ഗംഭീര തുടക്കമാണ് ഓപ്പണർമാർ ചേർന്ന് സൺറൈസേഴ്സിനു നൽകിയത്. ആദ്യ വിക്കറ്റിൽ തന്നെ ജേസൻ റോയ്‌യും വൃദ്ധിമാൻ സാഹയും ചേർന്ന് 57 റൺസിൻ്റെ കൂട്ടുകെട്ടുയർത്തി. സാഹയെ പുറത്താക്കിയ മഹിപാൽ ലോംറോർ ആണ് ഈ കൂട്ടുകെട്ട് പൊളിച്ചത്. 18 റൺസെടുത്ത സാഹയെ സഞ്ജു സ്റ്റമ്പ് ചെയ്ത് പുറത്താക്കുകയായിരുന്നു. രണ്ടാം വിക്കറ്റിൽ ക്രീസിലെത്തിയ കെയിൻ വില്ല്യംസൺ ഉറച്ചുനിന്നതോടെ ഹൈദരാബാദ് കുതിച്ചു. ഇതിനിടെ റോയ് ഫിഫ്റ്റി നേടി. ഗ്രൗണ്ടിൻ്റെ നാലു ഭാഗത്തേക്കും ഷോട്ടുകൾ കളിച്ച് റോയ് മുന്നേറവെ ചേതൻ സക്കരിയ രാജസ്ഥാന് ബ്രേക്ക് ത്രൂ നൽകി. 42 പന്തുകളിൽ 60 റൺസെടുത്ത റോയ്‌യെ സഞ്ജു ഗംഭീരമായി പിടികൂടുകയായിരുന്നു. പ്രിയം ഗാർഗ് (0) ഗോൾഡൻ ഡക്കായി. മുസ്തഫിസുർ റഹ്മാനായിരുന്നു വിക്കറ്റ്.

നാലാം നമ്പറിലെത്തിയ അഭിഷേക് ശർമ്മ വില്ല്യംസണൊപ്പം ക്രീസിൽ ഉറച്ചു. ഇരുവരും മികച്ച ഷോട്ടുകളുമായി കളം നിറഞ്ഞപ്പോൾ രാജസ്ഥാന് മറുപടി ഇല്ലാതായി. 19ആം ഓവറിൽ രണ്ട് ബൗണ്ടറികളോടെ ടീമിനെ വിജയിപ്പിച്ച വില്ല്യംസൺ ഫിഫ്റ്റിയും തികച്ചു. വില്ല്യംസണും (51) അഭിഷേക് ശർമ്മയും (21) പുറത്താവാതെ നിന്നു. ഇരുവരും ചേർന്ന് അപരാജിതമായ 48 റൺസിൻ്റെ കൂട്ടുകെട്ടാണ് നാലാം വിക്കറ്റിൽ കൂട്ടിച്ചേർത്തത്.

ആദ്യം ബാറ്റ് ചെയ്ത രാജസ്ഥാൻ നിശ്ചിത 20 ഓവറിൽ 5 വിക്കറ്റ് നഷ്ടത്തിലാണ് 164 റൺസ് നേടിയത്. 82 റൺസ് നേടി മുന്നിൽ നിന്ന് നയിച്ച ക്യാപ്റ്റൻ സഞ്ജു സാംസൺ ആണ് രാജസ്ഥാൻ്റെ ടോപ്പ് സ്കോറർ. ഇതോടെ സഞ്ജു ഈ സീസണിൽ ഏറ്റവുമധികം റൺസ് നേടിയ താരങ്ങളുടെ പട്ടികയിൽ ഒന്നാം സ്ഥാനത്തെത്തി. അവസാന ഓവറുകളിൽ ഉജ്ജ്വലമായി പന്തെറിഞ്ഞ സൺറൈസേഴ്സ് ബൗളർമാർ രാജസ്ഥാനെ പിടിച്ചുനിർത്തുകയായിരുന്നു. 

ഐപിഎല്ലില്‍ കിങ്സ് ഇലവന്‍ പഞ്ചാബിനെതിരെ സണ്‍റൈസേഴ്സ് ഹൈദരാബാദിന് ജയം. 69 റണ്‍സിന്‍റെ വലിയ തോല്‍വിയാണ് കിങ്സ് ഇലവന് നേരിടേണ്ടി വന്നത്. ബാറ്റിങ്ങിന്‍റെ സമ്പൂര്‍ണ പരാജയമാണ് പഞ്ചാബിനെ തോല്‍വിയിലേക്ക് നയിച്ചത്. നിക്കോളാസ് പുരാന്‍റെ(77) വെടിക്കെട്ട് ബാറ്റിങ് പഞ്ചാബിന് പ്രതീക്ഷ നല്‍കിയെങ്കിലും മികച്ച രീതിയില്‍ പന്തെറിഞ്ഞ ഹൈദരാബാദ് വിജയം കൈവരിക്കുകയായിരുന്നു.

ആദ്യം ബാറ്റ് ചെയ്ത സണ്‍റൈസേഴ്സ് നായകന്‍ വാര്‍ണര്‍ (52), ജോണി ബെയര്‍സ്റ്റോ (97)എന്നിവരുടെ മികച്ച ഓപ്പണിങ് കൂട്ടുകെട്ടിലൂടെ മത്സരത്തില്‍ ആധിപത്യം നേടി. 15 ഓവറില്‍ 160 റണ്‍സ് എന്ന നിലയിലാണ് ആ കൂട്ടുകെട്ട് അവസാനിച്ചത്. ഇരുവരെയും ഒരേ ഓവറില്‍ മടക്കിയയച്ചത് രവി ബിഷ്ണോയാണ്. കെയിന്‍ വില്യംസണിന്‍റെ അവസാന ഓവറിലെ പ്രകടനമാണ് സണ്‍റൈസേഴ്സിനെ 201 എന്ന ടോട്ടല്‍ നല്‍കിയത്. രവി ബിഷ്ണോയ് മൂന്നും അര്‍ഷദീപ് സിങ് രണ്ടും ഷമി ഒരു വിക്കറ്റും വീഴ്ത്തി.

മറുപടി ബാറ്റിങ്ങിനിറങ്ങിയ പഞ്ചാബിന് തുടക്കത്തിലേ പിഴച്ചു. തുടരെ തുടരെ വിക്കറ്റുകള്‍ നഷ്ടമായ പഞ്ചാബിനെ പിടിച്ചുയര്‍ത്തിയത് നിക്കോളസ് പൂരന്‍റെ പ്രകടനമാണ്. മറ്റാരും തന്നെ പഞ്ചാബ് നിരയില്‍ പിടിച്ചു നിന്നില്ല. ഒടുവില്‍ 16.5 ഓവറില്‍ 132ന് പഞ്ചാബ് ഇന്നിങ്സ് അവസാനിച്ചു. 4 ഓവറില്‍ 12 റണ്‍സ് മാത്രം വഴങ്ങി മൂന്ന് വിക്കറ്റെടുത്ത റാഷിദ് ഖാനാണ് പഞ്ചാബിനെ തകര്‍ത്തത്.

സ്കോര്‍

സണ്‍റൈസേഴ്സ് ഹൈദരാബാദ് : 201/6 (20)

കിങ്സ് ഇലവന്‍ പഞ്ചാബ് : 132/10 (16.5)