ജര്‍മനിയുടെ ലോകകപ്പ് പ്രതീക്ഷയുടെ പ്രധാന താരമായിരുന്നു വെര്‍നര്‍. ജര്‍മന്‍ ക്ലബ്ബായ ലെപ്‌സിഗ് ട്വിറ്ററിലൂടെയാണ് വെര്‍നര്‍ കളിക്കില്ലെന്ന് അറിയിച്ചത്. വെര്‍നര്‍ക്ക് പരുക്കുണ്ടെന്നും ഈ വര്‍ഷം മുഴുവന്‍ പുറത്തിരിക്കേണ്ടി വരുമെന്നുമാണ് ട്വീറ്റ്.

ഷാക്തര്‍ ഡൊണെറ്റ്സ്‌കിനെതിരെ ലെപ്സിഗ് 4-0 വിജയത്തില്‍ കളിക്കുന്നതിനിടെയാണ് വെര്‍നറിന് കാലിന് പരുക്കേറ്റത്. 26 വയസുകാരനായ വെര്‍നര്‍ ജര്‍മന്‍ ദേശീയ ടീമിനായി 55 മത്സരങ്ങളില്‍ പങ്കെടുത്തിട്ടുണ്ട്. 24 ഗോള്‍ നേടാനും വെര്‍നറിന് സാധിച്ചിട്ടുണ്ട്. ജപ്പാനെതിരെ 23നാണ് ആദ്യ മത്സരം നടക്കുന്നത്.