ എത്തിയത്. തെരഞ്ഞെടുപ്പ് അട്ടിമറിക്കാൻ ബാഹ്യ ഇടപെടലുകൾ നടക്കുന്നതായി ഹോംലാൻഡ് സെക്യൂരിറ്റി ഓഫിസർ ക്രിസ്റ്റഫർ ക്രബ്‌സ് പറഞ്ഞു.

2016 ലെ തെരഞ്ഞെടുപ്പ് സമയത്ത് റഷ്യൻ ഹാക്കർമാർ റിപബ്ലിക്കൻ സ്ഥാനാർത്ഥിയായ ഡോണൾഡ് ട്രംപിന് അനുകൂലമായി ജനങ്ങളെ സ്വാധീനിക്കാൻ പതിനായിരക്കണക്കിന് ഇമെയിലുകളാണ് അയച്ചത്. അന്ന് മുതൽ അമേരിക്കൻ തെരഞ്ഞെടുപ്പിൽ ബാഹ്യ ഇടപെടലുകളുണ്ടെന്ന് പുറംലോകം മനസിലാക്കുന്നത്.

ഇത്തവണ പതിവിലും വിപരീതമായി ഭൂരിഭാഗം അമേരിക്കൻ പൗരന്മാരും പോളിംഗ് ബൂത്തിലെത്തി. 99 മില്യൺ പേർ തപാൽ വോട്ടും, മുൻകൂർ വോട്ടും നടത്തി. ആകെ 160 മില്യൺ വോട്ടുകളാണ് തെരഞ്ഞെടുപ്പ് വിദഗ്ധർ പ്രതീക്ഷിച്ചിരുന്നത്.