അന്താരാഷ്ട്ര തലത്തിൽ തന്നെ ശ്രദ്ധ നേടിയ രക്ഷാ പ്രവർത്തനമായിരുന്നു തായ്‌ലൻഡിലെ ചിയാങ് റായ് പ്രവിശ്യയിലെ താം ലുവാങ് ഗുഹയിൽ അന്ന് നടന്നത്. 2018 ജൂൺ 23 നു ഗുഹ സന്ദർശിക്കാൻ പോയ ഫുട്ബോൾ ടീമിലെ 12 കുട്ടികളും സഹ പരിശീലകനും കനത്ത മഴയിൽ ഗുഹക്കകത്ത് അകപ്പെടുകയായിരുന്നു. ഗുഹയിലകപ്പെട്ടവരെ 17 ദിവസത്തെ കഠിന പരിശ്രമത്തിന് ശേഷമാണ് സുരക്ഷാ സേന ജീവിതത്തിലേക്ക് തിരികെ എത്തിച്ചത്.

ലോകം മുഴുവന്‍ ഭീതിയോടെ ശ്വാസമടക്കിയാണ് അന്ന് രക്ഷാപ്രവര്‍ത്തനത്തിന്‍റെ വാര്‍ത്തകള്‍ക്കായി കാത്തിരുന്നത്. ലോകത്തെയാകെ മുള്‍മുനയില്‍ നിര്‍ത്തിയ അന്നത്തെ രംഗങ്ങളെയെല്ലാം വീണ്ടും ചിത്രീകരിച്ച് കൊണ്ടാകും തെർട്ടീൻ ലിവ്സിനെ അണിയറ പ്രവര്‍ത്തകര്‍ വെള്ളിത്തിരയിലെത്തിക്കുക.