കാണാതായ കുട്ടി അനുഷ്‌ക കിരൺ മോറെയുടെ ചിത്രവും വിവരങ്ങളും പങ്കുവെച്ചായിരുന്നു സണ്ണി ലിയോണിന്റെ സഹായ അഭ്യർഥന. വ്യാഴാഴ്ച വൈകുന്നേരം മുതൽ ജോഗേശ്വരി വെസ്റ്റിലെ ബെഹ്‌റാം ബാഗിൽ നിന്ന് അനുഷ്കയെ കാണാനില്ലെന്ന് മുംബൈ പൊലീസിന്റെയും ബിഎംസിയുടെയും ഔദ്യോഗിക അക്കൗണ്ടുകൾ ടാഗ് ചെയ്തുകൊണ്ട് സണ്ണി ലിയോൺ പറഞ്ഞു. കുട്ടിയെ കണ്ടെത്തുന്നവര്‍ക്ക് 50,000 രൂപ പാരിതോഷികമായി നല്‍കുമെന്നും സണ്ണി ലിയോൺ പറഞ്ഞു.

സണ്ണിയുടെ പോസ്റ്റ് പ്രത്യക്ഷപ്പെട്ട് ഒമ്പത് മണിക്കൂര്‍ പിന്നിടുമ്പോഴേക്കും കുട്ടിയെ കണ്ടെത്തി. സണ്ണി തന്നെയാണ് പെണ്‍കുഞ്ഞിനെ തിരികെ കിട്ടിയ സന്തോഷം ഫോട്ടോ സഹിതം സോഷ്യല്‍ മീഡിയയില്‍ പങ്കിട്ടത്. ‘കണ്ടെത്തി…ഞങ്ങളുടെ പ്രാര്‍ത്ഥനകള്‍ക്ക് ഉത്തരം കിട്ടി!!. ദൈവം വലിയവനാണ്. ദൈവം ഈ കുടുംബത്തെ അനുഗ്രഹിക്കട്ടെ. കുടുംബത്തിന് വേണ്ടി മുബൈ പൊലീസിന് വളരെയധികം നന്ദി’- സണ്ണി കുറിച്ചു.

ഹാൾ ടിക്കറ്റിൽ വിദ്യാർത്ഥിയുടെ ഫോട്ടോയ്ക്ക് പകരം സണ്ണി ലിയോണിന്റെ ചിത്രമാണ് വിദ്യാഭ്യാസ വകുപ്പ് അച്ചടിച്ചതെന്ന് കർണാടക കോൺഗ്രസ് സോഷ്യൽ മീഡിയ ചെയർപേഴ്സൺ ബിആർ നായിഡു ആരോപിച്ചു. ട്വിറ്ററിലൂടെയാണ് നായിഡുവിന്റെ വിമർശനം. കർണാടക വിദ്യാഭ്യാസ മന്ത്രി ബിസി നാഗേഷിനെ ട്വീറ്റിൽ ടാഗ് ചെയ്യുകയും ചെയ്തു.

കർണ്ണാടക വിദ്യാഭ്യാസ മന്ത്രി അറിയാൻ, നിങ്ങൾക്ക് ഒരു ബ്ലൂ ഫിലിം താരത്തെ കാണണമെങ്കിൽ, ഒരു ഫോട്ടോ തൂക്കിയിടുക, അതിന് വിദ്യാഭ്യാസ വകുപ്പ് ഉപയോഗിക്കരുത്’ നായിഡു ട്വീറ്റിൽ വിമർശിച്ചു. നായിഡുവിന്റെ ആരോപണത്തിന് മറുപടിയായി ബിസി നാഗേഷിന്റെ ഓഫീസ് എത്തിയിരുന്നു. ഉദ്യോഗാർത്ഥികളാണ് ഫോട്ടോ അപ്ലോഡ് ചെയ്യുന്നതെന്ന് നാഗേഷിന്റെ ഓഫീസ് അറിയിച്ചു.

‘ഉദ്യോഗാർത്ഥികൾ അറ്റാച്ച് ചെയ്യുന്ന ഏത് ഫോട്ടോയും സിസ്റ്റം എടുക്കുകയാണ് പതിവ്. സണ്ണി ലിയോണിന്റെ ഫോട്ടോ അഡ്മിറ്റ് കാർഡിൽ ഇടുന്നുണ്ടോ എന്ന് ഞങ്ങൾ ഉദ്യോഗാർത്ഥിയോട് ചോദിച്ചിരുന്നു. അവളുടെ ഭർത്താവിന്റെ സുഹൃത്താണ് തന്റെ വിവരങ്ങൾ അപ്ലോട് ചെയ്തതെന്നാണ് അവർ നൽകിയ മറുപടിയെന്ന് പ്രസ്താവയിൽ പറയുന്നു.