ഇത്രയധികം പണം സമ്പാദിച്ചിട്ടും ഒരു രൂപ പോലും ബിസിസിഐ നികുതി അടയ്ക്കാത്തതിനു കാരണം ബിസിസിഐ ഒരു ചാരിറ്റബിൾ ഓർഗനൈസേഷനായതുകൊണ്ടാണ്. 1996ലാണ് ചാരിറ്റബിൾ ഓർഗനൈസേഷനായി ബിസിസിഐയെ രജിസ്റ്റർ ചെയ്യുന്നത്. ജീവകാരുണ്യ സ്ഥാപനമായി രജിസ്റ്റർ ചെയ്തിരിക്കുന്നതുകൊണ്ടാണ് ബിസിസിഐ നികുതിയിൽ നിന്ന് രക്ഷപ്പെടുന്നത്. 1961ലെ ഇൻകം ടാക്സ് ആക്ട് പ്രകാരം ജീവകാരുണ്യ സ്ഥാപനങ്ങൾക്ക് നികുതി നൽകേണ്ടതില്ല.

സുപ്രീം കോടതി അംഗീകരിച്ച ജസ്റ്റിസ് ലോധ കമ്മിറ്റിയുടെ ശുപാർശകൾ ഉൾപ്പെടുത്തുന്നതിനായി അതിന്റെ മെമ്മോറാണ്ടം ഓഫ് അസോസിയേഷനിൽ (എംഒഎ) വരുത്തിയ ഭേദഗതികളുടെ പശ്ചാത്തലത്തിൽ പുതിയ രജിസ്ട്രേഷന് അപേക്ഷിച്ചപ്പോൾ അതിന്റെ നില തർക്കമായി.

2021ൽ, സുപ്രിം കോടതി നിയമിച്ച ലോധ കമ്മിറ്റിയുടെ ശുപാർശകളുടെ പശ്ചാത്തലത്തിൽ വീണ്ടും ബിസിസിഐ രജിസ്ട്രേഷന് അപേക്ഷിക്കേണ്ടിവന്നു. ഈ സമയത്ത് ബിസിസിഐ നികുതി നൽകാത്തത് ചോദ്യം ചെയ്യപ്പെട്ടു. ജീവകാരുണ്യ സ്ഥാപനങ്ങൾക്ക് നികുതി അടയ്ക്കേണ്ടതില്ലെങ്കിലും പൊതുജനത്തിന് ഉപകാരപ്രദമാകുന്ന എന്തെങ്കിലും പ്രമോട്ട് ചെയ്യാനല്ലാതെ ഒരു വാണിജ്യ ഇടപാട് നടത്താൻ പാടില്ലെന്ന് നിയമം അനുശാസിക്കുന്നു. ഇത് മുൻനിർത്തിയാണ് ഇൻകം ടാക്സ് ഡിപ്പാർട്ട്മെൻ്റ് ബിസിസിഐയെ ചോദ്യം ചെയ്തത്. എന്നാൽ, ഐപിഎൽ നടത്തുന്നത് ക്രിക്കറ്റിനെ പ്രമോട്ട് ചെയ്യാനാണെന്ന് ബിസിസിഐ ഇൻകം ടാക്സ് അപ്പെലറ്റ് ട്രൈബ്യൂണലിൽ നിവേദനം സമർപ്പിച്ചു. അതുകൊണ്ട് തന്നെ ഐപിഎൽ വരുമാനത്തെ നികുതിയിൽ നിന്ന് മാറ്റണമെന്നും ബിസിസിഐ അവകാശപ്പെട്ടു. ഈ അപേക്ഷയെ ട്രൈബ്യൂണൽ അംഗീകരിക്കുകയും ചെയ്തു. സാങ്കേതികമായി ബിസിസിഐയുടെ വാദം ശരിവച്ചുകൊണ്ടാണ് ട്രൈബ്യൂണൽ അപേക്ഷയെ അംഗീകരിച്ചത്. ഐപിഎൽ ടൂർണമെന്റ് നടത്തുന്നതിലൂടെ ലഭിക്കുന്ന അധിക വരുമാനം ഉൾപ്പെടെ ബിസിസിഐയുടെ ഉടമസ്ഥതയിലുള്ള പണം മുഴുവൻ ക്രിക്കറ്റിനെ പ്രോത്സാഹിപ്പിക്കുന്നതിനാണ് വിനിയോഗിക്കേണ്ടതെന്ന് ഉത്തരവിൽ പറയുന്നു.

അതേസമയം, ഐസിസിയ്ക്ക് ഇങ്ങനെ ഒരു പരിഗണനയില്ല. ഇക്കൊല്ലം നടക്കുന്ന ഏകദിന ലോകകപ്പിൽ ഐസിസിയ്ക്ക് ബിസിസിഐ 963 കോടി രൂപ നൽകണം. ഐസിസി കേന്ദ്ര സർക്കാരിന് അടയ്ക്കേണ്ട നികുതിയാണ് ബിസിസിഐ നൽകുന്നത്.

സ്വർണ്ണ വിലയിൽ ഉണ്ടായ വർധനവാണ് സർക്കാരിന്റെ നികുതി വരുമാനവും വർധിപ്പിച്ചത്. 2017-18 ൽ 614 കോടി രൂപയായിരുന്നു നികുതി ഇനത്തിൽ സർക്കാർ ഖജനാവിൽ എത്തിയത്. എന്നാൽ ഇക്കഴിഞ്ഞ സാമ്പത്തിക വർഷം നികുതിയായി ലഭിച്ചത് 1121 കോടി രൂപയാണ്. 2019 ൽ ഇത് 852 കോടിയും 2020 ൽ 871 കോടിയും 2021 ൽ 973 കോടിയുമായിരുന്നു.

ജി.എസ്.ടി നിലവിൽ വന്നതോടെ മൂന്നു ശതമാനമാണ് സ്വർണ്ണത്തിന് നികുതിയായി ലഭിക്കുന്നത്. രജിസ്റ്റേഡ് വ്യാപാരികളുടെ വിറ്റുവരവിനെ അടിസ്ഥാനമാക്കിയാണ് സർക്കാരിലേക്ക് നികുതി പണം എത്തുന്നത്. അതേസമയം, ബില്ലുകൾ നൽകാതെ നികുതി വെട്ടിപ്പ് നടത്തുന്ന സ്ഥാപനങ്ങളും സജീവമായി തന്നെ രംഗത്തുണ്ട്.